بعض الرسائل الخاصة اللي جاتني وتنتقدني .. تعالي شوف ... وهذا ردي ... !!

**agase** · 13-11-2008 01:36 AM

لاتصدق يازقرتي الي يقولونه فيك........انت شاعر وخلك عنك الي يقولونه
شاعر وتجتمع كل المشاعر فيــك....... شعرك الوافي يصعب عليهم يوفووونه

يا اخطبوووووووووووووط الشعر قووووو هد..........العذاااااال لايهدوووووووووونك

**بنت الزعيم** · 13-11-2008 01:57 AM

هلا ومرحبا بشاعر المنتدى
فيه فرق بين النقد البناء والتجريح
واسمح لي لرأيي المتواضع واتمنى تاخذ كلامي بصدر رحب
انا قريت ابياتك وابيات القصيده السابقه هي كلاماتها حلوه لكن تفتقر للوزن وان شاء الله تتمكن وتتطور للاحسن
انا مب شاعره لكن افهم في الشعر وياليت الشعراء اللي يشاركون في المنتدى يفيدوني ويفيدونك اكثر
واتمنى لك التوفيق

**!قطريـة بنت القمـر!** · 13-11-2008 01:59 AM

المشاركة الأصلية كتبت بواسطة بنت المنتدى

قول عني ماتقول .. صوبي كم صعب الوصول ..
واللي مايطول العنب .. حامضاً عنه يقول

صدقـتي يا قلـبي .....

اخوي زقرتي .... يا ابن الحلال شي مب جديد ولا ترمى الا الشجره المثمره وكاني اشوف ناس لاني مهتمة لهم ولا افكر فيهم ابد ولكن يقطون نغزات وينتقدوني بكل الاشكال بما اني اهتم لكل الردود بأي موضوع لاني احب اخذ نظره شاملة وليس اهتمام لشخص بعينه .... الانسان لما يحس بالنقص ينغص وينقهر ولو حاول اثبات وجوده وماقدر وشاف انسان معين ناجح بكل المقاييس هم مات قهر ....هذيلا الله يسلمك ناس ضعاف من الداخل وهشين وتلاقيهم قدام الناس يمثلون القوة ولكن بالداخل بتلاقي فيران متلثمه عزكم الله لان القوي يكفيه الصمت ....
لعمــري تُخشى الاسـود وهي صامتـة ^^ ولعمري تُخشـى الكـلاب وهي نباحـة

....
خلك كبير ولا تعطي اهتمام و شوف سعد بن علوش كاتب بيتين مخليتهم مبدأي الاساسي بحياتي وانا صادقه في تطبيقهم في كل حياتي

..... يقولك :

بشعل الــدنيـا عــبيـر وبـطـفيـها عـبـيـــر ,,ولا بـناشد مـن مــدحنـي ولا مـن ذمـنــــي
جيــت للدنيـــا كبيــــر وبفارقــها كبيــــــر ,, ومن زعل ما همني ومن رضى ماهمني

الكبيـر كبيـر يا زقرتـي وما عليـك من حد بس خلك عارف الدنيا فيها الطفيليـات والطفيليات ما تعرف تعيش من غير ما تمص دم غيرها عشان اترزق ولا ادير لهم بال تـرى الحقـران يقطـع المصـران

.....

**ابن قطر** · 13-11-2008 02:02 AM

انت شاعرنا والى الامام وهم الى الخلف
لان هذا مهب نقد

**6611** · 13-11-2008 02:05 AM

الغالي ما عليك منهم

وقولهم
يخاطبني السفيه بكل قبح, فأكره أن أكون له مجيبا. يزيد سفاهة فأزيد حلمـا, كعود زاده الإحراق

**hich** · 13-11-2008 02:53 AM

أخوي أعتبر هذا النقد مدح بحكم أنهم أخذوا من وقتهم لكتابته وأرساله اليك

بس بيني وبينك أنصحك بقراءة بعض الدواوين خاصة الفيحاني و أبن عفيشة

**لاداعي** · 13-11-2008 03:28 AM

إن حگوآ فيني بوجهيْ أو حگوآ بي من ورآي مالقوآ غير البيآض اللي قهر " سود الظنون "

متميــز يابوسنيــده

**الخيميائي** · 13-11-2008 06:21 AM

لازم تتعود يالزقرتي على الرأي الاخر

وخصوصا لو كان الغرض منه النقد البناء

ومايمنع في نفس الوقت تتقبل كل الاراء حتى الى تتوقع انها جارحة او صريحة

لان هذي الاراء هي الى بتخليك تحت الضغط

وتعطيك دافع علشان تظهر لهم انه كلامهم غلط

اما اذا بس بتظل تسمع للمطبلين ترا بتظل مكانك سر لمدة طويلة

اسمع للجميع ورد عليهم انك تطور نفسك وتحاول تصلح اخطائك وتكتب الشعر مثل مايكتب

وسلامتك

**miss-qatr** · 13-11-2008 06:36 AM

8888888

ياخوي هذا مب انتقاد وشتان بين هالكلام والانتقاد !!!

الانتقاد ارقى من الكلام اللي انقال

هذا تجريح

وصباااااااحكم خيــــر

**ضباب** · 13-11-2008 09:16 AM

ياجبل مايهزك ريح , وهذيل كلهم عذال

صح لسانك إخوي

الموضوع: بعض الرسائل الخاصة اللي جاتني وتنتقدني .. تعالي شوف ... وهذا ردي ... !!

أدوات الموضوع

عرض

ضوابط المشاركة