مدري انا ليه القبيلة تذمه
دامه طرق باب المحبه وجاني
يمكن لانك يا يبه منت عمه
وعاداتنا ترفض غريب المحاني
ماني صغيرة سن واشرط على امه
ماشي قطار العمر يحرث زماني
عطر العنوسة طول ليلي اشمه
ودمعي على وجه المراية يعاني
منهي بسني عندها ما تضمه
وانا جنيني حزني اللي طواني
ما شفت ولد العم يقبل لدمه
ومابه موافق لا طلب شخص ثاني
حسبي على اللي ما رعاني بذمه
وشلون يوقف يا الحشر بك ثواني
ليت الكفن عندي والمه وازمه
وليت القبر يصرخ تعالي مكاني