السـلام عليـكم ورحمـه الله وبركاته
مسيتـو بالنور وصبحتوا بالسرور .. <- ماتجي ولكن أن شاء الله أنها تدخل مخـكم
والله بعضنا مايدري وش يسوي اذا طق فيه عرق [ الطفش ] لدرجه أن بعض الشعب
الخليجي ادمن ترافيان لدرجه أنه لو تلقي نظرهـ على [ مفضله الجهاز ] راح
تحصل كل سيرفرات ترافيـان وماراح تحصل غيرها .. وحتى لو تناظر المستندات على سطح
المكتـب راح تلاحظون مستندات لـ اليوزرات والباسوورد في سيرفرات ترافيـان <- على كذا
يبي لنا نطالب بتكوين دائره حكوميه تكافح الألعاب الالكترونيه مثل مكافحه المخدرات والتسول
و ...... و ..... الخ ..
فـ بعد مقدمتنـا الأولى اللي تطرقنـا فيهـا لـ ترافيـان ونتفنـا فيهـا .. ندخل في المقدمـه الثانيه
<- بنقالي اول مره ينزل موضوع وحاط مقدمتين
.
.
البعـض منا عانى في حياته لدرجه أن بعضنا صارت احلامه اكثر من ايام عمرهـ واليكم انا
أقرب مثال على هذا .. حتى أني صرت اتحلم بأي وظيفـه من بعد ماكنت اطمح لـ دكتور ومهندس
ولكن الظروف تخلي الواحد خروف .. فـ قلت اللي يجي من الله حياه الله .. وبلا طموح وبلا مهايط
مره ثـانيه وهـ أنا ادفـع بـ عجلـه الحيـاه باحثاً عن وظيفـه ولكن العجله في كل مرهـ تخون وترجـع
ريـوس وتدعـس علي <- تعبيـر مجازي مـع شويه عربجـه فـ بحثت عن شيء يخليني
اتعـايش مـع حلمي ووجـدت لعبـه تسمـى باللغه الخواجيه " secondlife " وتسمى باللغـه
العربيه " الحياه الثانيه " وتسمى باللغـه المنسمـه " صكندلايف :$ " <- آخر وحده لأحد
يصدقهـا ..
الموهيـــم ..
هذي اللعبـه تخليك تعيش عالمك الثاني .. وانا عشت عالمي الثاني فيها بصراحه حتى
أني جحدت أهلي في العالم الثاني وعشت مع مجموعه ايطالييين ولكهم طلعوا سرابيت و
لعبـوا علي وانحاشوا لـ ديره مايعلم بها الا الله .. طبعاً لو اتكلم لكم عن المواقف الطريفـه وربي
ماراح اخلص " طبعاً المواقف انا نفسياً عايشتها "
نبـذه عـن اللعبـه :
اللعبـه تجسد لك عالم ثاني أفتراضي فيه الملايين من اللأعبين والبشر في شتى دول العالم
تقدر تسولف معهم وتأخذ علومهم وتتزوج منهم وتقدر تتوظف عندهم وتقدر تكون رئيس دوله
وتقدر تكون لك شركات ومؤوسسات وتقدر وتقدر وتقدر ....... الخ وكأنك في العالم الحقيقي ..
وحتى أنك تقـدر تؤدي فرائض الحج والعمره وتصلي وتروح للكنائس وتلعب مع انديه أقول لكم
بمختصر الكلام المشوق هذا أن اللعبـه كأنهـا الحياه الواقعيـه يعني بتنبسطون أن شاء الله
عليهـا خصوصاً اللي ماتحققت احلامهم مثلي <- طلعت " مُـضطهد يامنسم "
.
.
وتخيلـو أن الحكومه السويديه فتحت لهم أول سفاره وهميه باللعبـه وكذالك بعض الحكومات ..
وايضاً شركة تويوتا للسيارات فتحت معارض في اللعبـه .. يعني العبـه بالمختصـر المفيـد
عالميـه وتدخلـك الواقـع من أوسـع أبوابوو <- على قولة الأخوان في العالم الثاني ( واحد مدمن )
وحسب مصادري المنسمـه أن رئيس وزراء تايلاند يلعبهـا .. وشخصيات مهمه تضيع وقتها
هنـاك ..
قبـل التسجـيل نقـاط هـامـه ومفيـده لـكم :
1 ) الألمـام باللغـه الأنقليـزيه لأنهـا اللغـه الوحيـده اللي يتخاطبـون فيهـا النـاس واذا ماتعرف
روح لـ ترجمـه قـوقل وخلـه فاتح معـك 24 سـاعـه عشـان يترجم لك ..
2 ) حجـم تحميـل اللعبـه بسيـط ولكـنها مع التثبيت تحتـاج لـ مساحه كـافيه للجهـاز <- لاتخافون
انا مثبتهـا والمحمول حقي جربان بس عاد حصل لي نوع من التعليق باللعبه اللي كل شوي
يطلعني برى
طيـب اللحيـن نعـطيكم طريقـه التسجيـل في العـالم الثـاني .. وبالصـور لعيـونكم
أولاً هذا رابط الموقـع :
www.secondlife.com
افتحـه واضغـط على المربـع البرتقـالي مثل اللي بالصـورهـ التاليـه :
وبعـدين راح تفتـح لك صفحـه التسجـيل .. عبـىء البيـانـات كمـا في الصـورتين التاليـه :
بعـد تعبـئة البيـانـات بالشكل الصحيح .. والضغـط على [ Create Account ] راح تنتقـل للصفحـه هـذي ..
^^^
^^
^
وبتـوصلك رساله في نفس الوقـت على إيميلـك ويمـكن تحصلهـا بالجنـك ميل .. المهـم روح أفتح الرسـاله واضغـط على أول وصلـه وراح تنقلـك الى صفحـة تحميـل اللعبـه .. حملهـا .. وبعديـن سوو لهـا تثبيت على سطح المكتـب " مثل تثبيت البرامج بسيطه " وبعديـن
بعد التثبيت راح تظهـر لك اللعبـه " لاحظوا الصوره من سطح المكتب "
^
اضغـط على الأيقـونه الثانيه وأفتح اللعبـه .. وبعديـن راح تظهـر لك اللعبـه بهالشكل [ طبق كما في الصورهـ ]
بعديـن تبي تدخـل لـ عالمك الثـاني وراح تشوف ناس تكلم معهـم من أنواع الجنسيات
وأي ملاحظه على اللعبـه اكتبها بالرد مع أني الى الآن مالميت باللعبه المام كامل ولا عرفت أغلبها
و
و
و عيش .. حيـاتك ..!!
ملاحظـه :
الشرح بالرسـام :$
مـع تحيــــــــــــاتي ..
منقول
|
رد مع اقتباس