تبين الكذب ما حبك ... تبين الصدق مجنونك
فديتك وش بقى فيني .. مشاعر ما خذيتيها
مساء االورد يا عمري ... مساء الحب وشلونك
دريتي باخر اخباري؟ .. شراييني سكنتيها
وحشتيني من البارح ... يا بختي صرت مفتونك
اجي من حسرتي اشتم ... دقايق عني غبتيها
حياتي مالها معنى ... اذا لحظه تمر دونك
احاسيسي بدون اشعر ... اسرتيها وملكتيها
وش اللي يختلف عنهم؟ .. عناقيدك او غصونك؟
حسبتك مثلهم لكن .... أثاريكي قلبيتها
قلبتي الطاوله فعلا ... على مهل وعلى هونك
وغيرتي كثير اشيا .... ورديتي عدلتيها
وش اللي جابني يمك؟ غديها ضحكة سنونك؟
يجوز اصلا انا اهبل .... اصدق لو ضحكتيها
وش اللي جابني يمك؟ غديها غمزة عيونك؟
يجوز اصلا انا احمق ... اصدق لو رمشتيها
عجبتيني في كل حاجه ... من اقدامك الى متونك
جواهر بعضك وكلك ... باحاسيسك جمعتيها
يلوموني احبك؟ لا ..... من اللازم يلومونك
كتاباتي وأشعاري ..... مهو انتي كتبتيها !!
وقيعاني سقيتيها ..... سحايب وبلها مزونك
على كيفك على كيفك ... دخيل الله رويتيها
احبك! او تحبك ! او يحبك! او يحبووووووووووووونك
انا وروحي ووجداني ... وأحاسيس(ن) سلبتيها
امانه خبري اهلك ....امانه لا يهدونك
ترى شمس البشر تشكي .. بأنك جد سحرتيها
وعلى فكره قبل لحكي ... بأني صدق مجنونك
طلبتك قهوه عالريحه..... ويبدو لي حرقتيها
قهوة رشفها : كش م ل ك
|
