فــــ وين صممت خريطة بيتك وعلى كم ؟؟؟؟

[بويوسف]

سؤال

البلديه تعترف أذا التصميم من مكتب خارج قطر بس عالمي ؟!

اخوي المكاتب العالمية في لها تصريح اذا تبي تشتغل بالدوحة ..

بس عدم وجود ترخيص بتاتا مايعفي المطور او المكتب من انه يعمل بشكل قانوني...

ممكن اذا عملت تصميم من مكتب عالمي غير معتمد تجيبه الدوحة لمكتب محلي عشان يختم عليه ..

وبالتوفيق ان شالله

[darkuae]

http://www.up.org.qa/upnew/data/office2008.xls

هذي قائمة المكاتب الاستشارية المعتمدة في دولة قطر .. واذكر مرة ثانية الاخوة الاعزاء ان تعاملك مع مكتب معتمد يحفظ حقوقك عند تعرضك لمشكلة قانونية او هندسية ولايخدعنكم الكلام المعسول وتحويل البحر الى كوكتيل طبقات

بارك الله فيك ولاهنت

أولا قبل لا أكتب أبغي الكرك من يدك بوحارب مابيه من شغل الخدامة

بالنسبة لي

المجموعة القطرية للعمارة والتخطيط
فئة أولى
شهر 3 / 2008
14500 ريال مع إن مساحة الأرض 450

وللحييييييييين ما خلصوا الرخصة مأخريني بس تصميمهم عجبني وعملي

وبالتوفيق للجميع وشكر خاص لصاحب الموضوع القيم

أبو حارب

[بوحارب]

بارك الله فيك ولاهنت

أولا قبل لا أكتب أبغي الكرك من يدك بوحارب مابيه من شغل الخدامة

بالنسبة لي

المجموعة القطرية للعمارة والتخطيط
فئة أولى
شهر 3 / 2008
14500 ريال مع إن مساحة الأرض 450

وللحييييييييين ما خلصوا الرخصة مأخريني بس تصميمهم عجبني وعملي

وبالتوفيق للجميع وشكر خاص لصاحب الموضوع القيم

أبو حارب

ابشر بالكرك اللي يسرك & ــ &

ولا شكر على واجب اخوي

بس ليش كل هالتأخير فالرخصه؟؟؟

[darkuae]

عذرهم إن مهندس الحديد مسافر!!!

مع إنهم فئة أولى والظاهر ما عندهم إلا مهندس واحد!!!

قبل يومين قالوا إنهم طرشوله الخرايط على الإيميل وينطرونه يخلصها وهو في بلاده!!!

وإلحق العيار لباب البيت

عندك حل لهم؟؟؟
ما أبي أتهاوش معاهم وفنفس الوقت زهقت من التأخير

وكل يوم يطلع لنا بوحارب ويقول لنا:

لا تتأخرون في البنيان كل يوم يغلى

وأنا راتبي ما يزيد كل يوم

فما عرف شاسوي

الله يعين

[Some-One]

الواحه للتصاميم والاستشارات الهندسية

تقريبا خلصت منهم في بداية ال 2008
طبعا مع تخليص الاجراءات كاملة بـ 12 الف ( طبعا مع الواسطة )

المعاملة ممتازة جدا وخاصة من المهندس مرعي .

ملاحظة مهمة / موضوع التصميم والخرائط ليس بالامر الهين وتحتاج ان تستمع لنصائح
المهندس كذلك الناس الفاهمه والي تعاملت مع الخرائط في السابق فمكن تستفيد من تجربتهم
لان التغيير في التصميم جدا سهل لكن على ارض الواقع صعبة .

نصيحة / لا تبدء في تخليص اجراءات الخرائط على طول لكن اجعلهم اولا يعملون لك الخرائط ثم اعرضها
على المقاول لتعرف الاسعار لكن ممكن تجد ان لديك القدرة على اضافة المزيد لبيتك وسوف يكون وقتها سهل جدا لانك سوف تحتاج فقط تعديل الخرائط من مكتب التصميم فقط لان اذا خلصت اجراءاتها من البلدية بتجلس كل ما حبيت تعدل تروح تاخذ موافقة البلدية وسالفة انت في غنى عنها .

هذا ما لدي وبالتوفيق للجميع .

[بويوسف]

نصائح قيمة من الاخ some-one

سهل جدا التغيير في مرحلة التصميم ولكن من الصعوبة التغيير في مرحلة التنفيذ ... الصعوبة هنا تعني خسارة المال والوقت ..

[QAT2020]

السلام عليكم و رحمة الله و بركاته

موضوع اكثر من رائع من اخ اروع

احب اقول شي مهم...لا تنظروا للتكلفه المباشره مع المكاتب الاستشارية اللي تصمم الخرائط

يعني ايش بستفيد لما اروح مكتب هندسي يسويلي تصميم بيتي على 5000 ريال و يكون مصمم حديد التسليح على اوزان تحمل جسر مب سقف بيت
ايش الفايده لما يكون التصميم اوفر ديزاين

ايش الفرق بين المكتب اللي يفهم و المكتب اللي ما يفهم

المكتب اللي يفهم هو اللي يقدم لك افضل تصميم هندسي باقل التكاليف وهذه هي الهندسه

الهندسه هي تصميم منشا باعلى درجات الامان على الاطلاق و باقل التكاليف
هذا الفرق بين المهندس و بين المتعهد اللي ما درس هندسه

هو يقدر يسويلك بيت و يرمي فيه حديد زايد ما يحتاجه المبنى ولا له قيمه و بيت يصمد 50 سنه بس الفرق بين تكلفة البيت اللي عن طريق مهندس يفهم و البيت عن طريق مهندس ما يفهم او متعهد كبير جدا

ما تنظروا للتكلفه المباشره...انظروا كم راح تحطوا حديد و خرسانات بكل تصميم

ايضا ايش الفايده لما اسوي تصميم رخيص ما يكون فيه تنسيق بين خرائط الكهرباء و خرائط الميكانيك و الخرائط الانشائيه و الخرائط المعماريه

بكره ببني البيت و الاقي مكان دكت التكييف جسر خرساني و الا درج والا تمديدات كهربائيه والتغيير و التعديل بكلف كثير

والله صارت في مكاتب استشارات عالمية ماسكين الحين اكبر اعمال كيو بي

خاصة لما اروح دكاكين مسويه نفسها مكاتب و تلاقي مهندس واحد معماري و رسام بارت تايم يشتغل بالحكومه صباحا و خرائط الكهرباء والميكانيك يسوونه عند مكتب ثاني و يدفعوا لهم علشان الختم ولا تنسيق ولا يحزنون

تحياتي

سؤالي يأخوان وش دور البلديه لم يكون مصمم حديد التسليح على اوزان تحمل جسر مب سقف بيت ...؟ تمشي عليهم ..؟ يعني البلديه يمشونها ..؟ وهل فيه اليه للبلديه تتبعها في معايير البناء والتصميم ...؟ وليش مهندسين البلديه ما يلزمون اصحاب المكاتب بعدم وضع حديد زائد ..؟

وشكراً لكم ..

[المرعب]

سويت خريطتين في نفس الفله دور وبنت هوس ودورين وبنت هوس حق المستقبل 9000ريال بس انا الي اتابع الخدمات بس بقولكم بعد انا مسويها على نفس خريطه من قبل وضيف كم شغله فيها

وجبتلكم برنامج تسوي خريطه بيتك بنفسك
http://www.smallblueprinter.com/sbp.html

[ahmed jasim]

وجبتلكم برنامج تسوي خريطه بيتك بنفسك
http://www.smallblueprinter.com/sbp.html

شكرا على البرنامج
أخوي ما قدرت أخزن الصورة علشان أرجع لها بعدين وأضيف عليها
وجزاك الله خير

[A.L.I]

بكم ومتى يا بوحسن

من سنتين 8000 ريال