صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 30

الموضوع: استفسار : ممكن اسماءالمطاعم المشهورة في بيروت وحولها

  1. #11
    عضو مؤسس الصورة الرمزية بولينجر
    رقم العضوية
    4720
    تاريخ التسجيل
    Nov 2005
    المشاركات
    9,254
    اقتباس المشاركة الأصلية كتبت بواسطة كش ملك!!
    سمير اميس

    مشكور أخوي وماقصرت

  2. #12
    عضو مؤسس الصورة الرمزية بولينجر
    رقم العضوية
    4720
    تاريخ التسجيل
    Nov 2005
    المشاركات
    9,254
    اقتباس المشاركة الأصلية كتبت بواسطة ابوعلي
    الواحد يروح يشوف جمال الطبيعة وانت ما همك الا بطنك ، روح بعلبك حق الاثار روح التلفريك تمشى في الروشه وشوف جمال البحر وشوف الصخرة ، انا رحت في العيد والله ارتحت وبصراحه على الاقل ما تشوف المضايقه في المطار ولا الفنادق ولا الطراروة

    أخوي بعلبك والآثار والروشه والتلفريك وكل اللي ذكرته سهل أوصله

    لكن أكيد إنك تتفق معاي إن صعب تعرف المطعم الممتاز إلا من خبرة سابقة

    وعلشان كذا قلت أسأل الإخوان....

    وإلا تبيني آكل من الفندق وبس!!!

    على العموم شكرا لك على مشاركتك...

  3. #13
    عضو مؤسس الصورة الرمزية بولينجر
    رقم العضوية
    4720
    تاريخ التسجيل
    Nov 2005
    المشاركات
    9,254
    اقتباس المشاركة الأصلية كتبت بواسطة الشراكة
    صدقت اخوي بوعلي الصراحة اول مرة ادمعت عيني يوم برجع الدوحة وبترك لبنان لاني درسة فيها يكفيك الطبيعة الخلابة

    وبالنسبة قصدك على المضايقات هي مصر ..
    مشكور أخوي على المشاركة

  4. #14
    مراقب عام الصورة الرمزية ابوعلي
    رقم العضوية
    1090
    تاريخ التسجيل
    Mar 2005
    المشاركات
    34,476
    اقتباس المشاركة الأصلية كتبت بواسطة بولينجر
    أخوي بعلبك والآثار والروشه والتلفريك وكل اللي ذكرته سهل أوصله

    لكن أكيد إنك تتفق معاي إن صعب تعرف المطعم الممتاز إلا من خبرة سابقة

    وعلشان كذا قلت أسأل الإخوان....

    وإلا تبيني آكل من الفندق وبس!!!

    على العموم شكرا لك على مشاركتك...

    سو مثلي اي شارع تروح فيه وتشوف مطعم اوكي ادخله

  5. #15
    عضو مؤسس الصورة الرمزية بولينجر
    رقم العضوية
    4720
    تاريخ التسجيل
    Nov 2005
    المشاركات
    9,254

    Thumbs up

    اقتباس المشاركة الأصلية كتبت بواسطة المخلب
    لوين خيو

    لبيروت ولاك




    اسمع بعطيك معلومات منقوله من احد المنتديات

    لاني مارحت بيوت بس ناوي عليها



    السلام عليكم
    انا اخوي ممكن افيدك شوي بمعلومات لبنان
    انا الصراحة كل سنة رايح لبنان صارلي 3 مرات والمفروض 5 مرات لكن صارت ظروف شوي وما قدرت
    الصراحة انا رحت يمكن نصف مناطق لبنان وطبعا انا واهلي كل سنة لم نسافر لبنان لازم نسافر بسيارة
    انا عندي احسن منطقة بلبنان بو حمدون وبيروت وبوحمدون عندي احسن من بيروت
    وانصحك انك تروح بوحمدون الصيف يعني شهر 7 او 8 او نصف 7 و 8
    والله العظيم انا ما ابالغ بوحمدون الصراحة لم انشاء الله تسافر هناك راح تشوف كله كويتيين اهناك والله العظيم بس تشوف جم واحد لبناني لكن نسبة الكويتيين الي هناك بالنسبة لي 80%
    هذي نبذة مختصرة عن بوحمدون
    الحين نتكلم عن الجو والاماكن
    الجو يكون بارد جدا وثلوج في الأشهر الباردة مثل 2 او 1 او 12 عشان جذي انصحك انك تروح بو حمدون في 7 او 8 لان الجو يكون براد في منتصف الليل بعض المرات يكون برد لكن لا تخاف برد خفيف (براد ) جو معتدل هذا بالنسبة للجو
    اما الأماكن اهناك تقدر تسكن شقق لان انا كل سنة ساكن شقة بس مرة سكنت فندق والفنادق اهناك مثل الشيراتون الراهي والكارلتون هذه الفنادق الي اتذكرهم
    اما المطاعم كثيرة مثل فول مون و ابو خضر ومطعم انا اسمي المطعم الساهر لان في الليل كله اغاني ويغنون
    وهناك جنه اظن في سوق عشان تتسوق وفي مقاهي وقهاوي وفي محل حق الخمر والويسكي والشغلات هذي الله يبعدنا عنها وانت اذا رحت بوحمدون دير بالك تقترب يمه او تخرج في الليل مثل الساعة 1 او 2 او 3 لان السكرانين متروسين
    وفي بقالات وفي مكان محل تلعب في كمبيوتر تأجر كمبيوتر ساعة او ساعتين على كيفك وفي مكان ثاني نفس الشيء
    وفي محل تسجيلات اغاني
    مكان العاب مثل العاب الكترونية يعني مسدسات الخ وفي مكان سرداب هذا في بلياردو و أتاري وكمبيوترات انا كله اروحله مع اخوي
    هذا بس عن بوحمدون وهذا الي اتذكره والصراحة لبنان وايد ناس يمدحونها وانا منهم
    وارجو اني اكون قد افدتك و انشاء الله تزورها وتعجبك
    وشكرا


    ***

    معلومات اخرى

    السكن في بيروت وفي الفنادق الخمس نجوم خصوصا مكلف جدا وبدون مبالغة اكثر من فنادق باريس وجنيف واكيد اكثر من المدن السياحية الامريكية

    التنقل داخل بيروت عادة يكلف بين ثلاثين وخمسين ريال تقريبا لكن بيضاعفون لك السعر وانت ومكاسرتك

    المطاعم بدون مجاملة ممتازة بشكل عام يعني اكل نظيف ومعد على الاصول الصحيحة واسعارها بالنسبة لي ممتازة لانك تاكل شي من جد بالهنا والعافية

    الاماكن السياحية نفسها بيروت مثل وسط البلد والتلفريك والحمرا

    ومغارة جعيتا ( انتبه تفوتك)

    قصر على الطراز القديم بناه شخص بنفسه ويستحق المشاهدة لكن نسيت اسمه


    بعلبك طبعا

    التسوق هناك مميز وممكن تلقا اي شي تبيه
    فيه مكان تسوق ومطاعم اغلبه سياح ووسط بيروت تقريبا ومشهور جدا اسمه السوليدير وهذا خله آخر الليل من 11 تقريبا.........المطاعم مفتوحة حتى ساعات متأخرة من الليل

    إذا السفرة عائلية :فيه مكان نسيت اسمه ومناسب جدا للعائلات نسيت اسم المنطقة والهوتيل لكن ارسل لي رسالة خاصة تذكرني فيها عشان ما انسى

    الدولار يهرج هناك

    بالنسبة لاستخدام مكاين الصرف مافيه اي مشكلة فقط عمولة البنك الاضافية لكل عملية سحب وانت عارف بعض البنوك السعودية ماتخليك تدفع رسوم
    انتبه تصرف من محلات الصرافة أو اي محلات اخرى فقط مكاين الصرف باستخدام بطاقتك ولا بيلطشون رصيدك

    مافيه نصب واحتيال واجد لكن فيه
    منقول

    ونكرر ونقول بيروت حلوه ست الدنيا والي مو عاجبه يروح المشاطه ينتف حواجبه

    ماشاء الله عليك أخوي المخلب معلومات كافية ووافية والله ماقصرت....

    إن شاء الله لما أروح بأزور الأماكن اللي ذكرتها كلها....

    الله يعطيك العافية على مجهودك الطيب...

  6. #16
    عضو مؤسس الصورة الرمزية بولينجر
    رقم العضوية
    4720
    تاريخ التسجيل
    Nov 2005
    المشاركات
    9,254

    Thumbs up

    اقتباس المشاركة الأصلية كتبت بواسطة السنافية
    مرحبا اخوي انا توني رايحه بيروت باجازة العيد بيروت كدولة سياحية تهبل كل شي حلو فيها ومافي مقارنه بينها وبين مصر بالعكس وناسه وكل شي حلو بس بالنسبه للمطاعم حنا اكثر شي كنا ناخذ من مطعم بربر بالحمر بحكم قريب من سكنا بس فيه اكيد مطاعم كثيره تبي مطعم للبخاري بتلقى عندهم مطعم حضرموت (( للعيوش )) وفيه مطعم كبير بالروشة للوليد بن طلال ما وصيك عليه وفيه مطعم الازر تلقاه بجبال الارز عليه مقبلات ومشاوي بتعجبك وغيرها مطاعم كثيرة بتلقاها خلال تمشيك فيها بس ما انصحك بالمطعم الايطالي اللي بالحبتور لاند لانه مو شي وهلله بالاماكن الزينه عندهم اماكن سياحية كثيرة بفاريه وبعلبك وجبيل وكورنيش الروشه والجبل شي عجيب ولا تنسى الملابس الثقيلة الجو حده بارد والمطر ماوقف وما بتشوف الشمس خصوصا بالجبل 000 واتمنى لك اجازة وسفرة ممتعه

    مشكورة أختي السنافية على معلوماتك المفيدة

    إن شاء الله بأروح الأماكن اللي قلتيها كلها

    الله يعطيج العافية وماقصرتي

  7. #17
    عضو فعال الصورة الرمزية roadrunner
    رقم العضوية
    60
    تاريخ التسجيل
    Jan 2005
    الدولة
    دوحة الخير
    المشاركات
    3,396
    السلام عليكم.


    روح السوليدير ... منطقه كلها مطاعم وكوفي شوب ... وفي عندك مطعم سي فود على الكورنيش عجيب بس غالي .... وانا اكثر مطاعم استانست فيها الي على الجبال ... يعني برع بيروت ... تلاقي المطعم يجيك مثل البلكونه .. ويطل على الوديان .. شغل عدل ... وانصحك تروح المغارات مثل مغارة جعيتا ومغارة كفرحيم و مغارة قاديشيا ... وعندك الأرز منطقة عجيبة وخصوصا بهالوقت ... بس المناطق الجبلية بارده .. ولا الفواكه عندهم .. الود ودك من حلاتها تاخذها على الريوق والغدا والعشا بصراحة .. الفواكه عندهم طعمها غير .. احلا من العسل ... وعندك مطعم خيالي بمنطقة بحمدون .. اسمه جنة بحمدون ... بس حاسب العيايرة عندهم وايد وخصوصا المناطق الي تكثر فيهم الخليجين يعطونك لسان حلو بس يصلخونك بالحساب .. انصحك تأجر سيارة ... وكل الي تبيه خريطة وبروحك بتدل كل مكان .. يعني البلاد ما يبيلها دلالة .. اللهم بيروت نفسها شوارعها شوي تضيع .. بس مثل ما قلت لك .. كلها يوم واحد بيصير عندك كل شي عادي ... بس اذا بتروح المناطق الجبليه لازم تحاسب لآن الشوارع وانت طالع على الجبال ضيقة شوي ... وهالمناطق حلو وانت رايح الأرز تمر عليها مثل حدشيت وإهدن .. ولاحد يقص عليك وتروح طرابلس .. ترى مافيها شي وبعيدة ووصخه بعد ... عندك بعلبك مكان حلو وتاريخي بس المكان شوي حار ... تقدر تروح بعلبك على طول عقب الأرز .. لأنها من هناك تكون قريبة ... بس نصيحة يا اخوي .. اذا بتأجر سيارة شيك عليها عدل ... شيك على التاير الاسبير مع العده وشوف التكايات اذا كانات موجوده يعني دقق بكل شي ... لأني انا عقب ما رديت السيارة قالو لي ان التكايات مو موجوده .. وهذ الشي الوحيد الي راح عن بالي اني اشيك عليه .... بعدين السيارة خذها من عندهم من المطار ارخص من الدوحة بوايد ... اتصل بشركات التأجير بالدوحة مثل Avis, Hertz, Sext, Eurocar وخذ ارقام تلفوناتهم بلبنان .. واتصل لهم وشيك على اسعارهم ... وبعدين في عندهم بلبنان تكاسي يودونك سوريا .. سوق الحميدية اذا لك خاطر تروح .. ما اذكر اسم الشركة والله .. بس يودونك لين فندق الشيرتون الي عند سوق الحميدية ويردونك عقب 6 ساعات ب 100 دولار.

    اتمنى لك رحلة سعيده يا اخوي

    مصائبُ قومٌ عند قومٍ فوائدُ

  8. #18
    عضو مؤسس الصورة الرمزية بولينجر
    رقم العضوية
    4720
    تاريخ التسجيل
    Nov 2005
    المشاركات
    9,254

    Thumbs up

    اقتباس المشاركة الأصلية كتبت بواسطة roadrunner
    السلام عليكم.


    روح السوليدير ... منطقه كلها مطاعم وكوفي شوب ... وفي عندك مطعم سي فود على الكورنيش عجيب بس غالي .... وانا اكثر مطاعم استانست فيها الي على الجبال ... يعني برع بيروت ... تلاقي المطعم يجيك مثل البلكونه .. ويطل على الوديان .. شغل عدل ... وانصحك تروح المغارات مثل مغارة جعيتا ومغارة كفرحيم و مغارة قاديشيا ... وعندك الأرز منطقة عجيبة وخصوصا بهالوقت ... بس المناطق الجبلية بارده .. ولا الفواكه عندهم .. الود ودك من حلاتها تاخذها على الريوق والغدا والعشا بصراحة .. الفواكه عندهم طعمها غير .. احلا من العسل ... وعندك مطعم خيالي بمنطقة بحمدون .. اسمه جنة بحمدون ... بس حاسب العيايرة عندهم وايد وخصوصا المناطق الي تكثر فيهم الخليجين يعطونك لسان حلو بس يصلخونك بالحساب .. انصحك تأجر سيارة ... وكل الي تبيه خريطة وبروحك بتدل كل مكان .. يعني البلاد ما يبيلها دلالة .. اللهم بيروت نفسها شوارعها شوي تضيع .. بس مثل ما قلت لك .. كلها يوم واحد بيصير عندك كل شي عادي ... بس اذا بتروح المناطق الجبليه لازم تحاسب لآن الشوارع وانت طالع على الجبال ضيقة شوي ... وهالمناطق حلو وانت رايح الأرز تمر عليها مثل حدشيت وإهدن .. ولاحد يقص عليك وتروح طرابلس .. ترى مافيها شي وبعيدة ووصخه بعد ... عندك بعلبك مكان حلو وتاريخي بس المكان شوي حار ... تقدر تروح بعلبك على طول عقب الأرز .. لأنها من هناك تكون قريبة ... بس نصيحة يا اخوي .. اذا بتأجر سيارة شيك عليها عدل ... شيك على التاير الاسبير مع العده وشوف التكايات اذا كانات موجوده يعني دقق بكل شي ... لأني انا عقب ما رديت السيارة قالو لي ان التكايات مو موجوده .. وهذ الشي الوحيد الي راح عن بالي اني اشيك عليه .... بعدين السيارة خذها من عندهم من المطار ارخص من الدوحة بوايد ... اتصل بشركات التأجير بالدوحة مثل Avis, Hertz, Sext, Eurocar وخذ ارقام تلفوناتهم بلبنان .. واتصل لهم وشيك على اسعارهم ... وبعدين في عندهم بلبنان تكاسي يودونك سوريا .. سوق الحميدية اذا لك خاطر تروح .. ما اذكر اسم الشركة والله .. بس يودونك لين فندق الشيرتون الي عند سوق الحميدية ويردونك عقب 6 ساعات ب 100 دولار.

    اتمنى لك رحلة سعيده يا اخوي
    مشكووووور أخوي roadrunner وماقصرت...

    والله إضافة قيمة للمعلومات السابقة من الإخوان الكرام...

    إن شاء الله بأتبع نصايحك وأروح الأماكن اللي ذكرتها....

    ويمكن أمر على سوريا بعد...

  9. #19
    عضو فعال
    رقم العضوية
    107
    تاريخ التسجيل
    Jan 2005
    المشاركات
    4,221
    اقتباس المشاركة الأصلية كتبت بواسطة بولينجر
    ليش أختي؟!

    يمكن ما طلعتي من الفندق

    زين وش أحلى بلد زرتيها؟!

    شكرا لج على مشاركتك
    احلى بلد زرتها باريس احبها موووووووووووت

    بلجيكا حبيتها وايييييييييييييييييييييييييييييييييد

    مصر بعد احبها مع ان مافيها سوق عدل بس ماعرف ليش استانس فيها

    جنيف هاديه بس حلوه

    بعدها ايطاليا الحلو فيها السوق بس مش وايد حلوه

  10. #20
    عضو مؤسس الصورة الرمزية بولينجر
    رقم العضوية
    4720
    تاريخ التسجيل
    Nov 2005
    المشاركات
    9,254

    Thumbs up

    اقتباس المشاركة الأصلية كتبت بواسطة qatar_moon
    احلى بلد زرتها باريس احبها موووووووووووت

    بلجيكا حبيتها وايييييييييييييييييييييييييييييييييد

    مصر بعد احبها مع ان مافيها سوق عدل بس ماعرف ليش استانس فيها

    جنيف هاديه بس حلوه

    بعدها ايطاليا الحلو فيها السوق بس مش وايد حلوه

    باريس حلوه بدون نقاش

    أما مصر أخالفج الرأي لأن ماأذكر فيها شي حلو (نفس رايج عن لبنان)

    جنيف وإيطاليا بعد حلوين بس مب مثل باريس

    ومشكورة أختي qatar_moon على مشاركتج وماقصرتي

صفحة 2 من 3 الأولىالأولى 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •