مطلوب النصيحة يا اخوان

[max_medo]

السلام عليكم
انا مقيم بقطر وحابب استثمر مبلغ صغير بالبورصة
باي شركة وساطة تنصحوني وما هو اقصى مبلغ ممكن اشارك فيه
وهل هناك اي احكام خاصة بغير القطري
شكرا مسبقا

[Qatari 1980]

عليكم السلام والرحمه

أخوي أنا اتعامل مع شركة المجموعه وأشوفها أفضل الشركات الموجوده

اذا بغيت تشتري أسهم في البدايه لازم يكون لك رقم مساهم

روح سوق الدوحه للأوراق الماليه ( البورصه ) بشارع حمد الكبير وأفتح حساب من هناك
المتطلبات لغير القطريين هي :

1. تعبئة نموذج تعريف مساهم جديد .
2. تقديم المرفقات التالية :
• صورة عن جواز السفر ساري المفعول
• صورة عن التوكيل ( في حالة الوكالة ).
• صورة عن حكم أو قرار الوصاية ( للوصي ).
• صورة عن شهادة الميلاد ( للقاصر ) بالإضافة إلى صورة عن البطاقة الشخصية ( لولي الأمر ).

http://www.dsm.com.qa/site/topics/st...2&parent_id=91

أما بخصوص الحد الأعلى للمشاركه هذي ما عندي خلفيه عنها
لكن أعتقد انك تقدر تشتري بالمبلغ المتوفر لك مهماً كان هذا المبلغ ...


عموماً اذا كنت ناوي تفتح حساب في شركة المجموعه

عليك انك تأخذ كشف حساب من سوق الدوحه للأوراق الماليه بالاضافه الى البطاقه الشخصيه أو جواز السفر وراح تعبي طلب فتح حساب في المجموعه وراح يكون رقم الحساب في المجموعه هو نفسه رقم المساهم في سوق الدوحه للاوراق الماليه ...

وتقدر تدخل المبلغ اللي تبيه في الحساب بس بشرط يكون عن طريق شيك بنكي أو تروح للبنك اللي حسابك فيه وتطلب منهم يحولون لك المبلغ على حساب المجموعه وبعدها تأخذ الوصل حق الايداع وتروح المجموعه وتطلب منك يدخلون لك المبلغ ...

وراح يعطونك رقم تلفون تتصل عليه وقت ما تبي تبيع وتشتري ...

والفائده على البيع والشراء هي 0.004

اتمنى أني افدتك ...

[Qatari 1980]

هذا نوذج طلب تعريف مساهم جديد بسوق الدوحه للأوراق الماليه

http://www.dsm.com.qa/mritems/stream..._846_1_137.pdf

تقدر تطبع الطلب وتعبيه وتروح سوق الدوحه

[max_medo]

مشكور يا اخي والله ماقصرت الشرح رائع
انا راح انفذ هذي الخطوات وان شالله كل شي بيكون تمام
مرة ثانية مشكور

[Qatari 1980]

العفو ....

واذا احتجت اي مساعده لا تتردد في السؤال ..

[ابن الجام]

الله كريم

[عزيز]

رحم الله والديك ياكتاب الذكريات ماقصرت مع الرجال والله

والله يوفقك أخوي ماكس

جزاكم الله خير جميعا يأخوان

[Qatari 1980]

رحم الله والديك ياكتاب الذكريات ماقصرت مع الرجال والله

ووالديك انشاء الله يا عزيز

وأنا ما سويت الا الواجب