مـن كـل حــرف وكــل شـهـوة صبـابـه
استـغـفـر الله وأتـعــوّذ مــــن ابـلـيــس
اعـــوذ بـالـلـي آوى عـبــده وسـرابــه
لاجى نهار الحشر خلف امرئ القيـس
يـــارب.يـــارب الـــكـــرم والـمـهــابــه
يـالــي لـــك أعـــلام الأوادم منـاكـيـس
جــرّدنــي مــــن الـنـايـبـه والـسـبـابــه
ولبّسنـي مــن دروع هـديـك متـاريـس
تعـبـت مـــن مـســك الـقـلـم والكـتـابـه
والشـعـر وفـتـن الـنـسـاء والأبـالـيـس
والـمـدح فــي عــزوة وشـيـخ وقـرابـه
والاء..لـدعـوات الرضـيـيـن والـلّـيـس
والـحـب ،وماحـولـه، ومـالـه ،وهـابــه
والـدمــع لاهـبــت عـلــيّ النـسـانـيـس
والـشــوق وغـفــال الـعـقـل وانـغـلابـه
والليـل وخطـط الـدّهـا ..والجواسـيـس
والشـهـرة وحـكــي الـعــرب واللـبـابـه
وزمـلـوق شــفٍّ ماتعـسّـه عـواسـيـس
وحصر اسمي فشاعـر فساحـة غرابـه
شـعـارهـا فـيـهـم رخـــوم ومـلاحـيـس
وانــــــا لــعــطّــاش الأوادم ســحــابــه
ومـن خلقتـي ماقـد وطـيـت الدنافـيـس
تـاكــي عــلــى إرث الــســم بالـنـيـابـه
واقطف خلاصة مااغرسوه الغواريـس
احسـبـنـي فـايــز بـالـرضـا والــذرابــه
واثري مثل من يحصر النور في كيس
اقـفـي مــن الله والأمــل والـرضـا بـــه
واروح ادوّر من ورا إبليس أحاسيـس
أسـهـر عـلـى فـــن الـكَـلِـم والخـطـابـه
وأصبـح وليـن اللـي جمعتـه حماليـس
قــلــبــي لـــعــــزّاف الأوادم ربـــابــــه
وراسـي لخطـوات الشطانـه دواعيـس
تـقـودنـي نـفـسـي ولاأشــعــر ولاآبــــه
مـالـت عليـهـا عاصـيـات الهـواجـيـس
مــن عـنـده إن كــل الشـعـور يتـشـابـه
روّس مع اللي فـي الدحـادر مراويـس
الاثـم ماحاكـه فــي خـفـوق وخـفـا بــه
والخـيـر ماشاعـتـه روس النـوامـيـس
كــم شــيٍ صــار وصــار مايـنـدرا بــه
وكـــم نـومــةٍ ماكـدتـرتـهـا كـوابـيــس
تـرى مـاأحـد لــه فــي رقبـتـي طـلابـه
بـس الصراحـه مــن شــمّ الفواعـيـس
والـرجــل إذا مايعـتـبـر فــــي شـبـابــه
يعيـب قبـل يشـيـب ويشـيـب ويخـيـس
ياراجـي ارجــي الـلـي ماينـصـك بـابـه
لاترجي الواهبات من هيس ابن هيس
اسـتــغــفــر الله واتــتــقـــى عـــذابــــه
الـلـي فرقـنـي عــن حـيـاة المتاعـيـس
مـن قبـل لااعـرف الـهـدى واعـنـا بــه
أنا وهمـي والحـزن face to face
والــحــيــن لله..الــفــضــل والإنـــابـــه
متعافـي ويمشـي علـى زنـدي التـيـس
هـــادي ..يشـوّشـنـي طـزيــز الـذبـابـه
لاعـــــد لايـــــام الـغـبـيّــه ولاأقــيـــس
شـريـت عقـلـي فـــي ســـؤال وإجـابــه
أنا أعبـد الله ..وإلا أعبـد الوساويـس؟
لــــذّة خـفـوقــي وانـجـلايــة ضـبــابــه
سـجــدات لـيــلٍ ظالـمـيـنـه مـنـاعـيـس
فـاجــواء مـكــة والـحــرم والـرحـابــه
لايـابـعــد رومــــا ولــنــدن وبــاريــس
هــذي ديــار المصـطـفـى والصـحـابـه
وهـذيـك دار إبلـيـس وعـويّـل إبـلـيـس
سعد علوش شاعر لا يشق له غبار
ومن الاسماء التي ظهرت على الساحه
الشعريه في الفتره الاخيره وتصدرت مكانه مرموقه
قرأت له هذه القصيدة ولفت انتباهي البيت الثاني!!
الذي يقول به
اعـــوذ بـالـلـي آوى عـبــده وسـرابــه
لاجى نهار الحشر خلف امرئ القيـس
ويتضح من البيت انه لا يريد ان يحشر يوم القيامة خلف الشاعر امرؤ القيس!
لأنه يعتقد ان امرؤ القيس من اصحاب النار!
فهل يملك سعد علوش علم الغيب !!
وهل يملك تكفير الاخرين!
مجرد وجهة نظر سريعه
|
المشاركة الأصلية كتبت بواسطة وافي قطر
