موقف وودي أسمع راي الأعضاء فيه ( يحبون بعض ولكن )...!!

[ذوق]

قصة سمعتها من شخص وأحببت أن أسمع أراء الأعضاء
عمره ٢٣ سنه تقدم للزواج..بأسم الحب لفتاه جامعية وجميله عمرها ٢٠ سنه يحبان بعضهما منذ مده عن طريق الأنترنت حتى تطورت الى الهاتف
شهادته إعداديه ولا يشتغل حاليآ ولكنه تقدم لوظيفة ولم يعمل للأن
يعاني من الربو الحاد
حصل وأن تقدم للفتاه ولكن الأهل لم يردوا على الشاب حتى الأن..وبعد التحريات والسؤال عن الشاب..تبين بأن الشاب مستهتر نوعآ ما وكـان يستخدم السويكه في مراهقته ويدخن نوعآ ما
( على المزاج ) (وأبوه وعمه سكيرين) يعني الموضوع وراثي صاير
وصلاته غير ملتزم بها كثيرآ ولم يمدحه شخص لا من قريب ولا من بعيد...وتم بعد ذلك الأعتراض من الأهل على الفتاه وبدأت رحلة مشاكل بين الفتاه والأهل بعد أن أعترفت لأهلها بأنها تريده وتحبه..وبعد مواجهتها بكل الأخبار التي قيلت عنه..
( قالت بأن الشاب قد تغير وأنه يحب أهله كثيرآ وأنه ليس على علاقه بأبيه وأنه سوف يكمل دراسته لأجلها وأن كل انسان خطاء وأنه سيتغير على يديها)

سؤال للأعضاء...!!

فتاه جميله & ذكيه & جامعيه + شاب فاشل بكل المقايس = هل الحب يكفي لبناء أسره؟

هل الحب يستحق المخاطره في مثل هذه التجارب؟

أتمنى من الجميع المشاركه في الموضوع وإهداء كلماته لهذه الفتـاه والشاب....

وأتمنى من الردود أنها تكون أكثر تفصيلآ ( على الأشياء الي ممكن تأثر عليهم مستقبلآ عليهم وعلى أبناءهم)؟


وشكرآ

[hamoor4ever]

الحب مايوكل عيش ، زواج فاشل بكل المقاييس بغض النظر انها ذكيه او جميله او عاديه ، الرجل لايصلح للزواج والله اعلم ، والحب اعمى هي تشوفه تغير بس الناس تقول لا .

[ذوق]

حياك اللـه أخوي...

وأتمنى من الردود الباقيه..أنها تكون أكثر تفصيلآ ( على الأشياء الي ممكن تأثر عليهم مستقبلآ)؟

[نورFROM قطر]

طبعا" الحب مب كفايه لانه ما يشرب ماي بعد... هذي ( خرابيط مراهقه)

الحين الناس اللي رواتبهم فوووق ومب ملحقين...

المفروض الاهل يمنعون البنت وبشده عنه وهي مستقبلا" لما تعقل بتضحك على نفسها.. وبتقول الحمدلله ان هلي امنعوا هذا الشي..

بخصوص مستقبلا" اولاد ابوهم فاشل مستوى معيشي في الارض ما اقدر اوصف يعني لايمكن هذا الزواج يعني هي بتشتغل وتكرف على ريلها وعيالها ومتطلباتهم ومتطلبات الحياه اللي كل مالها وتكون اصعب

[FG]

لانضحك على أنفسنا مافيه حب بعده زواج ..

بيتم الرجل يشك طول حياته والمرأة كذلك ..

[SaryQatar]

الموضوع اثبت لي بأن منتدانا العزيز به نسبه ليست بالبسيطه من المراهقين ,

ما بني على باطل فهو باطل ,

[سلفي]

حط نفسك والد للبنت

أكيد لا أقبل

وحط نفسك والد للولد

اصبر ياولد حتى تركد وتصير رجال

[مضارب دوسري]

لانضحك على أنفسنا مافيه حب بعده زواج ..

بيتم الرجل يشك طول حياته والمرأة كذلك ..

اشهد انك صاااادق

ودايم بيوسوس له الشيطان بانه مادامت كلمتك من غير مايدرون اهلها اكيد انها كلمت غيرك

ونفس الشي مع المراه مادام انه كلمج اكيد كلم غيرج


ومثل ماقالوها

مادام خانت اهلها اكيد بتخونك

[حقيقه]

الحب ماينفع
اذا يحبون بعض اول فتره
عقب بيحسون
وبعدين بيقولون ياليت وياليت وياليت

[عاشق الشهادة]

ذوق انا لي نفس القصه مشابها ؟,قسم بالله الرجال من وجهه نظري ينقاس بدينه ونسبه , والتربيه لها شأن كبيرانا أعرف ناس جامعيين وبنات جامعيات بينهم خلافات ووصلت الى طلاق والعياذ بالله , الاستخاره للبنت وبعديين تشوف نفسها , واما سويكا او سيجاره او ابوه يشرب مسكرات , هذا ماهو عذر , انا من وجهه نظري خل الشاب يدور على عمل وبعديين لكل حادثه حديث هو الحين الأعذار كلها في وجهه , ان شاء الله يتوفق بالشغل وبعدين انا الي باروح معاه وبخطب له البنت , بس خله يشد حيله ويشوف له شغل , وبخصوص هي جامعيه وهو شهاده اعداديه ماهو عيبه العيبه لو ترك دينه او قصر بأهله , الله يوفقه في دينه ودنيه ..