القصايد تشتعل لا قلتها وانتي قريبه
يا بعد كل القصايد اشعلي نارك بضوي
قربي خل خافقي من خافقك يكبر لهيبه
خلني اغرف شعوري من حنانك يا سموي
يومني اسئل حروفك قالت الصفحه اديبه
يا دخيل الله طلبتك بعثري جوك بجــــــوي
من متى وانتي مشاعر عالورق تصبح مصيبه؟
وينني عنك يا ديمه والهوى يعصف بنـــــوي
علمي خالد فديتك عن مشاعرك العجيبه
حبه حبه حبه حبه افهمــك بس بالتروي
حددي وجه البدايه واتركي الباقي اجيبـــه
هم انا ماني بهين لا بغيت اكتــــب ادوي
ان كتبت افشل قصيده قالت العالم رهيبه
مدري الاحرف تجامل او قصيدي ما يهوي ؟
جابني يمك فضولي يومهم قالوا لعيـــبه
وقلت احاورها بفني يا ترى شتقدر تسوي؟
جيت ابعلنها تحدي يهزم اعتاها كتيبه
والعلام اللي طلبـــته ما طلبتــه في نموي
والحقيقه جيت ادور في سواليفك حبيبه
اما عن شعري فشعري يرتقي كنه علوي
لكن الوجد المسبه ما بعد جاله نصيه
كل ما يعشق نهرته " انثبر بعدك وتوي "
ما ابي اعشق وقلبي يورد المي وقليبه
العشق شوفة ضلوعي والجمر خوه وتلوي
العشق مسلم ينادي اتركوا الكفر وصليبه
العشق صاحب تمنى يصبح الليله عدوي!
العشق جني تشجنج والفلا دوم اتحكي به
لعنبو جني يخافك يا الذياب اللي تعـــوي
العشق خالد وخالد لا عشق صب لك حليبه
اشربي منه بكيفك واتركي نارك لضـــوي
عشق خالد لـ : كش م لك !!