أخواني الاعضاء انا أخوكم الطيب غالي وحبيب أرجوا وأتمنى من الله ان تساعدوني على

دوامتي الي انا ضايع فيها بنصائحكم وتعليقاتكم الي بستفيد منها ولكم مني جزيل الشكر و

العرفان .......

أنا حاليا متوجه الى مشروع بناء فله مع مجلس وملاحق .. طبعا لقلة الخبره ولاني متزوج

مالي الى 7 سنوات وانا قاعد عاله على اهلي فانا متخوف لكني طموح وأفكر للافضل لبناء

فيلا مع اني من صغار الموظفين... بعد ماحددت الفله والملاحق وبعد ماسألت ربعي بالعمل الي

يملكون منازل فلل وأفادوني باشياء ماأعرفها وجزاهم الله خير مثل البنتري فوق والصاله و

الحمامات والغرف تكون على شكل عمودي الدور العلوي والارضي منعا للتسريب من البيبات

المهم انا سويت الخرايط في احد المكاتب الاستشاريه بعد ماخذيت لفه عوده عليهم سويت

المخطط عندهم وهي فله دورين الدور العلوي 236 م والدور الارضي بعد 236 م مع وجود

ربع قارميط بالسطح بمقدمة الفله والمجلس الخارجي 83 م طبعا لغلاء البناء ألغيت الملاحق

لاني مسوي مطبخ داخلي ومخزن ... انا من الناس الي ينطرون الميزانيه عن طريق الاسكان

ولي سنتين وأحس ان الدور جايلي وسألت مسؤول شخصيا وأكد لي ان الميزانيه بتكون حوالي

520000 ريال زايد غير غابل للنقصان لظروف غلاء البناء ووراني النماذج الجديده للفلل

لصغار الموظفين الي ناقص توقيعاتها من الديوان فقط .. الفلل حلوه تقريبا شفت 4 نماذج بس

اشوف نموذجي افضل لان غرفه وصالاته اكبر لان ذاك اشوف البيت ضيق مع انه يريح لانه

يكفي الميزانيه الجديده المهم اخواني الاعضاء واسف على الاطاله ابي مساعدتكم ونصائحكم

لي لان الميزانيه بتساعدني لكن الباقي من بناء كامل الفله والمجلس والاثاث والسور والتبليط

وغيره وغيره من بلاوي البناء حاليا أفكر اطلع من مصرف قطر الاسلامي واسدد الي علي

من مبلغ بسيط واحول الى الوطني الاسلامي لان سألت الطرفين لقيت المصرف يعطي 6سنوات

والوطني يعطي الى 15 سنه لاكمال المشروع بتمويل البنك وما أدري اي مقاول اروح ؟ واي

أستشاري اخذ لمراقبة المشروع هل نفس المكتب الي سويت عنده الخرايط ؟ وكم يكلف هذا

المشروع ؟ وهل اتفق مع المقاول اعظام وأجزء المشروع ولا أخليه تسليم مفتاح ؟

وهل انا ماشي صحيح من ناحية البنك والخطوه الي ماخطيتها لحد الان...

أفيدوني أخواني أفادكم الله ............

أخوكم الطيب .....