السلام عليكم ورحمة الله وبركاته اولا ....

وكل عام وانتو بخير وبصحه وسلامه يا اعضاء منتدانا العزيز وعيدكم مبارك وعساكم من عواده من اولكم لاخركم .....

بكل اختصار مثلي مثل ناس وايد لما سمعو بكره العيد توهم يفتكرون ان في اشياء ناقصتهم وبيرحون يشترونها وطبعا كل اللي احاتيه الزحمه المميته وقلت الله يعينني وطلعت وانا مو ببالي كمية الزحمه لوين ممكن توصل .... بس يوم رحت عدة اماكن نفس دوار الجوازات وسوق العلي والاسواق بشكل عام شفت تنظيم جميل جدا من رجال لخويـا بصراحه كانو منظمين حيل وفكونا من ازمة الازدحام الخانق وماشاء الله كان تنظيمهم مريح سواء من سياراتهم اللي صافه عند الدوارات او الدراجات حبيت اقولهم قواكم الله ويعطيكم الف عافية وجزاكم الله خير صج انه شغلكم لكن اتقان العمل عبادة وشغلكم واجهة جميلة للبلد ولنا كشعب فانتم تسهرون ونحن نرتاح فأقل ما نسويه ان نشكركم على ما بذلتموه وتبذلونه لعل وعسى يدخل حد منهم ويقرا هالشي ويفرح ويبلغ زملائه ويعرفون ان جهودهم المبذوله لاتذهب سدى بل نضعها بالحسبان وسنشيد بهم ونسعد ونقــول عيدكــم مبــارك جميعا ....