بسم الله الرحمن الرحيم
استغربت من فواتير كيوتل مؤخرا فقد نطت نطة ونص وقلت شسالفتها خلني اتأكد من الموضوع. فلقيت ان سعر دقيقة التجوال الى السعودية بلغ 5 ريالات و37 درهم في الدقيقة والرسالة القصيرة ريال و87 درهم.
والحساب بالدقيقة. انا ما أذكر اسعارهم قبل عشان اقارن بس في الوقت اللي نشوف فيه شركات ثانية تقلل اسعارها وتقدم تجوال مجاني مثل زين بين السعودية والكويت والبحرين والاردن. ربعنا في كيوتل يخدمونا بعيونهم ويشوفون ان قطر اغنى دولة في التاريخ ولازم يقدمون اسعار فيها نسبة وتناسب...