انتي كلامك واضح
سبق أنه كان في بينكم علاقة حب
ليه الكل افترض انها علاقة حرام
او معرفة عن طريق التليفون او النت او الشات او المولات
هو ما ينفعش يكون حد بيحب حد والعلاقة محترمة وليها حدود واخلاق
وتنتهي بزواج عادي برضو؟؟؟؟؟
يعني اللي بيحبو لازم يكونو مش محترمين، وماعندهمش اخلاق، ومافيش تربية
او رقيب او حسيب او ضمير يحاسبو نفسهم
وفي ناس بتحب بعض من غير ما يقولو لبعض
وبرضو محترمين وولاد ناس وربنا في الاخر بيكتب لهم الزواج
مش عارفا ليه دايما في دماغنا وبالذات الرجاله
رابطين حاجات ببعض وعندهم ثوابت ما بتتغيرش
رابطين بين الحب والعلاقة حرام
مادام واحد وواحده بيحبو بعض يبقا في لازم حاجه غلط
بين الزواج التقليدي واخلاق الزوجة و نجاح الزواج
لا وواثق انها واحده محترمة .... لمجرد ان مامته هي اللي اختارتها
طيب ماهي ممكن تكون اسواء من غيرها بس هي اذكي وبتعرف تداري ومافيش حد عارف
وبين اللي لبسا النقاب والاخلاق
واللي لبسا عادي وانها متحررة وكل حاجة عندها Free
مافي واحده بيكون النقاب مفروض عليها
وبتلبسه وبرضو بتعمل اللي هي عايزاه
اللبس مش مقياس مطلق للأخلاق
مع احترامي للجميع
الأراء المكتوبة ( اللي بتعبر عن شخصيات اصحابها)
هي السبب الرئيسي في أن نسبة الطلاق في قطر والخليج عامة عالية جداً