انا يمكن اتفق معاك ان مساعدة الشعب الامريكي مش واجبة علينا اخوي الكريم .. لكني اقولها لك وبكل امانه والله على ما اقول شهيد .. احنا في الف خير ونعمه ولله الحمد والمنه .. وهذا من فضل الله سبحانه وتعالى وكرم اميرنا ابو مشعل الله يطول لنا بعمره ان شاء الله .. روح شوف الدول النفطية الخليجية الاخرى اشلون عايشين وشوف النعمة الي احنا فيها ( الله يديمها )
انت عارف ان الي ما يعرف يقرى ويكتب في الشرطة او الجيش راتبه ممكن يوصل 18000 ريال اذا كان متزوج ؟؟
الحمدلله رب العالمين امورنا طيبه والله يديمها علينا ..
يكفيك انك تخلي المكيف يرن 24 ساعه وبالمجان
يكفيك انك تسقي زرعك في البيت وزرع الجيران بالمجان
يكفيك اكتتاب سهم بعشرة ريال وتبيعه ب30 ريال في اسوأ الاحتمالات
يكفيك ويكفيك ويكفيك .. الخطأ يكمن في طريقة التعامل مع هالنعمة وكيفية ادارة امورنا الشخصية بأحسن حال .
كلامي يمكن ما يعجبك .. لكن تقبل مروري بصدر رحب .
والله يطول بعمر اميرنا ويحفظ بلدنا وشعبنا من كل حاسد .