@@ زميلتي ،، لا تريد شفقة ، وإنها سوف تعطيه حقه @@

[ذيبه مزاجيه]

لا حول و لا قوة الا بالله

حسبي الله ونعم الوكيل في طليقها و في البنك بعد

الله يعينها مسكينه ويسخر لها عيال الحلال اللي يفكون كربتها ..

[Ghost]

جزاكي ربي خير بنت الدحيل بس المشكلة في الندل اللي تزوج وحدة معوقة وضحك عليها الله لا يوفقه لا دنيا ولا اخرة الظلم شين وسواته ما هي سوات مسلمين ( هذا لو كان فعلا ضحك عليها )

[مافيا قطر]

اول شى هى تعرف انه السلف من البنوك الربويه حرام ليش تاخذ سلفه بهاى المبلغ الكبير له
وثانى شى خليها تروح بنك اسلامى ويشترون لها السلفه بس راح يكون القسط عالى شوى بس الافيده الثابته
او تتم على حالها لين الفرج يجى من عنده وتحاول تتفاهم مع طليقها السابق وان كان فعلا خذ الفلوس ومارد لها شى منها ما تقول الله على الظالم اللى استغل ظروفها المسكينه او حبها له وان الله بياخذ حقها منه سواء فى الديا ولا الاخره وربى مايرضى بالظلم وانه سريع العقاب وان تدعى ربى فكها من اللى هى فيه اما هو دار الزمن به مصيره معروف وين

[جورجي]

اللة يفرج كربتها وكرب المسلمين اجمعيين يارب

[حمد]

ممكن البنك رفع سعر الفائده على القرض لانه بعد الأزمة العالمية تم فرض رسوم زياده على القروض وارفعوا نسبها من بداية شهر 12 وذلك بسبب الأزمة العالمية واحد من أصدقائي اضطر على بيع سيارته بسبب هذا الشيء لانه البنك اخلف معاه الأتفاق

هل عندك خلفيه اذا هالكلام ينطبق على البنوك الاسلاميه .. او الافرع الاسلامية للبنوك الربويه؟

[sad-o-bas]

اولاً الله يكون بعونها ويفرج عنها

ثانياً ليش ما ترفع قضيه ضد طليقها ( ان كان هو من استفاد من المال )

ثالثاً وحسب خبرتي المتواضعه السبب في رفع القسط بسيط جداً وهو كالتالي :

هناك نوعان من القروض الشخصية ( الكاش ) :

الأول : قرض ثابت أي أن الفائدة فييه ثابته وغير متحركه والأقساط ثابته طول مدة السداد .

الثاني : قرض متحرك أي أن الفائدة في هذا القرض ليست ثابته بل هي متحركه حسب الأوضاع الإقتصاديه للبنك وفي هذا النوع أيضاً يكون القسط غير ثابت أي أنه يبدأ بمبالغ صغيره للسداد ومع طول المدة يبدأ بالإزدياد

وهذا ما حدث مع صديقتك بأنها أخذت قرض متحرك وهي لا تعلم ( والخطأ من زوجها والبنك اللي ما فهمومها )

المهم نصيحتي لها بأن تذهب لأحد البنوك الإسلامية وتطلب منهم شراء قرضها بالكامل وتحويله إلى قرض ثابت وفي هالحالة ستقل المدة والفائدة ولكن الله يعينها سيكون القسط مرتفع أكثر قليلاً ولكنه ثابت وبفائدة ثابته


وبالأخير أرجع وأقول الله يفرج كربتها وكرب جميع المسلمين

السلام عليكم.. الله يفرج كربتها.. بس أخوي تعليق بسيط.. لاتحل المشكلة بمشكلة.. صح نسب البنوك الاسلامية ثابتة.. بس تتكلم عن 20 سنة أو أكثر.. يعني ال10% الي بياخذها البنك الإسلامي بتصير 200% في عشرين سنة على القرض، بيصك المبلغ مليون إلا إذا مب أكثر..

تحياتي للجميع، وأتمنى من أصحاب رؤوس الأموال مساعدة هالمواطنة الصالحة والتخفيف عليها وفي ميزان حسناتكم كلكم وعلى راسكم.. الدالة على الخير الأخت بنت دحيل..

[النجلا]

الله يفرج همها ويفك كربتها

كسرت خاطري

[وطن]

كنت بقترح تحول على بنك اسلامي ويسدد قرضها
بس اللي فهمته ان القرض 400 الف
طيب والفوايد اللي عليه كم ؟
يعني اللي بيسدده لها لازم يسدده كامل مع الفوايد

او ان هذا المبلغ مع الفوائد حالياً ؟؟

برايي الحل انها تحول على بنك اسلامي
وتثبت القسط
حتى لو اخذ وقت طويل
بس في الأخير اسلامي

[BO KHLIFA]

كنت بقترح تحول على بنك اسلامي ويسدد قرضها
بس اللي فهمته ان القرض 400 الف
طيب والفوايد اللي عليه كم ؟
يعني اللي بيسدده لها لازم يسدده كامل مع الفوايد

او ان هذا المبلغ مع الفوائد حالياً ؟؟

برايي الحل انها تحول على بنك اسلامي
وتثبت القسط
حتى لو اخذ وقت طويل
بس في الأخير اسلامي

هذا الراي الأهون انها اتروح لبنك اسلامي يسدد اللي عليها وبارباح ثابته انا حسبتها حسبه سريعه على النظام القديم .. بيطلع القسط تقريبا 6500 في هالحدود يمكن اقل اشوي ويمكن ازود اشوي .. وعلى سبع سنوات والمبلغ ثابت مايزيد
الله يفرج عليها وعلى جميع المسلمين ..
لو البنوك الاسلامية تلتفت لهذي الحالات وتقلل الارباح بشكل كبير يعني اتخليها في حدود 3% من أجل جذب عملاء البنوك الربوية صدقونه البنوك الربوية تسكر بيبانها لكن بنوكنا الاسلامية الله يهديهم فيهم طمع كثير حسب ماسمت ان الآن الارباح في حدود 5.5 إلى 6.5 في المائة وهذا كثير اذا ماعلمنا ان المبالغ اللي متورطين فيها الناس كلها على الحد الأقصى

[قطريه ماركه]

الله يكون في عونها .. ويفكها من الدين ..