المجموعه خسرتني اليوم!!!!

[Bo jassim]

شباب كما تعرفون امس اغلب الشركات لمت داون وكانت الوقود ب 153 عروض بدون طلب وانا اقسم بالله العظيم اني حطيت اليوم قبل فترة التداول عرض الوقود بسعر 147 خوفا منه اذا نزل من الممكن ان ينزل الى 145 ولا استطيع البيع بسبب كثرة العروض واذا ارتفع عن ال 153 مايتنفذ الطلب
ولاكني انصدمت الحين اليوم المجموعه طرشتلي مسج بيع الوقود على 153 ؟؟؟؟؟؟؟
هل هذي لعبه منهم وعلى اي اساس وانا حاط العرض على 147؟؟؟؟؟؟؟؟؟؟

ولما اتصلت بالمسؤول مالهم قالي مبروك !!! قتلهم اي مبروك الله هداكم الحين سعره في السوق 161 ريال وانا عارضه على 147 كيف ينباع ؟؟؟
الا اقولي بكل برود هذي خدمة العميل اذا حط طلب سعر ماينباع الا عليه او اكثر!!!!!!
من متى طلع هال القرار؟؟؟
وبالعكس هذي مو خدمة العميل هذي خسارة العميل
عيل وش تستفيد من الارقام الي تحطها

[بومبه]

الله يعوضك خير

[فلان]

يا خوي اعتقد والله أعلم احنا ماعندنا "ستوب لوس اوردر" وهاي نوعية ال اوردر اللي انت كنت حاطه عشان هالشي هم حطوا اوردرك مع احسن طلب وكان 53 ريال "يعني خدمة". انا عارف انه هالشي مافيه عداله لك بس كان لازم تسأل الأول اذا اللي انت كنت تسويه يمشي أو لا.
هذا والله أعلم

[المخلب]

ياخوي المجموعه ناس تشتغل للهوامير وبس يعني شافوك على قد حالك قالوا نبوووقه قبل مايكنسل طلب البيع مع انك تقول انك حطيتها على سعر اقل وباعوه على سعر عالي شوي لكن مايفيدك بالرباحه الا يمكن 200 ريال تعبي فيها بترول !

[السلطــــان]

اخوي هد اعصابك ترا هذا النظام في البورصة كلها . .

ولو تشوف ورقة أمر البيع الموجودة عند اي وسيط تحصل عند خانة السعر مكتوب " ما لا يقل عن ...... " او شيء من هذا القبيل . .

والله يعوضك خير . .

[Bu3ly]

الله يعينك اخوي وان شاءالله خيره لك بس لا تكدر نفسك ..

وعندي سؤال متعلق بهذه النقطة:

بخصوص امر البيع او الشراء

انا لو نزلت امر بيع اليوم عن طريق المجموعة بسعر معين وماوصلت له الشركة ..

هل ثاني يوم الطلب يكون موجود؟

أو انه ينلغي ولازم ارد واحط الطلب مره ثانيه؟


الاول سمعت ان المجموعة تخلي طلب البيع او الشراء لمدة اسبوع وبعدين ينلغي اما الان فالطلب ليوم واحد فقط .. ياليت توضحون لي اخواني ..

واسف كثير لخروجي عن الموضوع !

بوعلـي

[saham]

what the group people did was right
and your order means that they will not sale below 147

[بورصة نت]

شباب كما تعرفون امس اغلب الشركات لمت داون وكانت الوقود ب 153 عروض بدون طلب وانا اقسم بالله العظيم اني حطيت اليوم قبل فترة التداول عرض الوقود بسعر 147 خوفا منه اذا نزل من الممكن ان ينزل الى 145 ولا استطيع البيع بسبب كثرة العروض واذا ارتفع عن ال 153 مايتنفذ الطلب
ولاكني انصدمت الحين اليوم المجموعه طرشتلي مسج بيع الوقود على 153 ؟؟؟؟؟؟؟
هل هذي لعبه منهم وعلى اي اساس وانا حاط العرض على 147؟؟؟؟؟؟؟؟؟؟

ولما اتصلت بالمسؤول مالهم قالي مبروك !!! قتلهم اي مبروك الله هداكم الحين سعره في السوق 161 ريال وانا عارضه على 147 كيف ينباع ؟؟؟
الا اقولي بكل برود هذي خدمة العميل اذا حط طلب سعر ماينباع الا عليه او اكثر!!!!!!
من متى طلع هال القرار؟؟؟
وبالعكس هذي مو خدمة العميل هذي خسارة العميل
عيل وش تستفيد من الارقام الي تحطها

انا اشوف انك استعجلت اخوي خصوصا قبل بداية التداول السهم من العرض والطلب مبين بان السهم سوف يرتفع وانشالله الله يعوضك

[KhalidQ]

صارتلي يبيع على الطلب لان هناك متنافسين على الشراء و السستيم
يرفع سعرك وهذا شي طيب كما حدث في الناقلات ناس تبي تبيع ب50
بس قوة الشراء رفعت السعر

[بوناصر1]

اسمحلي يا الغالي بان اقول بانك رافض للنعمه لانك كنت راضي ببيع اسهمك باقل من 153 وهو 147
افترض انهم قالو لك خذ المبلغ الناتج عن بيع اسهمك بقيمت 147 وسوف ناخذ 6ريال على كل سهم من عدد الاسهم هل كنت بتوافق على هذا الشي
ارجو ان تكون اجابتك بكل صراحه
مع احترامي لك