الشاعرة عابرة سبيل رحمها الله سألوها عن اسمها فقالت:
انا عجوز امطلقه وام ورعان ... وايضا مدام وبنت وآنس وعانس
أنا بدوية وعايشة عند حضران...وبنت البحر وابوي زارع وغارس
أمية ماتعرف حروف والوان...وتلميذة دشت جميع المدارس
ضفرة وخبله عاقله فيّ نقصان...شرود وانطح لي ثمانين فارس
خلون اعيش العبرة بدون عنوان..طيف يمر بلا رقابه وحارس
-------------------------------------------------------------------
وقالت مخاطبة زوجها:
العيد باكر أسعـد الله ممسـاك والله مدري ويـن خـدٍ جلستـه
وين انت ياللي عيدنا في محياك كف القدر من ضيقة الخلق بسته
من يوم ما لوحت لي كف يمناك لليوم دمعي بالخفا مـا حبستـه
ومن يوم ماذوقتني حر فرقـاك والياس زرعه في حياتي غرسته
شريت لي ثوبٍ علي شان لقياك والثوب راحت موضته مالبسته
وشريت عطرٍ ما زهاني بليـاك أربع سنيـن بعلبتـه مالمستـه
ودفتر قصيدٍ كل يـوم يترجـاك مافيه يومٍ ماسهـرت ودرستـه------------------------------------------
وقالت توصي زوجها عند وفاتها رحمها الله
ترى الذبايح و أهلها ما تسّليني .... أنا أدري إن المرض لا يمكن علاجه
أدري تبي راحتي لايا بعد عيني .... حرام ما قصّرت إيديك في حاجه
أخذ وصاتي وأمانه لا تبّكيني .... لو كان لك خاطرٍ ما ودي إزعاجه
أبيك في يديك تشهدني وتسقيني .... أمانتك لا يجي جسمي بثلاجه
لف الكفن في يديك وضف رجليني .... ما غيرك أحدٍ كشف حسناه واحراجه
أبيك بالخير تذكرني وتطريني ..... يجيرني خالقي من نار وهاجه
سامح على اللي جرى ما بينك وبيني ..... أيام نمشي عدل وأيام منعاجه
همي عيالي وأنا اللي فيْ ..كافيني ..... علمهم الدين تفسيره ومنهاجه-------------------------------------------
رحم الله ام فهد رحمة واسعة واسكنها فسيح جناته
|
المشاركة الأصلية كتبت بواسطة كش ملك!!
