المشاركة الأصلية كتبت بواسطة !الشايمه!
بس ما اتصور اشرب شئ يندهن فيه الشعر
الله يقطع ابليسك .. بتخليني أهوّن
أقول الشايمه شحال الذود ؟ << تحاول تغيّر الموضوع
صدقيني طعمه حلو .. خصوصاً مع التوست .. بعدين هذا البكر مو مثل زيت الشعر .. زيت الشعر ريحته نفاثة ومركزة وتحسين كأن معاه جازولين .. ريحته كنها ريحة مكاين سيارات في كراج هنود << نعنبو التشبيه !
ما قصرتي على ردك اللي فيه من المنطقية الشيء الكثير ..
بس لا تنسين ان حتى الدراسات الطبية تعتمد على تجربتها على عينة من الناس ..
يعني في النهاية تجارب الناس لا غنى عنها ..
أما بخصوص الجدات الله يخليهم لنا .. ما يعطونك وصفة صح .. تلاقينها ناقلته غلط من جدتها وجدتها ناقلته غلط من جدتها ! أو تلاقينها سمعت انهم يقولون ان هالأمر المعين مفيد .. بس ما جربته ولا تدري عنه .. بعكس النماذج الحيّة الموجودة اللي تقدرين تتواصلين معها وتسمعين منها ..
مثل ما يقولون التجربة خير برهان .. وانا ما عندي مشكلة أجرب على كل حال .. وأشوف
أنا أخذت الزيت من يومين .. السبت تاريخ ٢٧ سبتمبر .. احفظوا معاي التاريخ
التغيير اللي شعرت فيه ..
ان البرودة اللي كانت في أطرافي .. اختفت .. وأحس ان الجو معتدل مو بارد ولا حار ..
بس ان البرودة ترجع مرة ثانية بعد تقريباً ١٠ ساعات .. وطول العشر ساعات أحس بالدفء ..
ووزني نزل كيلو تقريباً .. كان ٦٢ .. صار ٦١ .. عاد مادري هل له علاقة بالزيت أو لا ..
أنا وزني قبل رمضان / ليلة رمضان بالضبط كان ٥٧ ..
فجأة في رمضان صار يرتفع كل كم يوم كيلو .. تقريباً .. لين صار ٦٢
مع اني بالعادة في رمضان ينزل وزني بسرعة .. لأني ما آكل شي !
يلله الحمد لله على كل حال
شاكرة لك مرورك
رد مع اقتباس
