بعض الرسائل الخاصة اللي جاتني وتنتقدني .. تعالي شوف ... وهذا ردي ... !!

[زقرتي ومزاجي]

كلامك كله نقل وحشو اركد بس

ابياتك مكسوره ولا تحسب انك شاعر

انت شكلك تسرق القصايد

ما ادري ليش يسمونك شاعر المنتدى

جدتي تقولي اللي بيغتالك واحد اسمه زقرتي

انت وين والشعر وين

يامستشعر خل الشعر عنك وروح سوق الغنم

هذا انا عرضت امامكم ... نبذه عن الانتقاد اللي تجيني على الخاص




وهذا ردي



سموني شاعر المنتدى الأوّل
لأن طواريقي تجي على الكيف

اعذل ياعذل(ن) بالمنتدى تجوّل
مايغير دروبي حدب الف سيف

انا شاعر رغم رغمك تقوّل
قول عني رذال العاذل الكفيف

عيونهم بنصي تميل وتطوّل
تشمر ذراع الصخى المخيف

لا تمد اليمنى تصافح تأوّل
ايديني ماتنزل تلمس السفيف

ياصعيب الوقت اللي تحوّل
للرخى وجد بيدين السخيف


اقولك لكم شكرا شكرا لكم
ويجي منكم اكثر

[بوحارب]

ما عليك منهم يالزقرت

هذولي اصلا ما عندهم ذوق

دعهم يخيسون ^^

صح الله السانك

[مستثمر 999]

بسيطه اخوي

انت الانتقادات تجيك من ناس ما تعرفهم

اما اذا جاك مراقب ومعروف ويتهمك بالتحرش باعضاء المنتدى لانك ذكرته اسمه المستعار

مثلا اذا كتبت زقرتي ومزاجي الشاعر اكون انا تحرشت بك

عموما انا ما افهم في الشعر ولكن اقول دايما النقد ما يجي الا من ناس يعزونك ويحترمونك ويبون انك
تراجع نفسك شوي وتشوف اخطاءك

والله يوفقك وان شاء الله قريب نفتخر فيك

[Mi$$ OriGinaL]

النقد البناء هو اللي يصلح الانسان ويشجعه على الاستمرار

بالعكس كلنا بين الفتره والثانيه محتاجين ناس ينتقدونا علشان نعرف اخطائنا ونصلحها .. محد فينا كامل

اما هالنوع من النقد راعية مافيه ذره ذوق

محد يقدر يقول ان كتاباتك كامله .. الكامل الله .. والواحد منا مع الايام يتعلم ويبدع في الشي اللي يحبه

تقبل مروري

[lusail]

مساك خير اخوي ...
وفيه شي اسمه انتقاد بناء يعني ((يعني مثلا لو انا نصحتك على الخاص بيني وبينك وقلت مثلا الكلمه ذي هنااحسن وتوصل المعنى بدقه يعني لو تغيرها مب عيب)) واكيد بتتقبلها بصدر رحب لانها بيني وبينك ..

اما الي يقصد من ورى انتقاده غرض معين في نفسه فقولك شي واحد ...

ماعليك منهم وارقى سنود وكثر الانتقاد منهم بهذي الطريقه معناتها انك صح ..واهم شي خلك بينا ربعك واخوانك..

لاهنت..

[شاي كرك]

8
8

وفي شي ثاني بعد ..

لازم نتقبل المدح مثل ما نتقبل الذم ... وقبل هذا كله لازم نفترض حسن النية ...

[لولوتي]

قمت ادور على انتقادي بينهم




العبارات هذي الموجهه لك اخوي ياليتها انتقاد

الا هي مجرد جمل مافيها الا الغيره منك ومن طيب شعرك وقصايدك


فـــ خلهم عنك ولا تشيل هم يــــــــــــــــااااااااااااااااا

[بنت المنتدى]

ههههههههههههههههه



اللهم لك الحمد والشكر .. اقول يالزقرت ليكون اللي بالي بالك هههههههههههههههه



لو صوتي حلووو كان غنيت لك ..


قول عني ماتقول .. صوبي كم صعب الوصول ..


واللي مايطول العنب .. حامضاً عنه يقول








ونصيحة أخت



روح اقرب سوبر ماركت عندك .. واشتر >>













و عطرهم به












هالاشكال دائماً اعتبرها مثل الدرج تدوس عليهم لتصل للقمه









وانت شاعر المنتدى غصب عنهم مو طيب وتاج راسهم بعد









واذا تذكرت شي برجع خخخخخخخخ

[بنت الحرمي]

اخوي الفاضل

تدري انا وش صار فيني

احد الاعضاء هنا فالمنتدى ياليته كشف عن هويته وبعث برسالة خاصه

لكن من ضعف شخصيتهم ،، وانعدام الثقة في نفوسهم

بعثولي ايميل على ايميلي اللي انشر فيه فالجريدة بدون طبعاً اي اسم

والكلام كله على بعضه كان مجرد انتقاد لذاتي وانتقاد لرأي كتبته هنا فالمنتدى مع ان رأيي كان جداً عادي ومافيه اي تهكم على اي حد

لكن النفوس المريضه كثيره صدقني

ولو قلت لهؤلاء (المتخفيين) وراء اقنعة الاسماء المستعارة والمستغلينها اسوء استغلال لو قلت لهم واجهني وافصح عن هويتك فلن يرضى ،، وهذا بالطبع جٌبن منه !!

نصحيتي ،، امشي رافعاً رأسك بكل عزة وشموخ ،، ولا يهمك هؤلاء الصغار

بس تأكد ان الخير اكثر من الشر وما هؤلاء الا فئة قليلة جداً

[بنت ذياب]

خخخخخخخخخخخخخخخخخخخخخخخخخخخخخخخخخخخ

امبيييه في ناس جذي

زين اذا مب عاجبهم , ليش يغلطون ..

كل واحد وكيفه

واللي يقول كله نقل !!

وين الدليييل .. خل يحط لنا الشعر اللي مسوي له كووبي !



يعني الواحد مايقدر يعبر عن مشاعره الا وملغوا علييييييييه

اناا قااايله مابي انزل قصايدي .. للاسف محد يقدر المواااهب القطرية الشااابه << ارجووج

واخيرااا

اخوي نزل قصايدك وماعليك من حد

يعني استغررب من الناس اللي ماعندها اسلوب

مااقول الا

GROW UP

ياجمااعة