مجلس إدارة السلام يعدل توصيته للجمعية

[شرقاوي]

مجلس إدارة السلام يعدل توصيته للجمعية العموميةاقترح توزيع سهم مجاني لكل عشرة

قرر مجلس إدارة السلام العالمية تعديل توصيته السابقة بتوزيع أرباح نقدية 10% من رأس المال المدفوع والتوصية للجمعية العمومية غير العادية للشركة في اجتماعها القادم للموافقة على توزيع أسهم مجانية بواقع سهم واحد لكل عشرة أسهم وذلك عوضاً عن توزيع أرباح نقدية، وبالتالي رفع رأس مال الشركة بمقدار الأسهم الموزعة البالغة 2,430,000 سهماً، هذا وقد تمت مخاطبة إدارة الشؤون التجارية بوزارة الاقتصاد والتجارة بقرارات المجلس المذكورة بالتوصية للجمعية العامة بما جاء أعلاه لاستصدار الموافقات اللازمة.
كما قرر المجلس أن يكون موعد انعقاد الجمعية العمومية العادية وغير العادية للشركة بتاريخ 17 إبريل 2005، وقرر عقد اجتماع للجمعية العمومية غير العادية بتاريخ 30 مايو وسيكون مخصصاً لمناقشة اندماج مجموعة السلام في السلام العالمية والقيمة السوقية العادلة ورفع رأس المال عينياً.

[مغروور قطر]

حلو احسن من 10% نقدا الاسهم افضل

[المراقب]

هل سيكون هناك أكتتاب ولا لا؟

أرجو الإفادة

[غشيم]

يعني زين اللي سووه ولا شلون ؟
بيطيح سعر السهم ولا كيف ؟؟

عطوني خبر تكفون .. تراني غشيم

[مغروور قطر]

لا اخوي بلعكس ممتاز هم كانو بيعطون 1000 ريال في 1000 سهم الحين بيعطونك 100 سهم لو تحسبه على سعره الحين 6100 ريال بدل 1000 ريال وممتاز

[Alemadi]

والله يابخت الي عنده السلام ... السلام افضل شركه من حيث توزيعات الأرباح سنة 2004 بنسبه الى سعرها ... وهي الشركه الوحيده الي تضاعفت اكثر من 6 مرات من بدايه شهر 12 لاتنسون ان سعرها كان 9-10 ريال .... يعني الي اشترى ب 100 الف ريال الحين عنده اكثر من 600 الف ريال واتوقع انها راح توصل 90 - 100 ريال خلال شهر ... والله لو ادري انها بترتفع من 10 الى 60 ريال كنت بشتر السلام بدل الناقلات .... بس راحت علينا والحمدالله على كل حال هذا رزق الانسان بيد الله سبحانه وتعاله .... انشالله رزقنا بيكون خير من المتحده للتنميه وبكره بيبين بعد الأجتماع وانشالله خير

[قطر]

ويييييييييييييييينك ياقطري تعال شوفني ليش اتواجد بمواضيع السلام

وعشان محد ايقول اني اسوي دعايه شوفوا التوزيعات السنعه


تسلم شرقاوي

[بو وليد]

شرقاوي

تسلم على نقل الخبر ما قصرت


أخوي الغالي قطر

مادري أحس إني ما فهمت...هل معنى هالكلام ان الاكتتاب اللي كان بنسبة لا تقل عن 75% وبسعر 15 ريال للسهم تكنسل ؟

[سهم عتيج]

لا ما تكنسل يا بو وليد,, بس بعد الموضوع غامض,, لأن اجتماع الجمعية العمومية غير العادية لمناقشة موضوع انضمام الشريك الاستراتيجي لم يتم توضيحه,, يعني هل بتكون الزيادة للشريك الاستراتيجي ومعاهم المساهمين,, ام ستكون للشريك الاستراتيجي فقط..

[قطر]

هلا بوليد ... اخونا سهم عتيج ماقصر وشرح ان الاكتتاب ماتكنسل
بس كنسلوا الفلوس وعطوك بدالها اسهم افضل والله

سهم عتيج
الغالي من قبل قالوا .... واللي اذكره ومادري وين موضوعه بالضبط كان
بس اللي قالوه ان الاكتتاب حق مالكي الاسهم بعدد اسهمهم

يعن الشريك الاستراتيجي بما يملك من اسهم ونحن كذلك

ماادري اذا انت عندك خبر غير ذي ياريت اتفيدني وانا اخوك