سؤال مهم جدا

[حشربشر]

ياجماعة الخير عساكم على القوة سؤالي هو

متى بيتحرك السوق ويكون بين المت اب والمت داون في ضنكم الصراحة اسعار تغري جدا جدا ودي اشتري بس بغيت استشاراتكم يالاستشاري همتك معاي ولاتقصر




تحياتي لكم .

[بدور]

المفروض اخوي اذا سيولتك جاهزه تشتري وتلم اللي تقدر تلمه من الشركات لاتنتظر
ارتفاع هالفتره بس الصراحه السوق روعه للشراء فقط وليس للبيع طبعا وجهة نظر خاصه بي والبركه في الاخوان وبيفيدونك اكثر
والله يوفقك ان شاء الله

[حشربشر]

اعتقد كم شركة الواحد يقدر يلم فيها اما باقي الشركات تخوف


وتحياتي لك ومشكورة على المرور

[بدور]

اعتقد كم شركة الواحد يقدر يلم فيها اما باقي الشركات تخوف


وتحياتي لك ومشكورة على المرور

انت تقدر تحدد الشركات اللي تبيها على حسب المبلغ الموجود بالنسبه لي اشوف السوق مناسب هالحين للشراء
وطبعا للاستثمار وليس للمضاربه طيب عندك الوقود الصناعات والناقلات حاول تاخذ كميه من الناقلات ويكون استثمار للمدى البعيدوعندك المصرف طبعا انت ممكن تشوف اللي يناسبك اخوي
تراها فرصه ما تتعوض السوق نازل نزله قويه يعني تشتري وانت مغمض

[حشربشر]

اختي العزيزة وقود وناقلات وحتى المصرف لمت داون , اقول وانا متخوف نصبر يوم او يومين والله يوفق الجميع

[بدور]

اختي العزيزة وقود وناقلات وحتى المصرف لمت داون , اقول وانا متخوف نصبر يوم او يومين والله يوفق الجميع

انت سالت تبي تشتري وانا اقول لك مادام السوق ليمت داون فرصه للشراءوبراحتك
تنتظر يومين وشوف المفروض في نزلة السوق تشتري لان فرصة الشراء كبيره
مدري قصدك اذا تبي تشتري لما يطلع السوق ليمت أب اخوي الله يوفقك

[ولد البلد]

اخوي لا تشتري بطريقة عشوائية.
نصيحة اشتر عند نقاط الدعم... جوف أقرب نقطة دعم للمؤشر أو الشركة اللي بتاخذ فيها.
المؤشر اليوم كسر نقطة الدعم 11329.
راجع قسم التحليل الفني لمعرفة النقطة التالية.
وشكرا

[أحمد اليافعي]

عليك بالشركات اللي أسعار اسهمها متدنية وكانت قد سبق وحققت أسعار مرتفعه نوعا ما خلال الشهريين الماضيين ، يعني تقدر تاخذ 1000 سهم في كذا شركة من الصغار ، ماعليهم خوف او خساره إذا كانت السيولة متوفرة لديك وتسمح لك ، على أن تبيع إذا حققت الأسعار او الأرباح التي كانت عليه قبل شهر أو أقل ، ولا تنسى طبعا تحتفظ بجزء من السيولة للإكتتاب القادم . الله يرزقك دوم .

[حشربشر]

ولد البلد, بدور, احمد اليافعي
ماقصرتو وكتاباتكم لي انشاء الله تساعدني على اتخاذ القرار
مشكورييييييييييين .