ايهما أفضل للحوش ( البلاط ) أو ( الأنترلوك ) ؟؟

[بوحارب]

بيض الله وجيهكم جميعاً

لي عودة لك رد أن شاء الله ^ ــ ^

[بوحارب]

عليك ببلاط الأمارات ولكن لابد من البودرة مع رشة ماء أو صبية اذا بتمشي عليه السيارات ولا تحط الشعبي لأنه يتغير لونه.

وبالتوفيق

حطينا بلاط الأمارات في بيت الواد وطلع اخرطي

الله يوفق الجميع

الانترلوك مشكلته التفكك بعد فتره

وكثره النمل .

اما البلاط تاخذه من الاحساء انواع حلوه مربع وسداسي وألوان كثيره .


بالتوفيق -يابوحارب

وذا بديت في البناء ازعجتك بالاسئله

حاظرين للطيبين

[بوحارب]

كم متر البلاط الشعبي للشراء
كم سعر التركيب

بوحارب شلونك نصيحتي لك انترلوك عشان الشكل الجمالي اما الشعبي قديم ما فهمت علامه الاستفهام

هلا وغلا اخوي

اكيد انتر لوك ولا في اذني الماي بعد

احسن شي كسر رخام
يدوم سنين ومايتغير

كسر الرخام هو البلاط

[بوحارب]

انا شريت بورسلان للحوش وتوبه اسوي انترلوك
تدري ليش ؟
1. انظف ,, يعني تقدر تخمه بالمخمة العادية بدون تعب ولا يجمع تراب مثل الانترلوك
2. تستخدم كمية بسيطة من الماي وتسحبة بالممسحة بينما الانترلوك يحتاج ماي ضغط قوي
3. الالوان الفاتحة تعطي مساحة اكبر من الانترلوك الغامق ( خداع بصري )

تسلم على الراي

بس انا مازلت عند راي وهو الأنترلوك

الانتر لوك يكون افضل مكان لنمل هذا اكبر عيب فيه بس ولكن اذا جاء مطر يشرب الماء بسرعه واذا كل يوم بتغسل سيارتك فوق الانتر لوك مراح تدفع غرامه ب10000 الف ريال تحايل على مفتش البلديه

هاهاهاهاهاا

لاهنت يالوعد

[بوحارب]

*

إذا على البلاط الحلو فيه ثباته وسهولة تنظيفه أما الأنترلوك ميزته أن تقدر تشيله وتركبه فأي وقت ويعتمد على اللي بيركبه بطريقه صحيحه يكون متماسك وثابت ومافي فراغات تأثر عقب من أي شي مواتر داخله وطالعه أهم شي فالمستقبل يتنظف بشكل دوري عشان يتم لونه ومظهره مرتب ونظيف لن نوعيته أساسا خشنه وتاخذ غبره وتراب



(( إستفسار ملطوش من برا المنتدى عشان يفيدك))

(س)
وصلت الان في مرحلة تبليط الحوش
وبأذن الله راح اركب انتر لوك
تم ادخال الدفان { مخلوط } بودرة + حصى
السؤال
مالعمل بعد هذي الخطوة
وايهما أفضل قبل الدفن البودرة او الرمل الناعم
؟؟؟؟؟؟؟؟؟؟

(ج)
انصحك بعد تسوية البودره وعمل الميول اللازمه الاكثار من رش الماء وتركه حتى يتغلغل الى الاسفل ( من مرتين الى ثلاث مرات ) بفاصل ثلاثة ايام عن كل مره
ثم دك البودره بمكائن الدك 2 طن
ثم
ركب الانترلوك بالرمل الناعم المرشوش بالماء من 3 الى 5 سم
ثم بعد التركيب وضع الرمل الناعم بين الفواصل



(( رابط ممكن يفيدك ))
7
7
http://www.qatarshares.com/vb/showthread.php?t=63902


تحيـــــــــــــــاتي

اشكر فنك وتسلم على الرابط العجيب

[بوحارب]

انا مسوي الحوش ب23 الف ريال انترلك

17 الف ريال قيمة الانترلك و 6 الف ريال شغل التركيب

الوالد مركب انترلك من 10 سنين و الصراحه الانترلك لو

مو تمام ما كان الرصيف انترلك

البلاط للغرف و الانترك للحوش

اذا ركبت بلاط ما تقدر تركب بيب ارضي اذا سويت ملحق

خارجي مع خزان ماي

اذا ركبت انترلك تقدر تشيله و تركبه مره ثانيه واذا صار

للحوش انخفاض او تضاريس تقدر تعيد ترتيبه من جديد

وهكذا تستمر الحياه (اش دخل)

لاهنت يالقحطاني على الراي هذا

ممكن تخبرنا من وين شريت الأنترلوك وعلى كم ومتى

تقصد الأنترلوك


الأنترلوك يجمع تراب
مكان يعيش فيه النمل
صعب تنظيفه

اهااااااا

يمكن النمل يحبك

[بوحارب]

شوف اذا عندكم بزران يلعبون في الحوش خشيشه و رين ترى الطيحه على الانترلوك شينه والله يوفقك

ههههههههههههههههههههههههههههههه

حلوووة الصورة ^ ــ ^

في تقنيات جديدة قديمة غير البلاط والانترلوك العادي... Stamped concrete
صبية من الاسمنت والكنكريت او الجابرو مع الرمل تصب ومن ثم تشكل على حسب انواع الاشكال الموجودة عند الشركة الي اتعامل بمثل ها الحلول... مهم جدا النوعية .. انا ركبت الانترلوك وشكله خيالي.. والحين افكر في البلاط المعتق الي يعطيك الوك الاوربي... غالي بس يستاهل.... وانصحك انك اتكبر اماكن الزراعة وتخلى الانترلوك بس ممرات وتهتم بتتمديدات الماء والكهرباء قبل اي شي على الاقل تمدد البيبات الي تقدر تمرر فيهم الكهرباء والماء .. والافضل انك تعزل الاثنين... ...

هذي التقنيات حق واحد عنده سيوله كافيه

ولواحد بيسكن البيت ويبي يدلع عمرهـ

تسلم خالد على هالنصايح اللي من ذهب والله يوفقك

نصيحه اخويه ، لا بلاط ولا انترلوك ، اضرب الحوش بصبية اسمنت احسن، هذا اذا بغيت شي يعمر ، اما البلاط واللانترلوك فمساوئهما معروف واذكروه الشباب فوق

الصبيه يبيلها ملايين يالعصامي

[بوحارب]

السلام عليكم

اخوي انا مركب بالاحواش بلاط سعودي ممتاز ويستحمل الشيول والسيارات الثقيله

اما المدخل الرئيسي للمجمع مركب انترلوك بس بشرط تحط تحت الانترلوك ديزل عن النمل والحشرات

والله الانترلوك زين ويستحمل وسهل تقدر تشيله باي وقت

وعليكم السلام

البلاط حلو بس انا احب الأنترلوك

ممكن تقولي كيفيه وضع الديزل تحت الأنترلوك

لأني اول مرة اسمع بهالكلام

الله يعطيك العافية

ابشر

[بوحارب]

هلا والله بوحارب

لاحظت من ناس وايد انهم يفضلون يركبون بلاط كسر رخام على انهم يركبون انترلوك

الانترلوك لو ما دكيت الارضيه تحته و جابت نسبة دك لا تقل عن 95% mdd

و لو ما رشيت الارض من الحشرات من شركة مختصه و عطوك شهاده

و لو ما سويت صبية خرسانه مع شبك حديد 10*10 ملم كل 15-20 سم علشان اوزان السيارات بسماكه لا تقل عن 12-15 سم

و لو ما كان سمك الرمل المغسول (غالي بس افضل علشان النمل و هو نوعيته احسن طبعا) اكثر من 7 سم كحد اقصى (البودره قويه بس ممكن تنفخ فممكن تخلطها مع الرمل لو مسترخص)


و لو ما كان الانترلوك من النوع السميك اصلا (7سم+) (وما راح اقول الخلطه تحتوي على جرانيت لانه مجرد بيت)

و لو ما غطيت الانترلوك بالرمل بعد التركيب و مشيت عليه دكاكه متوسطة الحجم

لو ما سويت هذه الاشياء فالنتيجه التهبيط بالانترلوك و ظهور الحشرات

بس اعتقد انه بجميع الاحوال ما راح ترتاح من النمل الاسود

الانترلوك تقدر تفكه وتعيد تركيبه...و يبيله معلم

البلاط ربما اجمل بس زود ال expansion joints علشان ما ينفخ و يقب لفوق

تحياتي

واااااااوووووووو ما شاء الله عليك بش مهندس خلدون

اتحفتني بهالمشاركة

تسلم والله يعطيك العافية

[khaldoon]

واااااااوووووووو ما شاء الله عليك بش مهندس خلدون

اتحفتني بهالمشاركة

تسلم والله يعطيك العافية

حياك الله يا الغالي

احنا بالخدمه ...انت تؤمر بس