السلام عليكم ورحمه الله وبركاته
اتمنى انكم تتقبلون كلامي بصدر رحب ..
المنتدى فيه مجموعه كبيره من الاعضاء (عقول) مختلفه (امزجه) مختلفه (عقائد) مختلفه (افكار) مختلفه
(تصورات) مختلفه (اعمار) مختلفه ..
فيهم المواطنين وفيهم من اصحاب الوثائق وفيهم (المندسين) ..
كل هؤولاء يجب التعامل معهم (بفتح) الحوار وجعله بدون قيود والكل يدلو بدلوه وفي الاخير
اعتقد لا يصح الا الصحيح دام ان الحوار في جو من الاحترام وتبادل المعرفه ..
اخواني المشرفين :
بعض الاعضاء يعتبر الانترنت او (المنتدى) هو المتنفس الوحيد له وبواسطته (يفرغ) كل ما به
سواء مشاكل او افكار او معتقدات او قيم نتيجه قله (احتكاكه) بالناس او المستحى اوالانطواء
ونتيجه لذلك يصبح عرضه للافكار او المنظمات او الاحزاب في الانترنت ..
اللي ابغى اوصل له ..
يكون هناك دور للمشرفين بدل الطرد او الحذف او التحذير وغيرها من الامور انهم بتواجدون
في الاقسام ويكون لهم رد في (ضبط) الامور وعدم الخروج عن المسار حتى لو كان الموضوع حساس
لا يلغى الموضوع بل يصحح في مساره ..
اصحاب المنتدى المحترمين :
انتم وصلتم لمرحله في المنتدى انكم استقطبتم اسماء كبيره من كتاب من الجنسين ومسئولين واصحاب
مناصب وقرار وشريحه كبيره من المجتمع القطري .. المجتمع القطري مجتمع مسلم محافظ (سني)
الافكار (الدخيله) محد يقبلها او يرضاها في منتدى قطري تاسس بتاسس قطر على على الاسلام والسلفيه .. لا
تتركون لدخيل
انه يدافع عن مذهبه ودينه او يقول في رد على الاخوان ايش استفدت من كلامك عن القرضاوي انت
بتسبب فتنه .. سبحان الله الفتنه في دفاعنا عن الشيخ يوسف او الاسلام والمسلمين .. كان المفروض يدخل
احد الاخوان المشرفين ويقول ان الشيخ يوسف شيخ فاضل وما نرضى الكلام اللي بدر من الوكاله او
الشخص وينهى الموضوع انه( يغلقه )او( يتركه) فتره ويحذفه اما ترك الردود من يدافع عن الشيخ ومن
ضده من (الدخلاء ) فاعتقد هنا الخطا .. كان الواجب وقوف المشرفين مع الحق في كلمه ختاميه
في الموضوع بدل حذفه وضياع مجهود الناس ووقتهم في الردود ..
اخواني المشرفين :
معظم او اغلب الاعضاء اعمارهم صغيره فهنا على المشرف دور كبير في التوجيه بصفته في الاداره
فعليه واجب (التوجيه) السليم للصغار منهم ومعرفه (افكارهم) وتوجيهها
التوجيه السليم واعتقد هذي مسئوليه كبيره على المشرف مش فقط اشراف وحذف ومراقبه .. مثل
ما تلاحظون الانترنت فيه من المواقع الكثيره والمنتديات فايش الافضل..يتاثر بافكار المشرفين والاعضاء
في هذا المنتدى المتوازن او يذهب للمواقع الغير هادفه ..
فانا ارى ان اي كاتب في المنتدى وخاصه اصحاب الافكار الاسلاميه ان يتم المسك على يده لانه يكون
(متحمس) والواجب على اداره المنتدى انها (تضبط) هذا الحماس و(الاندفاع) وتعمل على خلق التوازن
في رده من خلال ردود الاعضاء عليه من الاكبر سنا وعدم حذف رده ..
وهذا الملاحظه اللي عندي وسلامتكم
لو كنت ارتدي قبعة لقلت ارفع قبعتي لاعجابي بما كتبت اخي الفاضل الوجبه .... وكالعادة ردودك تتسم بالشمولية والرد المنسق الجميل المفيد الرائع وغالبا ما احبذ رؤية ما تكتب اخي في الله .... اشكرك جزيل الشكر على مرورك و تدوين ملاحظتك القيمة المتميزه وتحيه احترام لك اخي .....
كلام سليم اختي قطرية...
يعطيك العافية...
احيي اختي قطريه واختي روز وطبعاً الكلام اللي ذكرتوه صح 100%
بس لي عتب على بعض الردود
والله مب دفاعاً عن اي شخص ولا لي مصلحه اني ادافع
انا انسانه حره بشخصي وحره بكل مااكتب وللعلم ما يهمني راي اي شخص فيني
ولي مواضيع تسكرت واحترمت الاسباب في اكثر من مره
بس ربي الشاهد عمري ماحطيت شكوى او كتبت اقتراح الا تم الرد عليه
وتواجدت بكم موضوع حدثت فيه اكثر من مشاده بين الاعضاء واكون عارفه من الغلطان ومن اللي بدى
وفعلاً لو انعطى العضو هذا باند اقول بنفسي جابه لنفسه
واختي روز شهادتي فيها مجروحه وربي الشاهد وخصوصاً بهالنوعيه من المواضيع
سواء مراقبين او مشرفين او اعضاء انا اشوف اللي اتكلمون عنه شي بسيط بس انتو مكبرينه
يانااااس شوفو الجزء المملوء من الكاس
وجهه نظري
مب لهدرجه ياخوي بو عبدالرحمن همشت كل مجهود يبذله اي عضو بغض النظر عن سنه وعن ثقافته بس مجرد محاولات ممكن اي عضو يعملها لتوضيح فكرته او شكواه
انا مع اخوي الوجبه احنا اعضاء اعمارنا تختلف فيه منا بالعشرينات وغيرنا بالخمسينات !!! وانت احكم
وجهه نظر قابله للخطأ
راجعين لك يا الدوحة بعد غيبــــــــــــــــــــــه
الأخت مس قطر
لقد اوضحت القصد من النسخ واللصق في أحد الردود ويمكن الرجوع اليه , وبالتأكيد علينا تثمين جهود الكل , كلٍ وفق ثقافتهم ورؤيته.
أبوعبدالرحمن
الأمل قوتُ الفقراء
ماذا حل بالمنتدى العام ؟؟
الجواب تحصلينه عند
الزاجل
المتأمل
أرابيان
يونيك
ويعطيج العافيهـ
كثروا من القص واللصق
الْلَّهُمَّ أَكْفَنِي مَا أَهَمَّنِي بِمَا شِئْتَ وَكَيْفَمَا شِئْتَ إِنَّكَ عَلَىَ كُلِّ شَيْءٍ قَدِيْرٌ
الْلَّهُمَّ آَمِيْنَ يَا رَبَّ الْعَالَمِيْنَ
اشكرج مس قطر وربي يعلم باني اعتبر كلامج وسام ولله الحمد ان فيه حد مقدر
شاهين
الزاجل راح بكيفه وهو عارف السبب مب لازم كل شي نبرره للاعضاء
المتامل من زمان يدخل من فتره لفتره مااعتقد حد زعله ولا بس انتقاد وخلاص
ارابيان اللي هو عبدالله العذبه موجود ولابس مخفي
اما يونيك هو اللي جابه لنفسه محد داس له على طرف وسبق
وان وضحنا هالشي ومافيه داعي نوضحه اكثر
اعتقد انه بس اعتراض والسلام
واحب اقول لك وين دورك انت يوم تكثر السوالف والضحك وتخلي المواضيع المهمه
استغفر الله الذي لا اله الا هو واتوب اليه