بس بعد الموضوع يحتاج الى كشف بالموقع .. والمهندس هو اللي يحدد بالضبط .. بشكل عام dont worry
بس بعد الموضوع يحتاج الى كشف بالموقع .. والمهندس هو اللي يحدد بالضبط .. بشكل عام dont worry
ماشاء الله ماقصرتوا في النصايح
ولي ملاحظتين ::
* قوة الكهرباء (( خاصة تكون المكيفات 2.5 طن او اكثر ))
* الصبيه قبل التبليط في موقف السيارة
فقط
اللهم لك الحمد كما ينبغي لجلال وجهك وعظيم سلطانك
أخوي في طريقة انك تعرف مكان الأرض بالضبط وهي عن طريق المربع الأحمر اللي يحطونه في الأرض وعليه الرقم ، بس هاي سالفة قديمة وتتعب جدا وخاصة أن الأرقام تنمسح فلازم تشوف أقرب رقم واضح وتبحث عن طريقه على أرضك
خلك على الجي بي اس وإذا محتاج أنا حاضر أوفره لك
وإذا تبي اسم الموظف اللي أخذت منه احداثيات الأرض أنا حاضر بس كلمني على الخاص
ياني صدااع
التوقيع تحت الإنشاء
http://www.flickr.com/photos/60229706@N08/
أخوي بالنسبة للكهرب:
1- أتوقع إنك تحتاج تتخيل شكل الجبس من قبل (مثلا معلق/ مخفي/ ...) عشان تقدر تحدد كم دورة كهربا تحتاج لكل غرفة وخاصة المجلس والصالة
2- في حركة عجبتني وايد وهي انك تخلي في الأماكن الرئيسية مفتاحين حق ليت واحد، مثلا مفتاح للإضاء مع باب المجلس اللي من الخارج ونفس الليتات ممكن تطفيها من مفتاح عند باب المجلس اللي يدخلك على البيت (أتمنى الكلام يكون واضح) ومثلا تحط مفتاح للإضاءة عند مدخل غرفة النوم (الماستر) ومفتاح لنفس الليت عند السرير عشان تبند الليت وانت على السرير (للكسل) مثل حركة الفنادق ونفس الشي في الصالة ومهم في ليت الدرج.
3- لا تنسى تحط سوكتات خارج الفيلا وتكون نوعية ووتر بروف لأن ممكن تحتاج كهربا خارج البيت ومثلا مكينة غسيل السيارات وغيرها
4- إذا في مكان في الحوش ممكن انك تبني فيه ملحق في المستقبل لا تنسى تحط بيبات فاضية تحت البلاط او الانترلوك موصلة من الفيلا لين المكان اللي احتمال تبني فيه ملحق وهاي ما بيخسرك إلا قيمة البيب مقابل ان في المستقبل بيحميك من انك تكسر السور او البلاك عشان تمد الكهربا
5- لا تنسى السوكتات فوق السطح ما تدري يمكن تحتاج لهم
6- إذا كنت من الناس اللي تحب الديكورات والاضاءة اللي في الطوفة (على الحائط) لازم تحط في بالك من قبل ولا تنسى تحطها في الخرايط.
هاي اللي يحظرني الحين
وبالتوفيق للجميع