المشاركة الأصلية كتبت بواسطة خبير البورصه
يعطيك العافيه اخوي خلدون
بخصوص عقارات الامارات وخاصه دبى مافي شقه 5 غرف نوم بسعر 600 الف ريال.
انا شاري صوب منطقة مطار جبل علي غرفة نوم وحده على 620 الف درهم واذا بغيت بمناطق جميرا الفوت عندهم من شركة تعمير على 3500 درهم عماره عاديه بمنطقه عاديه مش مثل مشروع اللؤلؤه.
اما الفلل عندهم مثل المرابع العربيه الفيلا على 6 مليون وهالاسعار ذي من العام فلل صغيره وصوب شارع الامارات بعيد وايد.
بصراحه ما زاد رغبتي بالاستثمار بمثل هذه المشاريع هني الاسعار اللي شفتها في دبى شي جنوني.
المشاركة الأصلية كتبت بواسطة نمر بن عدوان
اخوي خلدون من وين جبت هالمعلومة الغلط . اتمنى لو في شقة في دبي غرفة في مكان من الاماكن العادية شبة السياحية ب 800الف مش 600الف.
للعلم الابراج الي في المارينا في دبي تباع الشقق فيها غرفة نوم اطلالة مباشرة ب 2.5 مليون .
النقطة الثانية والاهم مشروع اللؤلؤة اعيد واكرر لن يتكرر في قطر بنفس الطريقة والمواصفات . ولايمككن مقارنة مشروع سكني شعبي مثل لوسيل باللؤلؤة. وحتى الشقق الي في الابراج في لوسيل اصبحت اغلى من اللؤلؤة .
ونقطة ثانية اخوي خلدون بالنسبة للتشطيبات هناك ابراج الصبان وقطر الاولى وعندهم تشطيبات حسب مزاجك واختيارك ومن ارقى المستويات. صحيح المتحدة لها كم برج لكن هناك شروط مفروضة على المطورين بشأن جودة التشطيبات .
المشاركة الأصلية كتبت بواسطة khaldoon
ما اعتقد انه بتظل نفس الشي لانه ما عاد في احتكار و صار العرض اكبر من الطلب
شوف الامارات هل الاسعار فيها مثل الاسعار في قطر..اعرف انه الامارات تشتري شقه 5 غرف نوم ب 600 الف و هني غرفة نوم واحده بمليون او ب 1.8 مليون في اللؤلؤه...اعتقد انه علشان الدقه اكثر في الجواب خلي احد عنده خبره بعقارات الامارات يفيدك اخوي
انا ما عندي خبره بالامارات و اشرت لهذا الشي من خلال كلامي فوق بس كنت اشوف اعلانات لابراج الجنه في الامارات و الاسعار ب 600 الف لخمس غرف نوم ...صحيح مب هذه السنه....يمكن من سنه ونصف بس يوم كانت بهذه الاسعار كانت اسعار اللؤلؤة مثل ما نعرفها...900 الف مليون ونصف للستوديو وهذا الكلام معروف للجميع و شوفوا الجرايد
يمكن تقولي ابراج الجنه ما تعادلها بابراج اللؤلؤه ...اوكيه معاك بس انتبه بالنهايه هي شقة استثمرها و اتمنى انها ما تطيح في جبدي و بس
ما في داعي نتكلم عن الامارات اكثر لانها مب موضوعنا و شكرا على التوضيح
تحياتي