تـاجر الـذهب
أتوقع يكون الأستشاري من قطر < < يفضل للمتابعة المستمرة
وفي المقاابل أنت توقف على رأس الأستشاري لاتخليه بروحه
والأستشاري بيشوف الخارطة ومكتب الاتفاق
وبيعدل عليها أذا كان في أي تعديلات ( يقولك المطلوب والناقص )
تـاجر الـذهب
أتوقع يكون الأستشاري من قطر < < يفضل للمتابعة المستمرة
وفي المقاابل أنت توقف على رأس الأستشاري لاتخليه بروحه
والأستشاري بيشوف الخارطة ومكتب الاتفاق
وبيعدل عليها أذا كان في أي تعديلات ( يقولك المطلوب والناقص )
أخوي بالنسبة لمتابع البنيان ممكن هو وممكن استشاري ثاني وكل شي باحسابه
نصيحه في الوقت إللي الاستشاري بياخذ فيه الموافقات (بياخذ موافقة على المساحات وعقبها الخدمات وعقبها الحديد والانشائي) فأنت اطلب منه صورة من الخرايط قبل لا تنتهي كامل الموافقات واستغل الوقت انك تدورلك على مقاول للبنيان لحين انتهاء الرخصة النهائية
وربي يوفقك
هاي الموافقات من ضمن الرخصة
وبالنسيبة لي عرفت مكان الأرض بالضببببببببط عن طريق الاحداثيات والجي بي اس
وعرفتها من موظف في التخطيط العمراني في البرج
بس الحين مع التغيير الوزاري ما عرف إيش صار
تاجرذهب الله يوفقك
بو حارب ماقصرت وبيض الله وجهك وجزاك الله الجنة على لخدمة العظيمة الي تقدمها للاعضاء..
وياتاجر الاعضاء مايقصرون اهني ويعطيهم العافية
حبيت اشكر الجميع بس
فالكم الجنة
[CENTER]
علـــــــــــــــم غرورك تــــــرى عزتي فــــــــــوق
من القسط ولا من جيبك كله واحد
انت دافع دافع
تاجر ذهب ركز على هالنقطه عدل
بيض الله وجهك على التوضيح دارك يو اي اي
أتوقع من التخطيط العمراني
على فكرة اذا ماعرفت وين مكان أرضك ترى تتصدر للدولة
يعني مالك أرض ولا شي
أتوقع ارضك تصادرت { الله يعينك }
ووجهك ابيض يابن عاقول وخلك معانا
ونتمنى انك تساعدنا شوي
اللهم لك الحمد كما ينبغي لجلال وجهك وعظيم سلطانك
بعض النصائح قبل البنيان : -
أثناء الحفر للأساس < < تابعهم وخلهم يحفرون حفر عميق مش أي كلام ، ،
نجي لغرف للبيت خل حجمها مناسب ( لا كبير ولا صغير ) ، ،
يعني الغر ف العادية ( 5 * 4.5 ) ، ،
الماستر ( 6 * 5.5 ) ، ،
- واذا عندك مدخل يعني الليوان اللي أمام باب المجلس والصاله يكون مغلق
ان شاء الله فاهمني > > لأنه اذا حطيت بيبان ماتخترب من أشعه الشمس ، ،
الصالة :
-أهم شي الصاله تكون شرحه < < كبيرة نوعا ما وتكون فيها درايش كثيرة للأضاءة ، ،
- مكان بعيد عن أشعة الشمس في اي ركن للطوفه للتلفزيون البلازما ، ،
المجلس :
- يكون كبير نوعا ما ، ،
- مكان للمغاسل للضيوف ( يا 3 أو 2 ) ، ،
- الحمام ( الله يعز القارئ ) يكون فيه مغسله ومرحاض ، ،
- مطعم يكون مفتوح على المجلس يعني بدون باب أو أي شي ، ،
الغرف :
- حدد كم غرفة تحتاج ( فوق - تحت ) أذا بيتك دورين ، ،
- اذا حاب كل غرفه بحمامها ( للخصوصية ) وغرفة ملابس ، ،
- أو كل غرفتين بحمام ، ،
- الماستر ( غرفة + بصاله صغيرة + غرفة ملابس بحمام ، ،
- غرفة صلاة اذا حاب ، ،
- لاتنسى البنت هاوس < < من الضروريات في البيت ، ،
- لا تكثر من الدرايش في الغرف ( وحده كفاية ) لأنه عقب ما تخلص البناء الستاير راح تكلفك وايد ، ، وحجم الدريشة نفسها خلهاا متوسطه ، ،
- واذا تبغي غرف مكتب أوغرفه لألعاب الأطفال < < حط من الحين المتطلبات ، ،
* لابد من توافر ملحق خارجي :
( مطبخ + مخزن + غرفة للكوي - للغسيل + حمام + غرفة للطعام ) ، ،
- اذا تبغي مخيزين صغير < < لأدوات السيارة
* واذا عندك مطبخ خارجي :
- يكون الفيبر ( درام الماي ) يكون خاص بالمطبخ ، ، غير اللي بالبيت ، ،
- لاتنسى المدخنة ( اللي تشفط الدخان فوق الفرن ) ، ،
- لا تنسى توصل بيب الغاز يا يكون تحت البلاط أو أن موصول ببيب إلى مكان الفرن ، ،
- لا تنسى الانترديلكوس ، ،
- المغسله تكون ثنتين احذا بعض , , اللي داخل المطبخ ، ،
- لاتنسى بيب يووصل لين الغساله ، ،
- لانسى مغسله المواعين تكون أرضية برع المطبخ ( للسمك والزفر واللحوم ) ، ،
- اذا بتحط براد ماي < < لاتنسى البيب اللي يوصل الماي تخليه جاهز والكهربا ، ،
وللمخزن :
- من البداية خطط له كم ثلاجة وفريرز ، ،
- لاتنسى الرفوف ( أنظم وأسهل لربة البيت ) عندك الهفوف للرفوف ، ،
* واذا عندك دريول أو خدامه :
- ( غرفة + حمام ) يا يكون أول البيت على يمين البيت وبابه على برع ، ، أو يكون ورى ، ،
- ويفضل أذا كانت عندك خدامه < < تكون غرفتها داخل البيت تفادي للمشاكل ، ،
* والكهرب يعني تحط في اعتبارك :
- كم مكيف تحتاج كل غرفة ( عادي ولا سبيلت يونت ) ، ،
- الأضاءة ( سبوت لايت ولا عاديين ) ، ،
- الجبس ( بلش فيه في مرحلة البناء يا أنه كامل ولا بوردر فقط ) ، ،
- فيش كم تحتاج لكل غرفة - الدشات - للانتر كام ، ،
- كم ساكت تحتاج في الغرفة الواحدة ، ،
- حط سماعات في البيت كامل ( تشغل قرآن أو للآذان ) ، ،
- الجرس يكون مسموع ( الصاله واحد بملحق المطابخ ) ، ،
- دينمو الماي - برشر لضخ الماي ، ،
* للحمامات ( الله يعز القارئين ) :
- يكون مقاسه ( 2.5 * 2.5 ) ، ،
- البانيو + البديه + المرحاض + المغسله ( وحط في اعتبارهم المراحض ما يجابل القبلة )، ،
- كل حمام أو كل حمامين مشتركين لا تنسى سخان الماي ، ،
- لاتنسى الانتردكلوس < < أذا ما عرفته بنزل صورة هاي ينحط فوق السقف ، ،
- لاتنسى مرواح الشفط < < تكون مع الدريشة وما تكون كبيرة ، ،
واللي ذكر أعلاه يحضرني الحين
أي شي تبغيه لا يردك الا الكيبورد
والله يوفق الجميع
مــراحــب
مرحبا أخوي ...
أول شي الله يوفقك ... و يعينك ان شاء الله ...
نصيحتي لك خلك متابع مع الاستشاري خطوه بخطوه لان يومهم عن سنه نظرا لحجم الشغل الموكل لهم.
واي فكره تخطر في بالك حطها مع مراعاة تكلفة الفكره ... لان هناك أفكار حلوه ولكن وقت تنفيذها تكون مكلفه ... و ماراح تعرف هالشي الا لي رحت للمقاول.
حاول تبتعد عن الديكورات الخارجيه للفيلا ... لانها دائما ما يكون لها داعي و في نفس الوقت مكلفه جدا. و ركز على التصميم الداخلي و توزيع الغرف.
ولا تقبل بأي تصميم لست مقتنع به .. هذا بيت العمر.
و تقبل مروري بود و محبه - و اذا حبيت اي مساعده انا حاضر و بالشوفه.
أخوك / *¤ بن قطر¤*
*¤ أشـتـريـج بـمـاي عـيـنـي يـا قــطـــر ¤*