مستحيل اتزوج وحده كانت معاي بعلاقه حب لأني سبق وحبيت وحده لفتره طويله وفي اول يوم من علاقتنا اسألتني نفس سؤالك يامس قوتشي .هل ممكن تتزوج من وحده اتكلمها ؟ فقلت لها لا مستحيل وبعد ذالك رحبت فيني وفي صراحتي وقالت اوكي زين انك قلتلي وماطلعت نفس الشباب ألي اسمع عنهم وقبل ماتنتهي المكالمه قالتني انا تشرفت بمعرفتك وهذا آخر اتصال مني ,فقلت لها انا ماعندي مشكله وفرصه سعيده وسكرت الخط. وفي اليوم الثاني تفاجات بمسج في تلفوني منها تصبح علي وعقب ماخاطبنا بعض بالمسجات واعدتني في نفس اليوم وشفتها في مكان عام, وبعد ذالك صارت بينا علاقه صداقه بعد مااعترفتلي بكل العلاقات الغراميه السابقه وسألتها في ذالك الوقت هل لك أي علاقه بالفتره الحاليه فقالت لي لا.. وبعد مرور اشهر حبيت البنت حب كبير وتمت فكره الزواج منها تراودني وقلت في نفسي (عفا الله عما سلف) وحبيت استر ع البنت وافتح صفحه جديده بحياتها ولكن سبحان الله حبل الكذب قصير وكانت الصدمه الكبيره , اكتشفت انها ع علاقه بشخص كانت طالعه معاه وسرق تلفونها وعقب مانزلها البيت وبالصدفه اتصلت انا علشان اقعدها من نومها لأنها قالتلي انا بنام ساعتين وبالصدفه شاف رقم تلفوني وتميت احرق التلفون علشان اقعدها بس محد رد علي وبعد خمس دقايق جاني رقم غريب ورديت عليه وتفاجأت انها حبيبتي متصله من تلفون ثاني وصوتها مرتبك وبين عليه انها ماكنت نايمه ويوم سالتها اشفيك قالتلي اخوي اخذ التلفون مني ولاتتصل ابدآ ع ذاك الجوال وقتلها اني اتصلت واجد عليه بس محد رد وانا الصراحه شكيت في الموضوع وحسيت انه في شي بير ورى هذا الموضوع وبعد يوم من السالفه جاني رقم غريب وقمت رديت عليه وكان المتصل رجال يطلب مقابلتي في موضوع هام فقلت له عسى ماشر شسالفه فقالي ان شفت رقم تلفونك في جوال فلانه واهو عندي ألحين فكانت صدمتي كبيره لدرجة اني ماقدرت امشي ع رجلي لمدة دقايق من هول الصدمه , ورحت وقابلته ع طوووووول واكتشفت الحقيقه بعيني واكتشفت انها كانت اتكلم شخص ثالث معانا احنا لأثنين وكانت تمثل علينا دور الشرف والعفاف كله والمشكله الكبرى احنا صدقناها لانها بنت ناس ومتعلمه وتشتغل في وظيفه مرموقه ومربيه اجيال وللأسف ... هاذي كانت نهايه قصه حب كانت مشروع زواج في النهايه ولكن الحمدالله ألحين انا عرفت ألي يمشي غلط ماراح يحصل ألا الغلط وانا انصح كل الشباب انهم يختارون عدل ومايتزوجون الا زواج تقليدي وبعد مايسالون عدل عدل عدل عن البنت , لأن الصراحه قلو البنات ألي متربين ..
وهاذي قصه حقيقه واتمنى انك تتعضون منها ياشباب وانا ألحين قاعد ادور ع بنت الحلال ألي تسعدني واتمنى من رب العالمين انه يرزقني الزوجه الصالحه والذريه الصالحه,آمين يارب العالمين..