تخاوينا انا والحزن
طول اليوم صرنا أحباب
فجعت بموتك يا يمه
مدري صدق والا حلم
أغمض عيني عن نعشك
أصرخ يا اخواني خلوها
وأبكي وأقول يمكن تقوم
يمه الموت خذاك مني
ويجوني الناس يعزوني
آآه ه يا حزني على فرقاك
أمس أبوي وانتي اليوم
صوتك يرن في إذني
توصيني ما أنساك
حبيبة قلبي كيف أنساك
عفت النوم وأعيش معاك
إنتي معاي وبين رمشي
يمه إشتقت أضمك حيل
واحط راسي على صدرك
واسمع صوتك الدافي
توصيني على نفسي
يمه جيت عند قبرك
قلت يمكن تحس فيني
شكيت لك حزني على فرقاك
مدري يمه سمعتيني
بكيت وبكيت عند قبرك
وحسيت بالموت قريب مني
ويكون قبري جنب قبرك
ليش يمه ماخذتيني
أموت وأموت في كل لحظه
يقولون صرتي مجنونه
إمسحي دمعك خلاص يكفي
جف الدمع من عيوني
وتبدل دمعي بالدم
قلت تكفون خلوني
هذي أمي نظر عيني
أدعي ربي يصبرني
على فرقاك يايمه