قمة المسخره في بانكوك وبوكيت !!!

[coolqtri]

من يوم دريت أنهم ياكلون الصراصير .. وانا عايفهم .. وعايف ديرتهم ..

[سهم طايش]

و انت شموديك هالاماكن ؟؟

[عذب الكلام 1]

انا ارحت تايلند العام الماضي مع الاهل ورحت المجمعات الحلوه والحدائق الجميله والمشوقه وحذروني من الاماكن المشبوهة وتجنبتها والحمد لله لم يصادفني ما ذكرت بس كل شي جايز اكيد في باتايا تحصل هذا ولكن عليك بتوخي الحذر منها والابتعاد عنها لو رحت هولندا في شارع ما اذكره بتشوف العجب ومن غير ملابس بس الواحد مايروح الماكن المشبوه وشكراا لك

[OREO]

رايحتها 6 مرات تقريباً ومنها اروح لماليزيا وسنغافوره .. وعمري ماشفت في تايلند اللي انت تقول عنه معقوله اختربت من بعدي


غريبه وين رايح آنت ..



عموماً


ترجع لنا بالسلامه يااخوي

اختي .. انتي شكلج رايحه الوكره مهب تايلند ..

و تايلند اخر مره كنت فيها من شهرين ,. و اقدر اقول عنها زباله الله يعزج ( زبالة بمعنى الكلمه ) ..

قعدت في بانكوك و فوكت اسبوع و بعدها جاتني حاله هستيريه من الروائح و الاشكال اللي شفتها ... و اتمنى في الردود الجايه ما اتبررين موقفج من تايلند ..
( لان اتصيدني حاله نفسيه يوم احد يجب طاري تايلند ) ..
ههههههههههههههههههه

[هاجن داز]

جميع الآراء بين مؤيد ومعارض

فالمؤيد شاهد كل ماتم نقله من مشاهد مخزيه في الشارع
اثناء تنقله وتجواله في البلد

فعلى سبيل المثال :

راح ياكل في مطعم فأكيد بيشوف بعينه كل ماهو موجود في الموضوع!!!

أما بالنسبه للمعارض فهذا يرجع له بحد ذاته !!!
يمكن راح من قبل وراضي انه يشوف أو هله يشوفون هالأشكال !!!


وبالنسبه لي انا انسان انقد على كل شي يمس الدين والعادات والتقاليد
ومتمسك فيها داخل وخارج لبلاد ...

وبالنسبه للمشككين فهذا امر صحي يحدث في كل موضوع يستاهل النقاش !!


وفي النهايه

حبيت انقل لكم الي شافته عيني بدون اي مبالغه أوز ياده

وتقبلوا فائق الاحترام والتقدير

اخوكم هاجن داز

[وضحى قطر]

والله يا اخوي شوف لو ترووح بلاد قمة في الدين من غير ذكر اسماء وانت رايح طلبك الانحطاط تبي تلاقي ولو رحت بقصدك الزين وكل ما يطييب للعين وفي وازع ديني تقدر تتجتب هالمناظر ...
انا شخصيا رحت لتايلتد مع زوجي وولدي الصغير ولا شفنا الا كل طيب ووناسه ورحنا رحلات وشوراع ومينا وتشرينا وتجنبنا كل ما يسيء لعيونا ....



والله مادري وش اقول بس اخوي انا رحتها لاكثر من شهر وكانت ولا ارووع واستانسنا في بوكيت وفي بانكوك وشنغماي ...


لو سآئل قبل لاتروح يمكن كان رتبت نفسك لوين تروح ووش تتجنب ...

[بوخالد911]

والله انك عجيييييييييييب انت يابوخالد دااايم شااارى دماااغك

شاري دماغي

!!!

[mubarak2000]

اجازتي هي السبب

بس اسبوع ما امداني اطلع فيزا الشنقن
والا كنت ناوي على المانيا وفرنسا لكن قدر الله وما شاء فعل

انشاء اللة السنة الياية اتطلع الفيزا بدري ولا اتروح تايلند مرة ثانية ,ليش محد قالك عنها قبل لاتروح ترى حتى اروبا فيها استرب تيس

[Bently]

كل أبلاد فيها مقبره وتشوف مقابر مفتوحه ومقابر مسكره

[hamoor4ever]

مع احترامي لك اخوي تايلند دوله حلوه مقارنه في ماليزيا وبعض الدول الاسيويه وخاصه الرخص اللي فيها وانا نزلت فيها مع عيلتي ماشفت اللي قلت عنه انت ، اخوي تايلند الدعاره مسموح فيها فأنت لازم تبتعد عن الاماكن المشبوهه مثل بتايا اللي انا مانزلت فيها وهي معروفه بمدينه الكازينوهات والمراقص ، بس بوكيت حلوه يااخوي ورحت فيها رحلات بحر وتسوق وولا اروع وكنت لما يصير الليل ارجع قبل الساعه ٨ او تسع باليل لان الفتره باليل يطلعون الخفافيش فأنا ابتعد عنهم ولا اشوفهم ، وكانت سفرتي حلوه ماشفت حد عاري او غيره الا يااخوي اذا انت رايح لاماكنهم يعني لو رايح تتسوق ولا رايح حديقه ماراح تشوف اللي قلته .

بعدين يااخوي اي دوله اذا كان الدعاره مسموح فيها وبتروح حق اماكن الدعاره بتشوف اللي مايعجبك عندك ميونخ اروع مدن المانيا الطبيعيه فيها اماكن دعاره وهولندا ووحتى لندن مر على التلفونات العموميه وشوف الصور والارقام ولاتروح بعدين حتى ببعض دول الخليج بتشوف مسخره اذا رحت لاماكن تواجدهم . خلك بعيد عنهم ومتع نفسك بعيد عن الاشكال هاذي ومابتشوف الا الشي الزين . يعني ماشفت في تايلند الا هالشي معقول مازرت الجزر والبحر ، ماشفت عروض الفيله ماشفت الاسواق الرخيصه ماشفت الخضره اللي عندهم بس ركزت على هالجانب السئ فقط ؟!