هل هناك جهة تتبنى المشاريع في قطر.....؟

[pure]

امممم مرت فتره هابين فيها في الشاحنات تعرفينها الشاحنات اللي تنقل رمل وجي حق البنااا

اشتري وحده واجريها عل المؤسسات وجي

بيطلع لج ربح انشالله ينفعج

[فيزيائية]

حبيبتي....

اول شي تسوينه لازم تسجيلنه باسمج عشان ماينباق منج

[!الشايمه!]

السلام عليكم..
إختي بالنسبة لاستشارتج بخصوص المبلغ الي أقل من مليون.. ترى أنصحج بالكاش الي عندج، أو خليها وديعة في واحد من البنوك الإسلامية وتاخذين أرباح المرابحة، وهو نشاط مباح إن شاء الله ولا عليه خوف.. عن نفسي حاط الفلوس "لما كانت عندي" في الدوحة الإسلامي، وماشالله توصل نسبة الأرباح 6-7% في الغالب، ما أدري إذا الأزمة بتأثر فالأرباح، وهالشي وراد طبعاً، ف فلوسج عندج ومب رايح منها شي إن شاء الله..

بالنسبة للمشروع، الي أعرفه عن مؤسسة قطر إنها ترعى المشاريع البحثية، وماسمعت عن المشاريع التجارية.. غيري ممكن يفيدج، بس إذا مشروعج "فيزبل" على قولتهم، أنصحج بشركة شل، ترى ترعى مشاريع الشباب القطريين، وتوجههم، أعتقد إسم البرنامج، إنطلاقة..
خليني أقووقل ^_^..
إيه طلع إنطلاقة..
http://www.intilaaqah-qatar.com/

وإذا في أي شي تراني حاظر، وبالنسبة لبراءة الإختراع، ممكن تحفظين حقوقج الفكرية في منطقة الخليج العربي فقط بمبلغ 2000 ريال للأفراد و4000 للمؤسسات، وهالكلام يتم عن طريق وزارة الإقتصاد والتجارة، عند واحد إسمه عبدالرزاق الكواري إذا ماخاب ظني..

الله يوفقج..

يامرحبا......ساد
بخصوص الوديعة هي وديعة......لكن لمن متى بتظل وديعة....وهالزيادات
الله اعلم من حلالها من حرامها...
الزيادة تطلع للزكاة.....ولكن المال المعطل......نجس على قولتهم<<تخترع امثال

ومشكور ع googling .......بشوف الموقع...وان شاء الله يردون علي.
اما انه اختراع......ما ادري كيف اصنفه اذا اختراع او لا....

افضل اشوف موقع انطلاقه .....والله يقدم اللي فيه الخير.

تحية

[!الشايمه!]

اختي

اعملي لك كم فله واجريها .. افضل لج

ياهلا الوجبة.......المبلغ اقل من مليون....لايجيب فله ولا بيت شعبي......اذا في ياريت تفيدني؟
ياريت على الاقل اشتري وااجر ويرتاح بالي

يعطيك العافية

تحية

[!الشايمه!]

امممم مرت فتره هابين فيها في الشاحنات تعرفينها الشاحنات اللي تنقل رمل وجي حق البنااا

اشتري وحده واجريها عل المؤسسات وجي

بيطلع لج ربح انشالله ينفعج

ياهلا والله.....بصراحة يا كلي نظر....اللي خلاني اكتب هالموضوع
ناس كلموني عن سالفة هالشاحنات......لكن كيف....وشسالفة مادري

ياريت اذا عندج معلومات اكثر...او احد الاعضاء عنده.....يفيدينا.

يامرحبا دوم

تحية

[!الشايمه!]

حبيبتي....

اول شي تسوينه لازم تسجيلنه باسمج عشان ماينباق منج

مممممم والله مادري يا أم نونيه....خليتيني افكر...بشوف اذا قدرت اوصل للاخ اللي ذكره
ساد وبس.

يعطيج العافية

تحية

[الوجبه]

اختي

الاسهم الحين نازله لا اتفوتج

ومليون في الصناعات الحين حلوه

[بوحارب]

طيب....بما اني ماحب اكتب مواضيع كثيرة.....
ساسترسل بأسئلتي ..... في هذا الموضوع <<<عاد وينكم يالبزنس مان وومن

بما ان الاراضي والعقارات اسعارها اصبحت خيالية.....

ماهي افضل طريقة لاستثمار مبلغ......صغيروني اقل من مليون.

ولاتقولون لي أسهم......ماعرف لها......وقلبي مب مرتاح لها.....

ابي كسب حلال مئة في المئة........

ياريت تقترحون علي......

وجزاكم الله خير.

تحية

ممممممممممممممممم

بالنسبة للعقار اتوقع مب وقته الحين الدخول

ويمكن للحين فيه متنفس للهبوط أكثر وأكثر والعلم عند الله

اما الأسهم فهي وصلت الى القاع واتوقع الحين احلى وقت للدخول

وأذا كنت محتارة خلي فلوسج في مخباج ابرك لج

[بوحارب]

اختي

الاسهم الحين نازله لا اتفوتج

ومليون في الصناعات الحين حلوه

والريان والدولي والمصرف والأسلامية للتأمين

[LOLOO]

طيب....بما اني ماحب اكتب مواضيع كثيرة.....
ساسترسل بأسئلتي ..... في هذا الموضوع <<<عاد وينكم يالبزنس مان وومن

بما ان الاراضي والعقارات اسعارها اصبحت خيالية.....

ماهي افضل طريقة لاستثمار مبلغ......صغيروني اقل من مليون.

ولاتقولون لي أسهم......ماعرف لها......وقلبي مب مرتاح لها.....

ابي كسب حلال مئة في المئة........

ياريت تقترحون علي......




وجزاكم الله خير.

تحية

اختي الشايمة انا ماني بزنس وومن...بس وجهة نظري ان تجعلي هذه العبارة...قاعدة لك
(لا تضع كل البيض في سلة واحدة)
يعني لاتحطين المبلغ كله في مشروع واحد...تحسبا للخسارة لاقدر الله....
واستثمري المبلغ في كذا مجال ..او استثمري جزء من المبلغ...
واتمنى لك التوفيق من كل قلبي...