المناطق التي لايسمح بها بتقسيم الأراضي أو بناء أكثر من فيلا واحدة فيها

[ســـهم]

ما نلومك أخوي الأستشاري أنت مؤيدهم

شكلك شغال في العقار ومستفيد أخوي

بس أيش يضر إذا كان القطري عنده أرض مساحتها 1200م ويبني

فلتين متلاصقتين أو منفصلتين . ماراح يضر الدولة بالعكس يستفيد ذو الدخل المحدود .

بس المشكله أن (عصابه الهوامير ) عندنا هم حطوا هالشرط لأن عندهم

مجمعات فلل خايفين أنخرب عليهم لأنهم عايشين العصر الذهبي في قيمة الأيجارات .

ليش يشارك القطري صاحب الدخل المحدود الهوامير

مايصير

هالشكل راح تلغى الطبقيه ومانعرف القوي من الضعيف ..

[jorri]

الله كريم يا شباب "" ياويل قاضي الأرض من قاضي السما ،،،،، لأصار ميزانه عن الحق مايل "" هذا البيت لمؤسس قطر المغفور له انشأالله قاسم بن محمد ال ثاني

[مهندس خطير]

صدقتوا والله

[Fahad Alqahtani]

ممكن الاسباب من الشخص اللي اقر هذا القرار عشان محد يحط في ذمته
وليش يستثنى صاحب المجمع اللي يبي يستفيد وصاحب الارض بعد يبي يستفيد من أرضه
ولا ناس وناس

[ورده]

قانون مجحف


الله كريم

[بويوسف]

طيب ممكن نعرف اللي يقول قانون مجحف ليش هو قانون مجحف ؟

ليش ماتكون هالمناطق فيها فلل للعوائل القطرية بدون فلل تجارية للايجار مما يقلل بشكل كبير وجود العمال في هذه المناطق.

[ورده]

طيب ممكن نعرف اللي يقول قانون مجحف ليش هو قانون مجحف ؟

ليش ماتكون هالمناطق فيها فلل للعوائل القطرية بدون فلل تجارية للايجار مما يقلل بشكل كبير وجود العمال في هذه المناطق.

لان في كل دول العالم ماصار هالقانون



( لاتبني في ارضك ) طيب ممكن يضيفون للقانون انه مايحق له يأجرها الا للعوائل مثلآ



حتى يستفيد المواطن من عقاره بالذات محدودين الدخل .


ابوي عنده ارض كبيره بيبني له فيلا والثانيه لاخوي مثلآ الي هو ولده شالمانع ؟


هل الي سن القانون بيدفع من جيبه ؟ بالعكس المواطن لما يبني يدفع رسوم مبالغ فيها حتى


يبدأ في بناء بيته يعني (الي سن القانون ) ماساعده لانه مواطن الا بالعكس وضع له عراقيل


وقانون الايجارات الي يسمح للأجنبي يتملك العقار ومايطلع ويدفع الايجار القديم 500 ولا

1000 ريال ...... ومووت يالمواطن ( نزع ملكيه بس بطريقه ثانيه )

ابيك تطلع لي دوله لانروح بعيد ( خليجيه ) سنت هالقانون ...... ( ملك المواطن للآجنبي )مافيه


المواطن يابويوسف عايش (قهر) فوق ماتتصور


وبالذات احنا النساء الي راس مالنا في العقار هالقوانين اجحفتنا كثير

[بويوسف]

لان في كل دول العالم ماصار هالقانون



( لاتبني في ارضك ) طيب ممكن يضيفون للقانون انه مايحق له يأجرها الا للعوائل مثلآ



حتى يستفيد المواطن من عقاره بالذات محدودين الدخل .


ابوي عنده ارض كبيره بيبني له فيلا والثانيه لاخوي مثلآ الي هو ولده شالمانع ؟


هل الي سن القانون بيدفع من جيبه ؟ بالعكس المواطن لما يبني يدفع رسوم مبالغ فيها حتى


يبدأ في بناء بيته يعني (الي سن القانون ) ماساعده لانه مواطن الا بالعكس وضع له عراقيل


وقانون الايجارات الي يسمح للأجنبي يتملك العقار ومايطلع ويدفع الايجار القديم 500 ولا

1000 ريال ...... ومووت يالمواطن ( نزع ملكيه بس بطريقه ثانيه )

ابيك تطلع لي دوله لانروح بعيد ( خليجيه ) سنت هالقانون ...... ( ملك المواطن للآجنبي )مافيه


المواطن يابويوسف عايش (قهر) فوق ماتتصور


وبالذات احنا النساء الي راس مالنا في العقار هالقوانين اجحفتنا كثير

الله يعين الجميع ان شالله.

[صناعات]

والله انا اشوف ان الامور الي قاعدة تصير نسمية " شيوعية " ان كل شي يكون تحت تصرف الحكومة من بناء المناطق العقارية مثل مشاريع بروة و الديار و تسكين المواطن فيها و من سحب الاراضي و التحكم في البناء .

[ابن الوطن]

هل هذه المناطق لازال المنع للفرز فيها ساري الى اليوم ام تغير ..