السلام عليكم ورحمة الله
أخواني وأخواتي .. أنا حابة انكم تساعدوني في اختيار جوالي الجديد .. لأني تعبت من التجربة بنفسي .. أنا تقريباً جربت ٩ جوالات Nokia .. وكلها فيها مشاكل .. إما انها تعلق .. أو فجأة يخترب فيها شي .. من غير ما تطيح أو تصاب بأي شي .. يا السماعة تخترب .. يا الأزرار .. يا البرامج الداخلية .. والمشكلة الأدهى والأمر .. بطارياتهم تفضى بسرعة .. فجأة ومن غير مقدمات .. كانت Full .. تفضي في مكالمة وحدة فجأة .. وأكثر من مرة أتعرض لموقف .. بسبب هالمشكلة .. ما يكون عندي شاحن .. وأحتاج أكلم أحد !! مشكلة فعلاً ..
لا تقولون يمكن جوالك انتي فيه مشكلة !! لأني على الضمان أكثر من مرة بدلت الجوال وتصير نفس المشاكل .. عمر جوالات النوكيا قصير .. وهم متعمدين لهالأمر .. عشان نشتري كل مرة جوالات أحدث !!
حاولت أجرب بديل عن النوكيا .. جربت الآيفون كبداية .. وما ارتحت له .. عشان مشكلته مع اللغة العربية أولاً .. والأمر الآخر والأهم .. انها هي أساساً آيبود وصار فيها جوال للتسهيل على مستخدمي الآيبود .. فكانت جودة الملتيميديا على حساب الجوال .. حسيت فيه رداءة في الصوت .. ولأن شاشته باللمس كل شوي فاتح السبيكر ومشكلة !! ما عجبني بصراحة غير عملي وغير مفيد !
الآن نصحوني بسوني إركسن .. فهل أحد قد جربه ؟
يهمني تكون في الجوال اللي تنصحوني به هالمواصفات :
١- البطارية ما تفضى بسرعة
٢- الكاميرا عالية الدقة
٣- الذاكرة ٢ جيجا فما فوق
٤- فيها وايرلس
يا ليت كل واحد يقول لنا تجربته وأفضل جوال استخدمه فيه هالمواصفات .. سواء نوكيا أو سوني إركسن .. أو أي نوع آخر ..
وياليت بالمرة تقولون لي أفضل محل لبيع هذه الجوالات .. هنا أو في رسائل خاصة في حال ان سياسة المنتدى تمنع ذكر أسماء معينة بغرض الدعاية والإعلان لها !
|
رد مع اقتباس
المشاركة الأصلية كتبت بواسطة شاهين
شمعنى دققت على هذي عاد ؟
