القطريه و القطريين

[خــطــافــ]

السلام عليكم ورحمة الله وبركاته

في البدايه الموضوع يخصنا كلنا قطريين ومقيمين على هذي الارض المباركه بقيادة بومشعل الله يطول عمره ويبارك فيه ويجعله ذخر لنا

الطرح مش وليد اليوم او امس

معاناه يوميه

مع الساده مديري الخطوط الجويه القطريه

اخر المهازل وليس اخرها رحت احجز تذكره على الفيرست لي ولعيالي المتعرف عليه عليه انه البالغ يدفع سعر التذكره بالكامل والقاصر اقل من 12 سنه يدفع 67% تقريبا

تفاجأت انه الساده في الناقله الوطنيه قرروا توحيد الاسعار يعني مافي فرق طفل بالغ نفس الشي

اعتقد كفايه استهزاء اولا فينا كقطريين ثانيا انه بنتم ساكتين وبندفع كالعاده

ليش ياجماعه الخير مش هي الناقل الوطني لنا كقطريين

ليش القطري يتبهدل في المطارات ويدور ارخص العروض من الشركات المجاوره

ليش القطري بيتم ساكت على كل هالتجاوزات

ليش القطريه تقدم ارخص العروض لغير القطري

ليش خيرنا لغيرنا

ليش و ليش وليش والله تعبنا كفااااااااااااااااااااايه خلاااااااااص

العالم في ازمة والساده في القطريه يرفعون اسعار التذاكر

البترول في هبوط ومانشوف اي تغيير في الاسعار اللي ارتفعت وكان السبب ارتفاع النفط

انا قطري وافتخر بس كل ما اسافر على طيارة القطريه احس اني غريب

غريب لاني احس انها مش ملكي ملك غيري وانا ادفع

تخيل تحط لك دريول ويخدم جارك الاجنبي

والله قهر يالربع واتمنى ان نحافظ على شخصيتنا كقطريين

لانه في ناس محسوبين علينا والله من وراء القصد

[المزن الرياني]

غير شركه الطيران وفك عمرك
مشكلتنا نشتكي ونصارخ وليش وليش ... وبالاخير نحجز

عن نفسي .. من زمااااان القطريه آخر الحلول

[hamoor4ever]

الله يهداك حاجز فيرست يااخوي وتشتكي ، الله يعين الفقاره عيل ، بس اخوي معروف ان الفيرست سعر واحد سواء كبير او صغير لان عدد الكراسي معدود بعدين حتى بالفيرست مافي شي اسمه تذكره ويكند او اسبوع السعر كله موحد وهالقانون قديم واعتقد انه مطبق في اغلب خطوط الطيران ان مايكون كلها

بس اتفق معاك ان القطريه ماتستاهل تروح عليها وانا مقاطعها والحمدلله وعندك الاماراتيه والخليج افضل وماعندهم عنصريه بالتعامل

[malhamad]

ياجماعه وين الوطنيه بس تترك حقك الى حل اخر
بكره بيصير القطري مثل.........تكرمون الى متى
ارقع قضيه حتى لو خسرانه لانها قضيه وطن
وشكرا

[المشرفي التم]

صدقني محد راح يرد عليك
ما دام المسؤلين عنها مرتاحين ومحصلين كل اللي يبونه من القطرية وبلاش ما يهمهم الباقي
وبعدين ابي اعرف الخطوط القطرية هي شركة حكومية او خاصة ؟ اللي يعرف الجواب الآكيد بس يرد ما نبي اعتقد ويقولون او سمعت !!
وسلم لي على عين عذاري (القطرية)
وسلامتكم

[mubarak2000]

العالم غيرو الاتحاد والاماراتية ولا طيران الخليج وارتاحوا من مشاكل بوهناد

[خــطــافــ]

الله يهداك حاجز فيرست يااخوي وتشتكي ، الله يعين الفقاره عيل ، بس اخوي معروف ان الفيرست سعر واحد سواء كبير او صغير لان عدد الكراسي معدود بعدين حتى بالفيرست مافي شي اسمه تذكره ويكند او اسبوع السعر كله موحد وهالقانون قديم واعتقد انه مطبق في اغلب خطوط الطيران ان مايكون كلها

بس اتفق معاك ان القطريه ماتستاهل تروح عليها وانا مقاطعها والحمدلله وعندك الاماراتيه والخليج افضل وماعندهم عنصريه بالتعامل

مشكورين ع المرور الطيب

لا اخوي كان فيه فرق في السعر وانا اتكلم عن تجربه والتغيير صار من كم يوم بس

اللي ابي اوصله لكم ان الاماراتيه من كم يوم خفضت اسعار الفيرست والبزنس لانه اسعار البترول انزلت و ناقلتنا الوطنيه ولا همها

ليش تعرفون ليش طبعا

لانه احنا سلبيين وانا اولكم

نشرد ونبهدل عمرنا في مطارات وخطوط ثانيه

لازم نتعلم انه هذا شي يخصنا والمال السايب 0000

مايصير نسكت

لازم نوصل صوتنا لهم

ولازم يسمعونا

وادارة القطريه لازم تتحاسب

[خــطــافــ]

ياجماعه وين الوطنيه بس تترك حقك الى حل اخر
بكره بيصير القطري مثل.........تكرمون الى متى
ارقع قضيه حتى لو خسرانه لانها قضيه وطن
وشكرا

اشكرك اخوي

هي بالفعل قضية وطن

واتمنى هالروح تكون موجوده عند الكل

[خــطــافــ]

العالم غيرو الاتحاد والاماراتية ولا طيران الخليج وارتاحوا من مشاكل بوهناد

مشكور ع مداخلتك واتمنى انه الهروب مايكون حل دائم لنا كقطريين وفي بلادنا

[خــطــافــ]

صدقني محد راح يرد عليك
ما دام المسؤلين عنها مرتاحين ومحصلين كل اللي يبونه من القطرية وبلاش ما يهمهم الباقي
وبعدين ابي اعرف الخطوط القطرية هي شركة حكومية او خاصة ؟ اللي يعرف الجواب الآكيد بس يرد ما نبي اعتقد ويقولون او سمعت !!
وسلم لي على عين عذاري (القطرية)
وسلامتكم

تسلم ع مداخلتك