لاستماع القصيده اضغط الرابط http://www.anashed.net/audio/tawqe3_2/yommah.ram
يمـه انـا شفـت الرسالـه وهليـت
دمعي على خـدي وزادت همومـي
ضاقت بي الدنيا واستاحـش البيـت
وضاقت على جسمي وساع الهدومي
ما فكرت نفس الردى لا ولا اوحيـت
كلمة نصوح جاب عنـك العلومـي
يقول امـك عايشـه نصفهـا ميـت
تعجز عن الوقفه الا جـت تقومـي
نسيت كم ليلة فـي حضنهـا تبيـت
ومن ثديها الطاهر طعامك ترومـي
ما همها الاوجاع يـوم انـك الفيـت
مع مخرج ضيـق ورحـم ظلومـي
وكتوفها لك مركب ان طحت واعييت
ما يركد الخاطر لين انـك تقومـي
تبيـك فـي عـز وراحـات بالبيـت
لو داسوا العالـم عليهـا القدومـي
خف من ولي العرش يومك تناسيـت
وابليس حط بوسط قلبـك سهومـي
حزنه عليـك يفتـت الكبـد تفتيـت
ما تسمعه تقـول بزحـف وأقومـي
يا ليت أشوفك وأسعد القلب يا ليـت
وأجلس معاك لو كان حقي مهضومي
هـذا كلامـك يمـة بقلبـي أوحيـت
أثري بسبب هجرك شقي محرومـي
ما ينفـع الليـل لا والليـل صليـت
لو الدهـر كلـه أزكـي وأصومـي
ما ينفعن لو طعـت ربـي وسميـت
وبريت وحقك بوسط قلبي معدومـي
من أول عايش وفـي داخلـي ميـت
أحسب حياتي عز واثري محرومـي
لا منهم جابوا لـي اسمـك توذيـت
ألـف بالموضـوع لحـد يلـومـي
وأفتح كتاب الله وأقـراه وان جيـت
عند آيـة الأف العظيمـة أحومـي
ومن يوم جاني عيال بـالام حسيـت
يا ليت مثلي كـل عاصـي يقومـي
تايب وباعلن توبتي لحامـي البيـت
وارجيه يغفر ما مضى من جرومـي
حق الاميمة ما أعـده لـو احصيـت
من قام به يلقـى السعـادة تدومـي
وان كان جاء تفريط في شمعة البيـت
ترى العقوبة نحس دايـم وشؤمـي
يمـة أنـا جيتـك وللـراس وطيـت
أطلبك عـارف ان قلبـك رحومـي
جيت أشيل هموم مـا شالهـا هيـت
موجود بين الناس كأنـي معدومـي
أنا سجيـن الضيـق شبيـه بالميـت
أبيع نفسي لجـل ترضيـن دومـي
أنا أعترف وأصيـح للعالـم اخطيـت
يوم اني بهجرك عاقـدت العزومـي
تمت وباصلي علـى ذايـع الصيـت
رسولنـا صفـوة رجـال قرومـي
م ن ق و ل