تغزل هات سمعني يا شاعر ينثر حروفه
انا فضيت نفسي لك وكلي الحين تحت امرك
يا بنت النور والمهره فديتك هذي معروفه
مناي تجدد بوصفك ويسمى الوصف من شعرك
هنا ابيات لو قيلت احس بروحي مخطوفه
تعال وقولها تكفى وذوب قلبي بسحرك
اخاف اقولها عنك تقول ان هذي ملقوفه
واخاف اسكت ويذبحني هدوء الموج في بحرك
انا غمضت وش ناطر ؟ يمر الوقت وسيوفه
ثواني تحتضر تشهق تعيش تموت في صدرك
مجرد قول يا مريم وخل الباقي لظروفه
حروفك لو تناديني يسيل الشوق من حبرك
تهجى اسمي على كيفك ترى جلستنا محفوفه
ما غير قلوبنا تسئل تأمن فينا او تشرك ؟
توافق نقلب الايه ترى مريوم بالشوفه
لقول ابيات في وصفك تخلي الغيد ما تدرك
من اللي كان يتغنى بوصف الثاني وطيوفه
من اللي كانت ابياته لها اليدين بس تفرك
من التصفيق والدوخه وضرب الراس بالطوفه
من الاعجاب والحيره وشي ما شفته بعمرك
كلمات شاعرة الاحزان