لازم المسئولين الى فوق يعرفون عن هذى الامور ويتاخذون قرار حاسم ــــ والله قبل مانعرف شنو نصب وحتيال وسرقه اله قليل اما الحين صارت قطر المكسيك كله سرقات ونصب ونهب الله المستعان بسبه كم جنسيه فقط ـــ الواحد وده يعبر ويكتب عن الى يشوفه ويسمعه من الجنسيات المعينه الى دخلت قطر وبكثره وسوالفهم الى يسونها بس الواحد شيقول اله حسبى الله ونعم الوكيل ــ وعيدكم مبارك مقدما حبايبى
انا متاكد باذن الله
ان الجماعه في الداخليه ماراح يعطونهم مجال
دام عبدالله بن ناصر"الله يبارك في جهوده"
موجود
حمدلله والله ايعنكم على ما بلاكم ولد عمي من فتره وقع عقد بناء فلتين وحده على بنك التنميه والثانيه تجاريه عند شركة وسيم للمقاولات او التجاره في شارع السد عند محلات المفتاح الدور الثالث وهم اصحاب الشركه وحده سودانيه لكن الله لا يرويكم اسوو فيه شنو نصب عيني عينك والحين ولد عمي في المحاكم قاعد ايركض مع انه مسكين قاعد في بيت اجار وبيتقاعد اقريب وقال اطلع تحويشت العمر واسوي دخل ثاني حق اسرتي قبل لا اطلع تقاعد وافتك من الاجار اللي قص اظهري ما درى مسكين ان امور راح اتوقف وسبت هذيله مع اني قلتله من الاول عط البنيان حق واحد منا وفينا حتى لو ازياده اشوي تره مضمون لكن قدر الله ما شاء فعل والله كريم
انا اطالب وزاره الداخليه انهم يشوفون حل حق هالفئه اللي عاثت فسادا في البلد
سرق ونهب قضايا امنيه وقضايا اخلاقيه وقضايا كثيره واللي قاعد يصير بسبب ان
اعتقد انه من سنتين تم فتح المجال لكل السوريين للدخول للدوحه بدون حتى تأشيره
مادري هالكلام صحيح ولا لا لاني اشوف انهم منتشرين بشكل كبير واحنا موب ضد طلب الرزق
الله يوفقهم ويزيدهم من فضله بس بالطرق الشرعيه وبالقانون اما اللكل ينصب من كل صوب
اللي في العقارات ينصب واللي في المقاولات ينصب واصحاب الشاحنات يخالفون معقوله هالناس
مايعرفون الاصول ولا يعرفون الصح ولايعرفون يمشون بالطريق الصحيح معقوله هالناس
الغلط في دمهم وعلى جميع المستويات انا والله ما ابالغ بس هذي الحقيقه اللي الناس قامو يحسون
فيها بدون مبالغه
الله يعينكم 00 هذا مب اول سوري يسوي هالحركة
ياجماعة الخير ما يجوز التعميم ..كل بلد فيها الصالح والطالح .. انا شغال بمواد البناء من فترة طويلة وما سمعت ابد اني في واحد سوري نصب على حد .. وللمعلومة انا اتعامل مع زباين سورين ومصريين وفلسطينيين ولبنانيين بعد بس والله اغلب التاخير بالدفع يحصل من الجنسيات الثانية وبالخصوص الشركات الاجنبية ..
وانا نفس الكلام سمعته من اسبوع من مقاول عن لبنانيين ويقول انهم نصابين بعد .. واثبت له ان ما يجوز التعميم .. ونفس الشي بالنسبة للمصريين او الفلسطيينن او اي جنسية ثانية ..
يمكن مب صحيح الدولة تفتح المجال بدون كونترول لاي دولة ..عشان ما يجي الصالح والطالح .. وهذه تجربة السعودية ومعروفين السوريين هناك بسمعتهم الطيبة .. وفي الامارات بعد ..والكويت ...
وللعلم انا اعرف شخص قطري شارك مهندس سوري وحط اسمه بالسجل في مجال المقاولات وبعد 6 اشهر ..اكتشف السوري ان اخونا القطري يسحب الفلوس من البنك بدون حساب والسوري اتورط بشيكات واضطر يبيع بيته بسوريا عشان يسدد وسالنا عن القطري واكتشفنا للاسف انه هذه ثالث مرة يورط الناس معاه .
انا اظن المسالة كلها يمكن في سوريين او مصريين او لبناننين يعملون مشاكل بس اظن الموضوع هوه بالاخر سوء اختيار من القطري .
لان للاسف للحين القطريين ما دشوا صح في البيزنس ويتعاملون مع كل الناس بطيبة قلب .
على سبييل المثال يا اخوان .. انا ما اتعامل مع اي شركة ولا افتحلهم حساب عندنا الا لما نزورهم ونجربهم فترة بالكاش وناخذ شيكات ضمان ونشوف كشف حسابهم البنكي لفترة 6 شهور واعرف مين هوه الكفيل وحجم النشاط والمشاريع اللي شغالين عليها .. على الاقل وجذه نكون شوينا اللي علينا واخذنا بالاسباب .
وحين نحتاج نختار حد يتوظف عندنا بالشركة ونسافر لاي دولة عربية نسال عن الشخص فين كان يشتغل ولازم يكون معاه على الاقل شهادة ثانوية وبالنسبة للعمال نسال عنهم في بلدهم .. والحمد لله للحين ما وقعنا في اي مشكلة مع اي موظف وللعلم عمر شركتنا اكثر من 6 سنوات بالسوق .. بأستثناء ا مشكلة مع موظف فيتنامي أخذ موبايل احد العمال واخذنا اجراء سريع بحقه .
و كان ممكن ينظلم موظف لبناني بالحادثة ..بس الحمد لله انكشف الموضوع
بالاخر انا ما ابي ادافع عن حد .. بس ما احب التعميم في اي موضوع وبشكل خاص الكلام عن اخوانا العرب والمسلمين .. واعتقد ان الاختيار الصحيح دوم يعطي نتايج صح .
وان الاوان للقطريين يختارون على اسس علمية وحرفيه مب على اساس العواطف والكلام المعسول .
والله اعلم
والله ياخوي انا اتوقع انه الحين في ضواحي حلب وانت رايح الشرطه تشتكي صارت وايد مع ناس
السلام عليكم ,,,,,,,,
بختصار مفيد ... هذا اللي يدور الرخص .. ليش الواحد ما يروح مكتب متخصص في المقاولات في صيانة المباني او في الديكور .. ويتفق معاهم وفي عقد رسمي .. واكفايه انك داخل مكتب رسمي مب واحد جايب اسمه من جريدة لا عنده لا شركة وغيره واحتمال يكون كفاله شخصيه وتطلع انت الغلطان من كل جانب ...
يعني يكتب رقمه واسم شركة وهميه ويجيك لين البيت ويتفق معاك وتعطيه فلوس ..
هذا الغلط منك مو منه .. لانك فريسه سهله .. مثل ما قلت روح للشركات المعروفه وادفع اكثر بلا عوار راس ومشاكل ..