ما يكفي انا اقول الشعر وانتي تتذوقينه؟
تبيني بعد اعلمك الكتابه!!
طيب ابشري ولا يهمك لكن لا تسألينه
اذا شفتي بحروف عينه كئابة
هاتي كفك
امسكي هذا القلم
غمضي عينك
واعتبري ما حولك عدم
تخيلي نفسك بين جدران الفضى
ما معك الا القليل الكثير من مصابيح الرضى
وش تكتبين؟ وش تنثرين؟
قالت اكتب عن جرحي وحزني اللي مضى
قلت لا ماهو كذا
وسعي الدائرة اكثر واكثر
قالت اكتب عن شوقي وغرامي في طواحين اللظى
قلت لا ماهو كذا
وسعي الدائرة اكثر واكثر
قالت اكتب عن قلبي اللي كنت عليه افرضه!
قلت لا ماهو كذا
وسعي الدائرة اكثر واكثر
قالت لا .. ما اقدر
انا محدوده خيال
وان في لحظة جمحت
ما اتعدى هالرمال
قلت ايوه بس عندك
اكتبي هذي الرمال
قالت الفضى مابه رمال!!
قلت الحينه وصلتي
الفضى مابه رمال
قالت ما فهمت!! وش كنت تقصد؟
قلت قصدي تخلين المحال واقع
والواقع محال
والذهاب يكون راجع
والرحيل يبقى تعال
والفرح يقلب مواجع
والالم فرحة جهال
والجنون مثل المدافع
والعقل نشوة هبال
قالت اوووووه اثاريها صعبة الكتابة!!
قلت لا ابد ماهي صعبة..مثل مزنة سحابة
مالها موعد ولا ديره
في السما ترعد ولو كانت صغيره
تبتدي بكلمه وتنتهي بحيرة
تسقي العطشان وتزيده ضمى
وتنصب الرهبان حامي للحمى
وتربك اوراق الشجر
وتبعثر اماكن هالحجر
مرات نحسها مخلوق غريب
ومرات واحد من البشر
الكتابة صمت الكتابة حكي
الكتابة ضحك الكتابة بكي
في كثير من الاحيان غبيه
لكن الخوف لا صارت ذكي
قالت بس خلاص كافي قلبي لا تحرقه
يكفي انت تقول الشعر وانا اتذوقه
درس خصوصي لـ : كش م لك
|
المشاركة الأصلية كتبت بواسطة الرميحي
