ابغيه ما ابغيه

[الجوري]

يعطيك العافيه والف شكر

[الرابح]

حزني كبير ولا لقى من يواسيه
كن الخلايق مابهم روح رجال

حتى ف خيالي عاجزة لا الاقيه
الشهم ابن القرم والطيب الفال

ملت حروفي دايم الدوم تدعيه
ليتك تجي يا شاغل الفكر والبال

ابغيه شاعر يرسم الحسن والتيه
يكتب بي الاشعار من قلب مختال

وابغيه عاشق لا حكى قال لبيه
لبيه عمري جيتك الساع بالحال

وابغيه فارس يهزم الحزن واعطيه
نيشان قلبي يفتخر بين الابطال

وابغيه ياخذني في حضنه ويديه
لا شاف دمعي فوق هالخد همال

وابغيه يفديني بروحه وانا افديه
ونرجع ورى نلعب مثل لعب الاطفال

وابغيه يسمعني اذا جيت احاكيه
وارمي همومي فوق صدره والاحمال

وابغيه لا صاحت عروقي تناديه
القاه موقف يلوي الضيق بافعال

وابغيه ما يصاحب بنات واكفيه
ميشوف غيري بالنسا عشق ووصال

ما ابغيه طايش وابتلش في بلاويه
ما يجيب راسي كل من يلبس عقال

وما ابغيه ماشي بين الاسواق يرميه
رقمن مميز حتى لو شاف تمثال

وما ابغيه كل كلمة تجيبه توديه
يا ويل حالي لا غدى مضرب امثال

وما ابغيه يكسر خاطري دوم وابكيه
كسر الخواطر يبعد الحب لاميال

وما ابغيه يلعب في شعوري واسميه
كذاب خاين ناقض العهد محتال

وما ابغيه جاحد منكر الحب ما ابغيه
الحب سامي رغم تبديل الاحوال

وما ابغيه تافه يحسب العمر مافيه
غير التكشخ بين موتر وجوال

هذي صفات اللي بغيته واناجيه
ان كان فيكم يبعث الحين مرسال

وقلبي كبير وحزني اليوم يرثيه
دام الخلايق ما بهم روح رجال

كلمات شاعرة الاحزان

حزني كبير ولا لقى من يواسيه
كن الخلايق مابهم روح رجال

حتى ف خيالي عاجزة لا الاقيه
الشهم ابن القرم والطيب الفال


يسلااام عليج ياشاعرة الاحزان بصراحة ابدعتي ,, واتمنى نرى جديدج دائما

[شاعرة الاحزان]

شكراً شاعرة الاحزان على هذا القصيدة
الاكثر من رائعة
بالتوفيق انشاء اللة

اشكرك من كل قلبي اخي الفاضل vipkiwi

[الكحلي]

كلمات في قمة الجمال والروعه

[لـؤلـؤة الـخـلـيـج]

كلمات جميلة جدا جدا جدا والقلم يعجز عن وصفها ابدعت والله والى الامام دايما .

[ابوعلي اليافعي]

وما ابغيه يلعب في شعوري واسميه
كذاب خاين ناقض العهد محتال

وما ابغيه جاحد منكر الحب ما ابغيه
الحب سامي رغم تبديل الاحوال


فعلا اختي شاعرة الاحزان انتي بركان من المشاعر المتدفقه وتعزفين كلماتك باحلى الالحان...

لاتحرمينا من جديدك ويعطيج العافيه...

[مغروور قطر]

شكرا لج وصح لسانج اختي قصيدة رائعه جدا

[Cat]

صح لسانج أختي..

كلمات منتهى الجمال..

[شاعرة الاحزان]

الله لا يخلينا من المبدعين امثالك

اشكرك اخي الفاضل الرميحي من كل قلبي على جمال كلماتك

[شاعرة الاحزان]

ابغيه شاعر يرسم الحسن والتيه
يكتب بي الاشعار من قلب مختال

وابغيه عاشق لا حكى قال لبيه
لبيه عمري جيتك الساع بالحال

وابغيه فارس يهزم الحزن واعطيه
نيشان قلبي يفتخر بين الابطال

وابغيه ياخذني في حضنه ويديه
لا شاف دمعي فوق هالخد همال

وابغيه يفديني بروحه وانا افديه
ونرجع ورى نلعب مثل لعب الاطفال

وابغيه يسمعني اذا جيت احاكيه
وارمي همومي فوق صدره والاحمال

وابغيه لا صاحت عروقي تناديه
القاه موقف يلوي الضيق بافعال

وابغيه ما يصاحب بنات واكفيه
ميشوف غيري بالنسا عشق ووصال



الله الله الله


ابدااااااااااااااااااااااع اختي شاعرة الاحزان

قصيدة تستحق الوقوف أمامها كثيرا


صح لسانك واحساسك وقصيدك

ابدعتي

اشكرك من كل قلبي اخي كش ملك على روعة حروفك صح بدنك