!! اربعين ألف لليله !! منتجع وفندق فريج شرق !!! فيلا بيت الشيوخ !!!

[موظف بالبورصه]

ما اعتقد بسترخي اذا بدفع اربعين الف في الليلة

انا اتوقع بيصيدني شد عضلي بعد

[خالـــــد]

منتجع وفندق فريج شرق فيلا بيت الشيوخ

دشن منتجع وفندق فريج شرق أحدث وحداته السكنية والمتمثلة في فيلا فخمة للغاية أطلق عليها اسم ' بيت الشيوخ '، وتمثل هذه الوحدة الفريدة من نوعها تجربة جديدة للاسترخاء والاستمتاع بعطلة نهاية أسبوع وسط أجواء خيالية من الرحابة والأناقة والأصالة.
الفيلا تمتد على مساحة 2000 متر مربع وهي مقسمة على جناحين، أحدهما ملحق خاص بالترفيه ويتصل الجناحان بممر علوي ، يضم الجناح السكني جناح ملكي وجناح للضيوف وجناحان بغرفتي نوم وجناحان كبيران إضافة إلى مجلس ومكتب وغرفة طعام.
صممت الفيلا الجديدة لتجمع إحساس الأصالة المستمدة من الحياة القطرية القديمة بأحدث ما توصل إليه العالم في مجال الترفيه والاسترخاء ..
وتتوفر سيارة من طراز ' رولز رويس' للمقيم بهذه الفيلا وسيارة أخرى ' بي إم دبليو' تحت الطلب لاستخدام المرافقين للمقيم الرئيسي بالفيلا.
فقط وجب أن ننوه أن تكلفة الإقامة بهذه الفيلا الفخمة لليلة واحدة هي 40 ألف ريال قطري ، نعم أربعون ألف ريال قطري ولا تعليق !!!
أترككم مع بعض الصور للفيلا

اذا صدق ب 40 الف الليله عجل في فلوس على الصور

الصراحه خوش مكان لاجازه مع الاهل

بس لو 2000 ريال في الليه افكر في الموضوع

[عكاس]

السعر مايسوه نهائيا
الخدمه عندهم الله بالخير مب شي ، اخر مره سكنت عندهم حتى ترولي اللي فيها الروم سيرفس ماعندهم
يجيبون الاكل بصينيه ومافي طاولات يحطون عليها الاكل يعني الواحد ياكل على الارض احسن
وثاني شي السعر واجد
اللي يبي يسوي ريلاكس ياخذ له 10 ليالي في برج العرب كل ليلة ب4000 ويدعي لي
هناك بيحس بالفرق في كل شي الروم سيرفس يعاملونكم كانكم في مطعم 5 نجوم
يجيبون لكم الاكل ويرتبونه على الطاوله وكل غرفه لها موظف مختص فيها يلبي كل الطلبات هذا غير عن المطعم اللي تحت البحر تروحون له بغواصه،
فريج شرق ايش المنظر اللي بتشوفونه منه؟
انا سكنت فيه حتى البحر ماكنت اشوفه، كل اللي كنت اشوفه المينا والغبره مالت البنيان والدفان اللي في المينا الجديد

[(فنانـ(أسهم)ــة)]

الله خوش مكان بس العيب انه شوي وبعد اشوى وبعد اشوي اقصد غالى

الغالي للغالي ... لاتحرم نفسك ....

[(فنانـ(أسهم)ــة)]

للبيع ؟

لاياخوي هاي اجارها اليومي

الله
رووووووووعة بصراحة

يعطيك االعافية...صج فنانه....

يسلموووو .. والاروع مروركم

ماشاء الله حلووووه الفيـلا
وسعرها عادل نوعا مااااا
بس الصور يمكن تخلي الواحد يحكم عليها انها مب لين ذاك الزود او السعر مبالغ فيه
بس انا عن نفسي دخلتها وايد حلووه ماشاء الله
تستاهل 40 ألف بس
حق ناس وايد وحق حفلة عيدميلاد او او او من هالقبيـل يعني

ويسلموو ع الموضوع

لي والله وااايد اللي يعترفون بجمالها ... وانها تستاهل اكثر من الاربعين الف

ماحبيت ستايل الاثاث

مب حلو

مثل الي يطلع في الافلام القديمه

تسلمين فنانتنا

على التقرير الحلو

العفو اختي ... بس الستايل وااايد لايق على تصميم هالفريج ... هم ما اعتمدوا الحداثه

[(فنانـ(أسهم)ــة)]

yes too expensive

كامون مان ... هو ساي ذات ... انتس قير ... ذير ايز ماني فاسيلتيز ذات قيف ذيس
بلييس ذات هاي برايس ... اي هوب يو كان فيزت ايت سوون ...
ثانكس

قال علي بن أبي طالب رضي الله عنه: " ارتحلت الدنيا مدبرة، وارتحلت الآخرة مقبلة، ولكل منهما بنون، كونوا من أبناء الآخرة، ولاتكونوا من أبناء الدنيا. فإن اليوم عمل و لاحساب، وغداً حساب ولا عمل) أخرجه البخاري.

قال : عبد الله بن مسعود رضي الله عنه أن رسول الله صلى الله عليه وسلم قال: ((لا تزول قدما ابن ادم يوم القيامة من عند ربه حتى يُسأل عن خمس: عن عمره فيم أفناه، وعن شبابه فيم أبلاه، وعن ماله من أين اكتسبه وفيم أنفقه، وماذا عمل فيما علم)) رواه الترمذي.

يعطيك العافيه على الرد والتنويه

انتوا متأكدين انها بأربعين الف

لاني قريت في المجله انها ب 80 الف ريال لليله

لحد يسمعك ... اذا على اربعين الف الناس بتنجلط بعد اتقول لهم 80 الله يستر

[(فنانـ(أسهم)ــة)]

انا اتوقع بيصيدني شد عضلي بعد

اشدعوه .. خلاص ولا تزعل بنحجزها لك على حساب المنتدى

اذا صدق ب 40 الف الليله عجل في فلوس على الصور

الصراحه خوش مكان لاجازه مع الاهل

بس لو 2000 ريال في الليه افكر في الموضوع

خلاص دخل واسطاتك يمكن تفيد

السعر مايسوه نهائيا
الخدمه عندهم الله بالخير مب شي ، اخر مره سكنت عندهم حتى ترولي اللي فيها الروم سيرفس ماعندهم
يجيبون الاكل بصينيه ومافي طاولات يحطون عليها الاكل يعني الواحد ياكل على الارض احسن
وثاني شي السعر واجد
اللي يبي يسوي ريلاكس ياخذ له 10 ليالي في برج العرب كل ليلة ب4000 ويدعي لي
هناك بيحس بالفرق في كل شي الروم سيرفس يعاملونكم كانكم في مطعم 5 نجوم
يجيبون لكم الاكل ويرتبونه على الطاوله وكل غرفه لها موظف مختص فيها يلبي كل الطلبات هذا غير عن المطعم اللي تحت البحر تروحون له بغواصه،
فريج شرق ايش المنظر اللي بتشوفونه منه؟
انا سكنت فيه حتى البحر ماكنت اشوفه، كل اللي كنت اشوفه المينا والغبره مالت البنيان والدفان اللي في المينا الجديد

عفيه على عيال الدوحة ... اللي يرحبون بالغير
يقولك المثل ياخوي : دهنا في مكبتنا
وافهما عالطاير

[محمد]

40 الف بس !!

عادي أنت في قطر ,,
عكاس ,, الله يهديك تحط برج العرب مع هالاماكن ,,
قعدت فيه 11 يوم ماراح أنساها في حياتي ,, فندق بمعنى الكلمه ,,
ولا مر علينا يوم واحد تضايقنا فيه من أي شي ,,
سواء معامله او خدمه او توصيل السيارات أو أو أو أو ,,
وشجاب الثريا للثرا

[(فنانـ(أسهم)ــة)]

40 الف بس !!

عادي أنت في قطر ,,
عكاس ,, الله يهديك تحط برج العرب مع هالاماكن ,,
قعدت فيه 11 يوم ماراح أنساها في حياتي ,, فندق بمعنى الكلمه ,,
ولا مر علينا يوم واحد تضايقنا فيه من أي شي ,,
سواء معامله او خدمه او توصيل السيارات أو أو أو أو ,,
وشجاب الثريا للثرا

ليش اتقارنون بين هالمكانين اشدخل فندق في منتجع سياحي

اكيد مابيكونون في نفس المستوى

[انسان حساسي]

والله اذا الاربعين الف شامله الموتر اللي بالصوره انا احجزه لمده سنه ...!!!!
خخخخخخخخ