السلام عليكم ورحمة الله وبركاته
أخواني أخواتي الأعزاء الصراحة من حبي لكم وحبي لهذا الصرح سويت لكم تقرير لسفرتي الى دولة الإمارات العربية المتحدة
وكانت عبارة عن يومين فقط طبعا صورت لكم تصوير عادي وليس تصوير احترافي ... وأتمنى أن ينال التقرير على إعجابكم
طبعا راح أودكم معاي مجمعات وغير ه...تابعوا معاي التقرير بالصور ...
طبعا هذي اللوحة التي توجهك الى طريق دولة الإمارات العربية المتحدة ترى الحين دوار مافي تقاطع ..
1-
طبعا الطريق نظيف جداا ولكن السرعه وراء الحوادث في على هذا الخط ..
2-
طبعا الى الإن نحن على الإراضي السعودية
3-
طبعا الطريق في شاحنات ولازم ناسب ولازم تختار الوقت الي ما يكون في وايد شاحنات ..
4-
طبعا ما صورت المراكز لأنه ممنوع ...
وهذي الخط مشوار ساعه في السيارة فقط وبعدها تتجبه الى دولة الإمارات العربية المتحده وهذا بدابة دخولنا الى الإمارات ..
5-
طبعا أنا قاصد اني انزل صور للشوارع بكثرة وراح أراويكم الأماكن الي تصير فيها حوادث اهل قطر والسبب
6-
طبعا بعد مركز الإمارات وتقريبا 400 متر راح تشوف شجر قدامك ومحلات على يمينك واهني لازم تحاسب لأنه في تقاطعات للسيارات والشجر مغطي شوي واكثر الحوادث الخطرة تكون اهني لشباب قطر ..دايمن تسمعون الحادث قريب السلع هذا هو الخط وهو خط جميل ونظيف ولكن السرعه ..
7-
والله يحفظ كل شبابنا ..
8-
وكان الجو غيم وجميل ةهذا منظر للغيوم ..
9-
طبها أنا ما أخوفكم لا بالعكس شوفو الخط والشارع ولا أروع
10-
خط رائع الصرحة
11-
أهو شيء معاك واحد يسولف على الخط عشان ما تزهق الصراحة عن نفسي اشتري حلاوة وأعقد آكل لين أوصل ..
12-
عقب ريحت ووقفت في اول محطة كبيرة وصبيت بترول خزانين طبعا وهذي صورة للمحطة .
13-
الصراحة الجو كان غيم وبراد ومناظر الغيوم كانت رائعه الصراحة
14-
لاتمللون ترى التقرير أكثر من مئة صورة ..لاني الصراحة حبيت أراويكم كل شيء وأدليكم تقدرون تشترون فيها جملة لكم ..
15-
حبيت تكونون معاي طول الخط لا تزهقون مني سافروا معاي بالصور
16 – طبعا كل 200 متر راح تشوف نفس هذي المسجد ..على طول الخط
بدينا نقترب من المفرق طبعا حتى صوب المفرق لازم تحاسبون من التقاطعات لأنها خطره
17-
شوفوا الغيوم كأنك في بلاك غريبة
18-
ونواصل الى دبي معا إن شاء الله أهم شيء الملل جيب لك شاي وانت أتابع
19-
طبها ما باقي شيء على دبي كم كيلو بس
20-
والي خاطره أوديه دبي بوديه معاي عادي ..
21-
شوفو القطار على ما سمعت انها سوف تصل الى قطر إن شاء الله وعقب نسافر في القطار أسرع وأقرب .
22-
وهذي صورة للشيخ زايد الله يرحمه برحمه
23-
شوفو سكة القطار السريع طبعا عند كل مجمع في دبي في نقطة توقف للقطار ..
24-
طبعا عقب ما وصلت على طول رحت دبي مول أنزل القروب الي كان نايم طول الخط لأنهم ما يبون يضيعون وقت لأنه السفره يومين ..
طبها نزلت عديلي ويا عياله دبي مول وعقب حركت متجه الى السكن لأني كنت دايخ شوي بدلت رجعت لهم ..بعد شاور طبعا ..
25-
مدخل مواقف دبي مووول
26-كان الجور مطر
هذي مواقف دبي مول
27-
عقب حركت بروحي متجه الى السكن عشان أخذ شاور وأرجع لهم مرة ثانية ..
28-
شوفو الحين معاي شارع الإبراج وهو شارع الشيخ زايد ..
29-
تابعوا معاي
|
رد مع اقتباس
