كتبت الشعر من عمري ثلاث سنين وشويّه
وأول بيت يحضرني يقول ولا تلوموني
ثلام الله الى النيدو ثلام اتفال يا بنيّه
تلت الديد لئيونت بعد ما تبلت اثنوني
سلام الله على النيدو سلام اطفال يا بنيّه
تركت الديد لعيونك بعد ما كبرت سنوني
يصدق من يصدقني يكذب سئ النيّه
انا قلبي طفل شاعر يعبر عن هوى شجوني
طفل ماهو مثل غيره يشوف احلام ورديّه
وكل قصة الم موجع حكت تكفون هدوني
هنا خنجر هنا حربه هنا وهناك وهنيّه
طعون جروح خلتني تمنيت الكفن كوني
حزين لاخر اعماقي كسير ولا بقى فيّه
مشاعر تحتوي عذرا تسولف هذا مجنوني
اصفق خدي بدمعي عقب تصفيق كفيّه
واناجي نفسها واسئلها " اذا ما مت يبكوني؟ "
غروب الشمس والقمره وزهرة حب جوريّه!
وموج البحر والشاطئ ودفتر شعر مكنوني
اذا ما جفت اغصاني وصرت اوراق مرميّه
من اللي يسئل الشاهد " حجر ما شفت مضنوني؟"
ولد في منتصف عمره بدون اوراق رسميّه
وسط تابوت متمدد ولونه شبه زيتوني!
خذاه الموت في لحظه وفارق نون عينيّه
وترك خلفه كتاباته وأشعاره يسلوني
زماني يا زمان اقشر تعال وشوف ما بيّه
تمتع جلدك بجلدي وحملك ارهق متوني
وانا اللي صابر وقسوة عذابك دون حنيّه
وامني نفسي بالاحسن واقلّب شكي وظنوني
خطاي اني تلبستك ولاني ابن جنيّه
ولا تحصل لي الطلعه بعد ما صرت مفتوني
يا أه الأأأأأه يا أأأهي يا ويل الهم ليليّه
يا ميل البخت يا حظي يا دمع يناظر جفوني
يا شوق يهزني طيفه وانا في قلب سوريّه
يا طيف يردني شوقه لجادل تسكن عيوني
لجادل لو بغت عمري تجيها الروح مرضيّه
مدام انها سبت بعضي يجيها الكل مرهوني
بكــل : كش ملك!!
|
المشاركة الأصلية كتبت بواسطة الرميحي
