باقي ساعات عن بدء قرعة الاراضي للقطريين فقط ولكن (دعوه للنقاش)

[ابوالجازي]

اي والله توني الحين باسجل ودفعت الـ 100 ريال وطلع لي (ايرور)

شهالموقع ؟ وشلون نرجع فلوسنا ؟والله شي يقهر ........

واتمنى من الاداره ماتدمج هذا الموضوع مع الموضوع الرئيسي علشان نعرف كيفية التصرف
مع هالموقع التايواني

الدمج يستخدم لدمج المواضيع اللى لها نفس المضمون اعتقد ممكن الكل يشارك في هذي الموضوع والكل يتناقش .

اما سياسة كل واحد يفتح له موضوع ويتناقش فيه هذي مشكله .

الافضل الذهاب للمواقع اللى تم تحديدها عن طريق الشركه والتسجل .

[عبدالله الخوار]

راحت مني 200 على الفاضي

الموقع يعلق عسى ماشر ؟

[بويوسف]

ابوالجازي الدمج لخبط كل شي .. صحيح انه موضوع عن الاراضي بس الاخ خالد القحطاني تكلم كشاهد عيان .. يعني موضوع ماله خص ومختلف.. ومهم جدا لانه ظهر ان هناك مبالغ فائدة بخلاف المبلغ الحقيقي او هذا مافهمته حتى الان.

اتمنى عدم لخبطة الامور اخوي العزيز.

[مزيون الدوحه]

استفسرت عن المبالغ المسحوبه
من البنك وقالوا لي المبالغ مانسحبت
لاكن معموله عليها ( بلوك )
علماً انهم سحبوا مني 100 ريال وطلع لي ايرووور

اعتقد بما انهم ماسحبوها لي الحين ممكن ترجع
اذا فرزو الطلبات وشافوا الخطوات غير كامله .

ننتظر ونشوف ايش ورانا

[الباش مهندس]

ياجماعة الخير
الزبده
حلال ولا حرام؟؟؟؟؟؟

[KhalidQ]

ابوالجازي الدمج لخبط كل شي .. صحيح انه موضوع عن الاراضي بس الاخ خالد القحطاني تكلم كشاهد عيان .. يعني موضوع ماله خص ومختلف.. ومهم جدا لانه ظهر ان هناك مبالغ فائدة بخلاف المبلغ الحقيقي او هذا مافهمته حتى الان.

اتمنى عدم لخبطة الامور اخوي العزيز.

كنت محتفظ بالورقه و الحسبه بويوسف

اكثر من كذا يعني لبد يكون في احسابك فلوس

عشان تقدر تسدد و تبني على نظامهم الاسلامي

باحول ادور على الورقه لانها تعطيك كل التفاصيل

[Level]

تتوقعون يصير فيها مثل مايصير في البيوت المرهونة...؟

مثال : لو عندك بيت مرهون وتبي تبيعه الخطوة الاولى : تروح انت والشرّاي للمحكمة وتسوي له توكيل على العقار المرهون توكيل عام وحق كامل في التصرف وتسوي معاه مبايعة داخلية بحضور شهود وكان الله غفور رحيم.

هل المشروع هذا راح يكون نفس الشي تهقون...؟

مثال: اجنبي عنده فلوس بيشتري بأسمك يالقطري وبيكون بينه وبينك عقد موثق عند محامي ومحكمة وشهود,وبيكون له حق التصرف في العقار يبيع ويؤجر ويسكن بأسمك انت.

اذاً هذي الطريقة راح تكون فرصة للي ماعنده فلوس يسجل واذا طلع اسمة يبيع للي يبي اكثر من أرض ويبي يستثمر سواء كان اجنبي وغير مسموح له او قطري وملزوم بقطعة واحد فقط , يشتري بأسمك وأسم فلان وفلان وفلان ويسوي بينكم مبايعة وتوكيل على عين العقار اللي في الوسيل مب توكيل على كامل حلالك ويوديك في ستين داهية لاسمح الله.

[reema400]

اخواني بعد مايتم التسجيل يدويا.. هل يصل ايصال على البريد الالكتروني يثبت ذلك؟؟

[hich]

أخواني متى الصيانة للموقع أقصد متى القرعة ومتى النتيجة لنا 3 أسابيع وأكثر

[qatar77]

((( من الاخر محد راح يدخلها الا الهوامير والدليل موضف مثلي راتبه خل نقول

15 الف شلون بيقدر يدبر 250 الف وشلون يقدر يقاسط 16 الف شهريا خلونا واقعيين

مواطن عنده بيت واقساط سياره وخدامه ودريول ماراح يقدر يدش واذا دش وفاز بيتوهق ))

المختفي الله يهديك حنا في خير الحين اللي يسمعك بيصدق انه راتبك 16 إلف
اقل راتب حق أي قطري مع العز اللي حنا فيه خيالي من غير المد خيل الثانية أتقول ادر يول وخدامة مجرد كماليات وزينة لكل قطري انه في رفاهية
لا تنسى انه في بنك رهيب يعطيك قرض مناسب أنت تدفع بس 10% والبنك يدفع 90 % ونسبته اقل بنك في قطر وكانت نسبته في رمضان 6%
لا تحاتي حنا في خير أحسن من اللي صدمهم إسكان زايد ودفعوهم على قفله
لا تحسدونا حنا في نعمه وخير وعز الله يديمه على قطر العز

تقبل تحياتي أختك
Qatar77