اتقولون ما عندكم فلوس !!!!!!!

[Mishari]

هذامره وانا على جسر البحرين مر علي واحد حاط كتابة وراه كاشخ ومفلس وثاني كاتب يارس مزيونه ولا رنج مديون . عاد الصراحه المواتر مو كل شي اهم شي راحة البال مو اخذا موتر واقعد اقصد عليه طول عمري حرام مت اتزوج اذا اقصد على موتر .

[راعي ال2008 الاسود]

انا ائيد اخوووي بوحارب لكن بعض الشباب يرحون يحطون على ظهورهم ديون بس على شان يشتري
سيارة فخمة ول يكشخ اخر كشخة كنه بعرس وفي الاخير كلها ديون في ديون وياناس الي يعرف المثل الي يقول ( مد رجولك على قد لحافك ) شكلهم الشباب الفنتك ماسمعوا عنه والله كريم ان شاء الله والله يهديهم
وتسلم اخوي على طرح الموضوع

[oqbah]

القناعه والله كنز لا يفنى
واللي عاقل يحمد ربه على نعمة العقل والقناعه
انا اشوف ان الل يركب ديون عشان مظهر مابعد عقل توه صغير

الرجال مخابر مو مظاهر ولو اهنا حكمه كان بدأ بالأهم
مشكلة شبابنا همه مظهر لا غير وكلش تقسيط ودين

صدقوني يحز في نفسي على اللي يرهن بطاقته عشان بنزين
معناته انه مفلس ويخادع نفسه المسكين

الحمد لله الحمد لله الحمد لله

[مزيون الدوحه]

نعم موجود

يقسطها البنك

العالم قامت تاخذ قروض وتتزوج

ربا من اولها ؟؟

[شعشوع]

وترا الرنج ... راعيه

حلووووه

[حمد57]

لا تستغرب

كنا انسويها قبل

والله انك طيب .... كنا انسويها قبل

للحين طالع عمرك ... انا ماتم وياي الا بطاقة البنك ومايبون ياخذنوها لان ما فيها صوره

[التيما]

وشهد شاهد من أهلها .. يعطيك العافية أخوي والله انك صدقت ..

[PoBox]

السياره بياخذونها بالاقساط
هل توجد زوجه بالاقساط ؟؟

هل المشكلة ان مافي حد يقسط ؟؟

روح الاولى للتمويل يمولونك فلوس القاعة
وحتى فلوس المجوهرات بعد لو تبي
وتمويل اسلامي
http://www.ffcqatar.com/prd_jewlery.aspx

[هام السحاب]

بعض الشباب الله يهديهم مبدأهم غيري مب احسن مني

[فــلان]

ترا كثرت هذي المواضيع في الاونه الاخيره

يا اخوان كل واحد عنده عقل ويحسب اموره اللي ما يعرفها غيره وما في وصايه لحد على حد

لا تحطو نفسكم رقباء على الناس وتعتبرون ان ما حد عند عقله غيركم

من راقب الناس مات هما

والله يرزق الجميع

أحسنت أخوي بارك الله فيك