أيهما أفضل المصرف أو الوطني الإسلامي ؟

[سهم المراقيب]

وأنا أقول محد عانى مع هالبنك غيري.. صج من شاف بلاوي غيره هانت عليه بلاويه.. والله بعض الاخوان الشاميين فالكول سنتر يرفعون الضغط تخيلوا فاتح حسابي عندهم من شهرين، واستلمت البطاقة بعدها ب3 أسابيع، لا وبدون تفعيل!
أتمنى من أي حد شغال فالمصرف ويقرى هالمشاركة يتواصل معاي على الخاص عشان اعطيه الوقت والتاريخ، ويتخذون الإجراء مع الموظف.. عقبها بأكثر من 24 ساعة اتصلت مرة ثانية وطلبت تفعيل البطاقة وتفعلت أخيرا..
طيب، التنبيه بالحركات الي على الحساب بالرسايل، ليش ماتتفعل! حسبي الله ونعم الوكيل فيهم من مصرف.. غير التنقع على الخط، كل المكالمات نادر مايردون عليك خلال اقل من دقيقة.. والله عن تجربة.. يمكن مرة وحدة بس ردوا بعد 55 ثانية.. هالكلام أول أمس.. أول أمس طلبت منهم تفعيل الاس ام اس ولاتفعلت!

بس الحق ينقال، تعامل موظفينهم في فرع راس لفان أكثر من راقي.. والله بدون مبالغة.. كفاية انهم من هل قطر..

يالله الحمدلله على كل حال..

اخي الفاضل من الظلم التعميم على جميع من في خدمة العملاء ,,
بالعكس أكثرهم محترمين جداً وتعاملهم راقي ,,

وبالنسبه للي حصل لك مع المصرف يعتبر امر طبيعي جداً ,, يعني عادي ,,
هم يتغنون بالمعاملات البنكيه ذات الجوده والمرونه والتطور ,, وانا اقول لهم وين التطّور ؟ ,,

في الدول المتقدمه تفتح حساب في 5 دقايق,, وبعد 10 دقايق يطبعون لك دفتر شيكات ,,
وبعد 5 ايام تجيك بطاقة الصراف الآلي والفيزا لين باب بيتك ,, لكن في المصرف لازم
يرفعون كتاب للأمم المتحده على كل خدمه تطلبها وما يجيك طلبك إلا وقدك خالص وراح عليك شغلك ,,

احنا بدورنا كعملاء نطلب من ادارة المصرف والقائمين عليه من تحسين الخدمات المقدمه ,,
ليش البنوك الربويه أفضل منكم ؟ مافيها شي اذا الواحد يتعلم من غيره ,,

[وتبقى الدنيا حلوه]

السلام عليكم

أنا موظفة في مصرف قطر الاسلامي من سنة تقريبا متوظفة عموما حبيت أساعدكم و اللي عنده شي يبلغني عن طريق الخاص كخدمه مع أن ادارتي بعيده كل البعد عن خدمة العملاء و غيره

فأي حد عنده مشكله أو شي ممكن اساعده

عموما ...

في المصرف حوالي 3500 موظف أو أقل و عندنا عملاء فوق ال50.000 وأكثر << أنا مو متأكده من الرقم بس أكثررر
المهم فالمصرف من البنوك المهمة بقطر و عليه ضغط فأنا اعتذر لكل عميل واجه مشكله معنا أو تأخر طلبه بالنيابه عن الادارات المسئولة ..

عموما اللي ذكر و قال عنده دين ممكن تحول دينك للمصرف (شراء مديونية )

و بنسبة ثابته و غير متغيره لأنه البنوك الربوية بين فتره و فترة تزيد نسبتها
يعني نشتري دينك و نسده لك بمبلغ بسيط
طيب أنت الحين بتقول انا شنو بستفيد و الدين بيزيد ؟!
الله يسلمك البنوك الربوية بين كل فترة و فترة ترفع فايدتها مثلا يعني هم متفقين ان فايدتهم بتكون 3% بس بعد فترة صار شي أو البنك المركزي رفع النسبة عليهم بيرفعونها الى 4% يعني البنوك الربوية دووووم نسبتها تزيد و مستحيييل تكون ثابته و عموما أخوي تخيل أنك كنت تدفع لهم ربااااا و الربا حراااام نرجع لمحور حديثنا ..
المصرف يدرس الحالة و يشوف شسالفه و يسون معاك مقابله و في حالة كل شي صار أوكي يشترون المديونية و يسددونها و يكون القسط الشهري مبلغ ثااابت و كل شي واضح يعني مو أول 9 شهور يكون القسط 3000 و الشهور اللي بعد 5000 ...
و غير هاي كل هاي بيكون حلال و بتكون طلعت من الحرام و الارباح بتكون ثابته ...

اذا أقتنعت بالفكره بعطيك رقم وحده مسئولة بهل القسم و كلمها و بتشرح لك أكثر لأني أنا بادارة ثانية مالها دخل بالمره بهل السالفه بس حبيت أساعدك ...

بانتظار ردكم ...

و على فكره و عن تجربة شخصية المصرف أقل البنوك بالنسب و اذا مو مصدقين أسالوا ..

[سهم المراقيب]

هذا رابط لفتوى الشيخ السالوس حفظه الله عن التعامل مع البنوك الربويه التي لها افرع اسلاميه ,,
وأجاز الشيخ التعامل مع الوطني اللإسلامي بالتحديد ,,

http://www.qatarshares.com/vb/showpo...9&postcount=50

إن شاء الله نفتح حساب في الوطني الإسلامي قريباً ,, مجبورين لا مخيّرين ,,

[مجرد احساس]

انا اتعامل مع المصرف اكثر من 10 سنوات والحقيقه المصرف اخر ثلاثة سنوات تطور بشكل ممتاز واذا حبينا نقارن بين المصروف والوطني الاسلامي فرق كبير
اولا المصرف السيارة يعطيك حره الوطني الاسلامي مرهونه
فائدة المصرف في تمويل السيارات اقل واجد من الوطني الاسلامي
في كول سنتر في المصرف الوطني الاسلامي بعد الساعة تتحول البداله على الوطني العادي
لاتوجد فروع مسائية في الوطني الاسلامي يعني بطاقة الصراف لازام تروح الصبح
المصرف لايأخذ فائدة في عملية الشراء عبر الفيزا كارت من المحلات(لاقصد السحب النقدي) الوطني الاسلامي يأخذ عمولة ثابيته
فكر اخوي وقارن قبل اتخاذ القرار والله يوفقك

[بو راشد 1]

السلام عليكم ورحمة الله وبركاته

أخواني الاعزاء

بعد 15 سنة مع البنك الربوي بتوفيق من رب العالمين
خلصت التزماتي معهم ومستعد لرحيل الى احد البنوك الاسلامية
لذلك السؤال هو أيهما أفضل المصرف أو الوطني الإسلامي ؟

شكرا لكم .

لنا تعامل مع كل من المصرف الاسلامي + الدولي الاسلامي + الوطني الاسلامي + الريان
و الافضلية تعتمد على تعامل الموظف معاك و ليس البنك بذاته، احيانا يكون المصرف افضل و احيانا الدولي او الوطني حسب الشخص الذي عندة معاملتك. هذا ما لاحظته مع تعاملي مع البنوك. وهذا غير مضمون لان الموظفين (الجيدين) يتغيرون.

[ورقــة أمــل]

اخوي ماقدر اقارن لك بين الوطني الاسلامي والمصرف لاني ماتعاملت مع الوطني
لكن سبق وتعاملت مع الدولي الاسلامي بصراحه بنك يبط الجبد
المصرف تعاملهم حلوو بس احيانا تصير مشاكل تخلي الواحد يفقد اعصابه
كذا مرة صار لي هالموقف كنت اشتري من كارفور اغراض ويوم اسحب من البطاقة تطلع مب شغاله واتوهق عند الكاشير اقوم اتصل بخدمة العملاء واحيانا سنة لين مايردون اخر شي يقولون لك عندنا مشكلة او تصليحات يعني انا شذمبي لا يدزون مسج ولا شي عشان الواحد ياخذ حذره
غير اني فاتحة عندهم حساب جاري وتوفير ومرة ضاعت مني البطاقة وعقب ما جددتها كل ما حاول اسحب عند الكاشير يقولي no fund واضطر اروح على اقرب atm عشان اسحب وتميت فترة على هالحال
ويوم سافرت الامارات ماقدرت اسحب لا من اي تي ام ولا من اي مكان تميت اتصل فيهم مليوم مرة ومحد يرررد زين ان كان عندي مبلغ احتياط ولا كنت بتوهق عدل بعد 3 ايام ردوا علي الا تقولي الموظفة حسابج محول على التوفيرر !!! انقهررررررررت كنت بتهاوش بس الشرهه مب عليها الشرهه على الموظفة اللي سوت لي البطاقة
في النهاية تعامل الموظف وايد مهم من خدمات البنك نفسها احيانا

[almazam]

المصــــــــــــرف

[qtr1]

مصرف الريااااااااااااان

[فويرط]

الـمـصــــــرف