هل هذا المنظر في قطر الخير...

[الدانة عنود]

السلام عليكم

سمعت ان جمعية قطر الخيريه
دبرت لهم مسكن مجاني
جزاهم الله خير

بعد ما تدرون يمكن الناس الي لهم البيت من اهل قطر ومحتاجين
الله يعلم باحوال الناس

[سعادة الوزير]

جزاك الله خير اخوي بو علي

لكن انا اسمحولي اني ارجع شويه لأصل المشكلة .. قبل الواحد يكلفه شراء الأرض وبناء الفيلا مبلغ يتراوح بين ال 400 وال 600 الف ريال (اتكلم عن فيلا للأجار .. يعني استثماريه) .. الحين مب اقل من مليون و ميتين الف وانت رايح .. يعني ثلاث اضعاف .. يعني طبيعي ان الاجار الي كان 3 الاف ريال يصبح 10 الاف .. بتقولون اني ادافع عن اصحاب الملاك وابرر زيادتهم الكبيره للايجارات؟ باقول لكم لا الموضوع مب بهالشكل .. الي ابي اقوله ان على الدوله انها تتحرك وتوقف الزيادة السريعة جدا لاسعار الاراضي .. بتقولون شلون ؟؟ باقول لكم بسيطه جدا ... استئناف صرف الاراضي لمستحقيها من القطريين .. الاستعجال في توصيل الخدمات لمن صرفت لهم الاراضي بالملكيات المؤقته .. تنظيم اعمال الهدم العشوائي (نعم عشوائي و الف عشوائي !!! .. عيل اليوم اشتري بيت بمليون وبكره يهدمونه ويعطوني 800 الف تعويض؟؟؟؟ ) .. والاهم من كل هذا .. مراقبة من يشتري الاراضي ... واعني بذلك الي يشترون باسماء قطريين ..

انا ماقدر اني احط اعذار لصاحبة البيت .. ولكن ارتفاع الايجارات 3 و 4 اضعاف يغري الكل .. البيت متأجر ب 850 ويمكن حصلت عرض ب 3000 الاف ريال!! .. او يمكن تبي تهدمه وتبني عماره .. بتييب لها اجار 20 ولا 30 الف ريال .. يعني في الاخر ترى المال عديل الروح .. وهالايام وين بتحصل حد يضحي بعشرات الالوف كل شهر عشان الفقراء والمساكين؟؟؟؟

واسمحولي

[الرمز]

الحمد لله مادامهم في قطر ماعليهم خوف ( دار بو مشعل )


وكلنا عرفنا بان جمعية ( قطر الخيريه + صندوق الزكاة ) قد تكفلوا بتاجير بيت للعائله وتقديم معونه لهم حتى يجد الزوج عمل يعينه
طبعا مع وجود الكثير من اهل الخير الذي تبرعوا للعائله جزاهم الله كل خير .

[ابن الجزيره]

ماعليك زووود (شرياص)

الحمد لله مادمهم في قطر ماعليهم خوف ( دار بو مشعل )


وكلنا عرفنا بان جمعية قطر الخيريه + صندوق الزكاة قد تكفولوا بتاجير بيت للعائله وتقديم معونه لهم حتى يجد الزوج عمل يعينه
طبعا مع وجود الكثير من اهل الخير الذي تبرعوا للعائله جزاهم الله كل خير .



ولاكن حنا نقوووول " الحمدلله الذي عافانا مما ابتلي فيه كثير من الناس "
ودمتم سالمين[b]

[Dragon]

بال اذا يسوون مع القطرين جذي عيل الاجانب اش بيسووون
بس والله الفلوس تغير النفوس اتسوي اي شىء با الانسان
يعطيك العافيه

[بوعبدالله2005]

زين اليمن فيها اكثر من كذيه

والله انتي ما عندج احساس وبصراحه انتي تذكريني بعفير

[حبيـ M ـبها]

الطمع اصبح مسيطر على الناس .. هنا .. بس والله ترى لين اليوم في ناس جعل الله يرزقهم الرزق الحلال

ويوسع عليهم نفس ماهم موسعين على المساكين ولا زادوا الاجار فلس واحد ..

بارك الله فيهم ..

تسلم ابو علي