المشاركة الأصلية كتبت بواسطة فلفل حار
اخذي نصيحتي
روحي محل اسمه car2000 قبل اشارات المينون وهو اخر محل بين صفة المحلات عندهم عازل كوري واخذي الي نسبته
20% ، خفيف وحلو ويعزل واحتمال تغيرينه كل سنه ونص او سنتين علي حسب قعدة سيارتج بالشمس وايد ولا شوي
والسعر ماراح يطوف الـ250 ريال اذا كان فور ويل للسياره كامله الا الجامه الاماميه الكبيره وقوليله انج ماتبين تسوينها عشان ينزل لج ، بس انتي كاسريه بالاسعار وبينزل لج يمكن لي 220 بالكثير
عارف لهم
واسألي عن هندي مادري بنغالي اسمه
حنيف ويلبس نظاره طبيه وقوليله انه تبينه هو يسويلج المخفي
وبخيه
مقدما 10 ريال في جيبه ، وشوفي الشغل الطيب وادعيلي
وحق الجامه الاماميه الكبيره وديه جونسون اي فرع سواء سلوى او محطة المسيله وبيقولون لج بـ500 ، قوليلهم عيل شلون تسون للكروزر الجديد بـ300 وجامته عوده
وراح يخلون لج السعر 300
والنسبه انصحج في زيرو زيرو ، عشان ماتلفتين نظر المرور عند الدواوير
وعقب مايركبونها اخذي منهم ورقة الضمان للمخفي ، وخليهم يحطون لج لزقات جونسون علي السياره وشكل العازل الكوري الي بتركبينه بالمحل كأنه من جونسون واخذي نصيحة مجرب
والحين الحسبه ، العازل الكوري نفترض احسبوه مع بخشيش حنيف المسكين الـ10 ريال والله يستاهلها
230 + 10 + 300 = 540 ريال ويكون عندج عازل حراري حلوو واحسن لج من الي يركبون بوألفين وثلاث الاف
ونصيحه قبل لاتروحين حق محل car2000 شوفي الجو برع اذا غبار لاتروحين عشان مايطلع لج نقط صغيره داخل الجامه ، علما انه حتي لو حسيتي انه ماضبط لج العازل تقدرين تروحين له ويغيره لج عقب ، بس الفتره ماتطوف اسبوع بالكثير من تاريخ التركيب لانه ذي محلات عاديه ، وفي النهايه انتي مب ماخذته بــبـــلاش
لكن محل جونسون حتي لو في اعصار برع بعد روحي عادي لانهم يسوونه داخل المحل ومابتدش غبره وحده
ولاتنسيني بدعوه طيبه