ماذا بالغرف المغلقة في المقاهي

[HaMo0o0o0oDE]

في اكثر من شيشه في السد
ياجرون بنظام شهري ويكون الرسيفر او الكيبل مفتوح يعني يالعربي افلااااااااااااااام ...... ويوم سألت واحد وشو تحبون ف هالشيشه من زينها قال لا بس حق التلفزيون لاحول ولا قوه الا بالله وين الرقابه يعني معقول مافي حد من الامن الوقائي وجهاز امن الدوله وووو وكل هذيلن مر على وحده بس
ولا بس متغرغين حق ال.....

[ابن قطر]

اول مرة اسمع بهل سوالف

[!قطريـة بنت القمـر!]

[بلاهويـــــة]

لا حول ولا قوة الا بالله

[khaldoon]

اذكر لنا هذه المقاهي

مقهى الغواص

يالله اخوي الدور عليك تذكر انت

تحياتي

[كاروهات]

مقهى الغواص اشفيه؟؟
ما اعتقد انه فيه خرابيط؟؟
خلدون قوووول اعترف ......

[khaldoon]

انا اعرف انه في غرف و تؤجر بمبلغ شهري لمجموعه من الشباب او حتى انها جلسه لا يسمح لاحد بالجلوس بها و انا الصراحه ما احب هالنظام بس انها تكون مغلقه هذه الصراحه ما اعرفها...اشلون يعني قسم عائلي...يعني الواحد يجيب حريم ويدخلهم الغرف المغلقه اللي هو مسأتجرها...هذا ما صار مقهى ..هذا صار .......


اخوي ما فيها شي لو قلت لنا اسماء بعض هذه المقاهي علشان اللي يقرأ ويملك يد التغيير ينفذ فورا لو انه المسأله غير قانونيه و اكيد انه غير قانونيه

تحياتي

اذكر لنا هذه المقاهي

مقهى الغواص اشفيه؟؟
ما اعتقد انه فيه خرابيط؟؟
خلدون قوووول اعترف ......

هههههههههههههههههههههههه

انا ما قلت انه فيه خرابيط

الاخ كرباج سألني عن مقاهي فيها غرف لما قلت اعرف مقاهي فيها غرف مفتوحه

فذكرت له الغواص بس ما قلت شي سيء عن الغواص لاني اروح عليها مرات

بس ليش الزعل على المقهى ؟.....قولي....اعترفي

[فلفل حار]

كانت عندنا نفس المشكلة، في احدى المطاعم اللي قسمت المطعم لجهتين جهة المطعم الاعتيادي والجهه الثانيه غرفه مسكرة " بأبواب" اللي هي القهوه . ومن باب الفضول قررنا انا وبنات عمي نروح نتغدى هناك بما انه نفس الاكل والخدمات ماعدا اختلاف المكان ودخلنا
الاختلافات كانت في القعده، في المطعم الكرسي ملتصق الجدار والقهوى كراسي وطاولة في النص، وطلبنا الاكل وأكلنا وتمينا نسولف ونحلي، والله ماكذب عليكم الغرف اللي جمبنا نسمع السوالف عندنا، ماستحوا على دمهم ولا استحوا من ربهم، قسما بالله أصوات الواحد يخجل يسمعها وكلمات مخجله وأظنها كذلك عند الجميع ولست أنا فقط ، والحبايب مستمرين طبعا ابواب مسكرة ، يعني محد له شغل فيهم، واستئنا وقررنا نمشي ، سبحان الله واحنا طالعين هم الظاهر طالبين شي المهم الباب كان مفتوح، والله يتفطر القلب لمنظر رأيناه، هو رجل راشد من مظهره وشكله ، وهي بنت في عمر الزهور أكاد أجزم ان عمرها لم يتعدى الــ 17 سنه، ولا قاعده على الكرسي " نص سدحه " والويترز يكتب الطلب واحنا ماشين نطالعها.. بعد فترة السنه ونص تقريبا كنت طالبة طلبية كيك ورحت استلمها من نفس المكان وقالوا لي في قسم القهوه دخلت والا الحمدلله تغيرر بالكامل، فألابواب اصبحت ستائر مفتوحة من الاعلى والاسفل يعني حاجز من قماش في النصف فقط ( اقصد بدل الباب).. واكيد ماتغير هالشي الا عقب بلوى حصلت، لانهم مايتنازلون ويغيرون الا عقب ضغط عليهم

ليكون مرمريز ؟

لانه صار فيهم مثل ماذكرتي بالضبط

عموما الحمدلله في قطر مافي هالنظام الا في بعض الشيش الخاصه للشباب ، يعني الي يبون يشيشون براحتهم ويطالعون التلفزيون ولا حد حواليهم ، لا أكثر

شكرا علي الموضوع

[بنت^البحرين1]

بالضبط أخوي مرمريز

وبصراحه من عقب هالموقف رحته مره عشان استلم طلبيه، وماتكرر هالشي لان لا الاكل ولا الخدمه تستاهل الروحه له، المطعم سيء جدا بصراحه وأكله ماكلت أسوأ منه والخدمه هذي في صوب بروحها، طبعا غير اللي يدقق قبل مايدفع الفاتورة بيعرف شلون ينباق وهو ياغافلين لكم الله " اكثر من وحده ذكرت انها راحت مع زوجها وياخذون طلبية شوربات ثنتين وفي الفاتورة ينحسب اربع ،يدبلون الطلبيات بالثلاث والاربع، بس بما انك مخلص ومستعيل ماتقعد تدقق شنو طلبت وكم سعره ، وتروح عليك. وانا بصراحه من هالاسلوب ومن معاملتهم مع الناس صرت ماحب اروحه وهو بالاساس مايستاهل حد يتعنى له لانه يلوع الجبد
وانصحكم بعد لحد يرووووووووووووح ، والله اكله والمكان كله بكله لوعه

[!الشايمه!]

الشر برا وبعيد......احنا عندنا هالسوالف........افاااااا لاحشااااااا....نهائياً ماعندنا هالشئ

احنا لو نتناول هالامور بشكل صريح كانت الامور انحلت في البلد....
بدل النوم في العسل.......

الله المستعان ......بس

تحية