السلام عليكم ...
كم يبلغ متوسط سعر البناء للمتر عظم فقط ؟؟؟
وهل الأفضل بناء عظم ثم التشطيب على صاحب العقار أم كامل مفتاح؟؟
اذا فيه شركة مقاولات معروفة ومضمونة ومصنفة ياليت تعطونا رقمهم ومكانهم ؟؟؟
وشكرا
السلام عليكم ...
كم يبلغ متوسط سعر البناء للمتر عظم فقط ؟؟؟
وهل الأفضل بناء عظم ثم التشطيب على صاحب العقار أم كامل مفتاح؟؟
اذا فيه شركة مقاولات معروفة ومضمونة ومصنفة ياليت تعطونا رقمهم ومكانهم ؟؟؟
وشكرا
ممكن انت الي تبني بيتك لانها مايبيلها شي جيب مهندس من برا وفرومن من برا والعماله باليوميه وتفق مع نجار مسلح وراعي الحديد بتحصل المتر المربع عندك كامل وكامل وجه الله مايتعدا 1700 لا وسوبر دلوكس بعد اذا انت تقدر
C:\Documents and Settings\TOSHIBA\My Documents\My Pictures\14415810.jpg
عظم من 1800 الى 2200 تقريبا هذه الايام بسبب ارتفاع اسعار الحديد والاشياء الاخرى
والافضل تسليم مفتاح في رايي حتى ان فرق السعر 100 الف او 200 الف اعطي الخباز خبزة لو اكل نصفه واسعار التشطيب تسليم مفتاح حسب المواصفات ويتراوح من 2500 الى 4000 للمتر مربع اسعار هذه الايام للشركات الممتازة والله يوفقك ويوفق الجميــــــــــــــــــــــــــــــــــع
اخوي المرعب عندك حد ممكن ارتب معاه البناء وانا اوفر له كل شي
مع خالص تمنياتي
اخوي انا خبرتي بسيطه ، لكن اذا تبغي عظم الاسعار اعتقد في ا ل ١٥٠٠ اما التشطيب ويكون زين بحدود ال ٢٩٠٠ او ٣٠٠٠ تقريبا
مع التشطيب احسن لك اذا المال متوفر اذا لا سو عظم وشطب براحتك وتقدر بعد تبني بروحك مثل ماسمعت والتكلفه بتطلع لك ارخص بوايد
هاذه اللي عندي ويمكن يساعدونك الاخوان اكثر
انا اقول البنيان مب لعب اطفال
لو تسليم مفتاح احسن.. عن عوار الراس.. بس اهم شي تلقى شركه امينه ركز على [U]امينه[/U] ياكابتن
اما لو بتابع كل شي بنفسك
يا اما انت تكون من النوع المزاجي اللي يحب يرتب بيته .. ولازم يكون عندك خبره.. مب مع الخيل ياشقرا..
ولو كنت من النوع اللي يبي يوفر.. عادي تمشي والكالكوليتر بيدك.. وكل ماتشوف طوفه تخبط فيها بيدك.. وكل ماتشوف خشب تطقطق بيدك وكل ماتشوف حديد.. لازم تمسكه.. وكل ماتشوف صبغ لازم تشمه وتتحسسه.. وكل مادشيت مكان.. عيونك تلف وتدور.. يعني عادي من الهوس.. تدش برج.. وتشوف شيسوون داخل.. يمكن تسوي بارتيشن بالبيت..
عندي مقاول أمين وملتزم وفيه الخير
يأخذ على العظم 1400 ريال
والعظم المقصود تركيب بيبات الكهرباء وبيبات الماء والبلاستر
أما التشطيب فيعتمد على المادة المختارة
شركة طيبة
كلموني على الخاص لو أردتم
ربي يوفقك ويسهل امورك..