مشكور الشيخ وممكن رقمك على الخاص
مشكور الشيخ وممكن رقمك على الخاص
موضوع مماز اخوي
وبالنسبه للتريلات ياخوي اشوفها موضه والكل طايح فيها
انا عن نفسي من قبل كم يوم في مصري مندوب تعرفت عليه وكان يقولي اشتغل في الحفاره وقالي خذ لك حفاره موديل 99 قيمتها 150 الف وقالي في الشهر لك 10 الاف واي خراب فيها اهو يتحمل كل شي ومع عقد طبعا
وبعدين قالي اهو من نفسه راح يشتغل فيها وقالي انا باكسب من وراها وانت لك 10 الاف شهريآ
بس كل احد قالي هاي نصاب وماعليك منه والحين محتاااار
السلام عليكم
مشكور اخوي قطر2007 على فتح هذا الموضوع للنقاش لانه جدا مفيد
بخصوص التريلات مربحه او غير ذلك فانا بحكم تجربتي البسيطه في هذا المجال
فاعتقد انها تعتمد على توفيق الله ثم بعض العوامل الثانيه مثل السائق الامين صاحب الخبره
عنما شريت التريلا واجهتني بعض الاعطال اللي زهقتني لدرجة اني عرضتها للبيع.
بعدين انصحوني بعض الشباب باالصبر فترة شهر او شهرين, وفعلا ولله الحمد اشتغلة معاي مثل الساعه
وادخلة لي مدخول طيب
والسلام
اي تجارة في الدنيا فيهه ربح وخسارة
اذا عندك تريلات وتبي اتشغلهم ابعقد عطني خبر على الخاص بس انه اليوم يمكن اسافر وباعود عقب كم يوم ومالك غير طيبت الخاطر .
تحياتي .
شكرا للجميع و استفدنا من كل الردود بصراحه .... واتمنى المزيد من المشاركات لتعم الفائدة للجميع
ومشكووورين
اخوكم
قطر2007
التعديل الأخير تم بواسطة قطر2007 ; 01-07-2008 الساعة 12:25 PM
التريلات تجاره ممكن تكون مربحه بس المطلوب المتابعه وطولة البال خاصه في البدايه
الاشياء المهم في هالشغلانه السااايق , ممكن يريحك وممكن يعور لك راسك ويعفس لك الدنيااا( انصحك بالبتاان)
ونوعية الشغل الي بتدخله ,اذا بتأجر وتفتك بس هذا يتطلب شركات موثوق فيهااا ولا يكون التأجير على عماهاا لانه مشاكل كثيره صارت بسبب عدم الاتزام بالدفع وغيره .(ما انصحك).
اما اذا بتشغلها بنفسك يعني بحسبة الطن والنقله ,فيها عوار راس بس مربحه, اهتم في المواد الي تنقلها ما تكسر الصندوق ( شغل الرمل المغسول ومصانع الخرسانات الجاهزه زين)
ولا تنسى نوعية التريلا اذا جديده او مستعمله (افضل Lb من موديل 90 الى 97
تحياااتي
سلام عليكم ياشباب مدري اذا كان قصدك بيع وشراء ابي نصحك الشرأ من الماني فية ربح اهم شي تعرف من تتعامل معه ولا جمعلك اربعة يبون تريلات ويروح واحد منكم ويشتريها ثم يشحنها00 اذا كان قصدك تشقيلها تراها فيها ربح الحين ياصل تريب الرمل من امسعيد الى الصناعية اوالى الريان 1000 او1200 ريال وكل مايبعد يزيد وعليك الحسب في الشهروللعلم يحصلك تريبين يوميان من عقب الميزن الجديد السعر صار بتريب افضل من الطن لكن ابي انصحك بشي ؟؟؟؟؟؟؟ بنسبة السواق تقولة راتبك 2000 ريال و500 بدل افرتايم و500ريال اذا مافيها اعطال في الشهر شوف شلون يشتغل بشرط يكون على كفالتك ويكون اسيوي ماهو سوري 00 وصبر ثم الصبر وحسب حسابك ان الصناعية بتصير عندك مثل السد و النصر 000 واذاما تبي الفايدةالقوية أجرعلى افراد او شركة لازم تاخذ يجار شهرين تامين ويجار التريلا النظيفة ما يزيد عن 15000 الف000000000 ولله يوفق الجميع 0000000000
والله انا مالي في التريلات
لكن واحد من الربع لزم علي اني اشتري وحده وهو بيتكفل بكل شي
وفعلا شريت وحده ب275000 واجرها عن طريقه شهريا 20000 ريال وككككككككككككككللللللل شي عليهم
كل شي كل شي
وعقد لمدة ثلاث سنوات قابل للتمديد
وعطوني شيكات على المده كامله
وكل شهر استلم شيكي ولا فيه اي مشكله وملتزمين جدا بالدفع
انا اعتقد انا ضمان الدفع يعتمد على قوة الشركة المستأجرة للتريلات ووضعها المالي ويصادف ان بعض مشاكل الدفع والقضايا تكون بسبب الشركات الصغيرة الي تأسست من فترة بسيطه عشان هالشغلة .. ومشكورين على مروركم .